Yeremia 50:10 - BAIBLO ALOO NGMAMI KLƆUKLƆU Ɔ

¹⁰ A maa ha ní ngɛ Babilonia zugba a nɔ kɛ yaa si nɔ tsuaa nɔ ma na bɔ nɛ e suɔ. Imi, Yawɛ lɛ i de.”

Yeremia 50:10 ပူးပေါင်းရင်းမြစ်များ

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yesaya 45:3

Ma je juetli kpo ha mo kɛ je diblii mi, kɛ je hehi nɛ a ngɔ mɛ ngɔ laa ngɛ ɔ, konɛ o na nɛ o le kaa imi Yawɛ, Israel Mawu ɔ, i le mo, nɛ i kɛ o biɛ tsɛɔ mo.

Yesaya 33:4

A níhi plɛɔ peeɔ ta yibu ní nɛ a haa gidigidi kaa baalɛhi peeɔ a ní.

Yeremia 50:26

Nyɛ ya tua Babilonia kɛ je he tsuaa he, nɛ nyɛɛ ywia ngma tomi he ɔmɛ. Nyɛɛ to ta yibu ní ɔmɛ kaa ngma nɛ a to lɛ glekugleku! Nyɛ kpata zugba a hɛ mi! Nyɛ ko si nɔ ko nɔ ko ngɛ nɔ!

Yeremia 51:24

Yawɛ ke, “Yayamihi tsuo nɛ Babilonia kɛ Babilonia ma mi bi ɔmɛ pee Yerusalem he je ɔ, ma gbla a tue nɛ nyɛ maa na kɛ nyɛ hɛngmɛ.

Yeremia 51:35

Nyɛ ha nɛ Zion bi ɔmɛ nɛ a de ke, “Yi mi nɛ Babilonia bi ɔmɛ wa wɔ ɔ, a gbla a tue kɛ to nya!” Nyɛ ha nɛ Yerusalem bi ɔmɛ nɛ a de ke, “Haomi nɛ ba wa nɔ ɔ, a gbla Babilonia bi ɔmɛ a tue kɛ to nya!”

Ezekiel 11:24

Ngɛ nina a mi ɔ, Mawu mumi ɔ kɛ mi ba Babilonia ekohu ngɛ ni nɛmɛ nɛ a nuu kɛ ho ma se ya a a ngɔ.

Yeremia 50:37

Ta ma ba na okpɔngɔ ɔmɛ, kɛ zugba lɛ ɔmɛ; ta ma ba na ma se ta buli tsuo nɛ ngɛ Babilonia a; a he wami maa ta, nɛ a maa pee kaa yihi pɛ! A maa ha a juetli tsuo!

Habakuk 2:8

Nyɛ nɛ nyɛ ha je mahi babauu a ní ɔ, jehanɛ lɛɛ, je ma amɛ nɛ piɛ ɔ maa ha nyɛ hu nyɛ níhi; ejakaa nyɛ kpata nihi a hɛ mi, nɛ nyɛ pee yi wu tso níhi kɛ si zugba a, kɛ ma a, kɛ nihi nɛ ngɛ ma a mi ɔ tsuo.