Yeremia 50:11 - BAIBLO ALOO NGMAMI KLƆUKLƆU Ɔ

¹¹ Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

Yeremia 50:11 ပူးပေါင်းရင်းမြစ်များ

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Zakaria 14:12

Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.

Obadia 1:12

Amanehlu nɛ o nyɛmimɛ Yuda bi ɔmɛ na a, e sɛ nɛ o bua jɔɔ he. E sɛ kaa o naa bua jɔmi ngɛ ligbi nɛ a kpata a hɛ mi ɔ nɔ. E sɛ nɛ o tuɔ he nɔ womi munyu ngɛ a haomi ligbi ɔ nɔ.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Hosea 10:11

“Sa a, Israel ngɛ kaa na yiheyo nɛ a tsɔse lɛ saminya. Be tsuaa be ɔ, e suɔ kaa e gblɛ ngma. Se i pee ye yi mi kaa ma wo e kuɛ saminyayoo ɔ kuɛpã tso, konɛ e tsu ní kpakpataa. I ha Yuda gbla na kpakplaa tso ɔ, nɛ Israel hɛɛ ngmɔ nɔ dlami nɔ́ ɔ mi.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Yeremia 50:27

Nyɛɛ gbe a ta buli ɔmɛ tsuo! Nyɛ kpata a hɛ mi pɛsɛpɛsɛ! Babilonia bi ɔmɛ a yi fi wawɛɛ nitsɛ. A tue gblami be ɔ su!”

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Yeremia 46:21

Ta buli nɛ Egipt bɔ mɛ apaa a, mɛ po a ngɛ kaa na bimɛ kɛkɛ. A nyɛ we nɛ a da si ngɛ ta a nya; mɛ tsuo a tu fo kɛ je ta a nya. A haomi be ɔ su, a hɛ mi kpatami be ɔ su.

Yeremia 5:28

A plɔke, nɛ a pee tɔfutɔfu, nɛ a yi mi wa kaa nɔ́ ko. A ha we awusahi a blɔ fa mi níhi nɛ sa, nɛ dɛgutsɛmɛ hu a yi dami sane ha we mɛ.

Yeremia 5:8

A ngɛ kaa okpɔngɔ kuhi nɛ plɔke saminya nɛ a he mi ngɛ mɛ ngɔɔe, nɛ a he mi abua ngɛ nɔ́ dee ha mɛ; nɔ tsuaa nɔ hɛ dɔ ngɛ e nyɛmi e yo se.

Abɛ Womi 17:5

Nɔ nɛ yeɔ ohiatsɛ he fɛu ɔ, ohiatsɛ ɔ bɔlɔ e ngɛ jɛe ɔ nɛ. Nɔ nɛ bua jɔɔ nɔ ko amanehlu he ɔ, e be e he yee.

La 22:12

He nyɛli kpanakuhi babauu bɔle mi kɛ kpe; a he ngɛ gbeye kaa na kuhi nɛ je Bashan zugba a nɔ.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Yesaya 47:8

“Jehanɛ lɛɛ, bu tue; mo nɛ o suɔ je mi ngɔɔmi yemi, nɛ o hii si gbɔjɔɔ kaa nɔ nɛ he mi jɔ lɛ, mo nɛ o fĩaa ke o kle kaa Mawu, nɛ nɔ ko nɔ ko kɛ mo sɔɛ. O susuu hu kaa o be yalɔyo pee gblee, nɛ o bimɛ hu be gboe kɔkɔɔkɔ.

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 46:20

Egipt ngɛ kaa na yo saminyayoo nɛ pwɔlwɛ je omleyi je ba kɔ lɛ.

Ezekiel 35:15

Benɛ ye ma Israel nɔ si nɛ e pee pasaa a, o nya. Jehanɛ lɛɛ Seir yo ɔmɛ, kɛ Edom zugba a tsuo maa pee pasaa kulaa. Kɛkɛ ɔ, nɔ tsuaa nɔ maa le kaa imi ji Yawɛ.”

Ezekiel 36:5

“Imi Nyɔmtsɛ Yawɛ, i kɛ hɛdɔ, kɛ abofu tu munyu kɛ si je ma amɛ, kɛ Edom zugba a tsuo. Mɛɛ lɛɛ a nya, nɛ a gbe ye ma a he guɛ; ejakaa a ngɔ ye zugba a, kɛ lohwe lɛmi he ɔmɛ ngɔ pee a weto ní.

Habakuk 1:15

Babilonia bi ɔmɛ kɛ gbowe ngɛ nimli adesahi sae kaa a saa pa mi lo. A kɛ a ya amɛ gblaa mɛ kɛ yaa, nɛ a kɛ bua jɔmi heɔ ose kaa a nine gbe ní babauu.