Yeremia 50:1 - BAIBLO ALOO NGMAMI KLƆUKLƆU Ɔ

¹ Sɛ gbi nɛ Yawɛ ha mi nɛ kɔɔ Babilon ma a, kɛ ma mi bi ɔmɛ a he ji nɛ ɔ nɛ:

Yeremia 50:1 ပူးပေါင်းရင်းမြစ်များ

Mose I, 10:10

Kekleekle ɔ, Nimrod nɔ yemi he ɔmɛ ji Babilon, Erek, kɛ Akad ngɛ Babilonia zugba a nɔ.

Mose I, 11:31

Tera ngɔ e binyumu Abram, kɛ e bibi Lot, Haran binyumu ɔ, kɛ e nganyɛ Sarai, Abram yo ɔ, nɛ e kɛ mɛ je Ur ngɛ Babilonia kɛ yaa Kanaan. Se benɛ a su ma a nɛ a tsɛɛ Haran ɔ, a ya to lejɛ ɔ.

Mose I, 11:9

A wo ma a biɛ ke Babilon, ejakaa lejɛ ɔ Yawɛ tsaka ni ɔmɛ a gbi ɔ ngɛ, nɛ e gbɛ mɛ ngɔ fĩa je ɔ mi tsuo.

Samuel II, 23:2

Yawɛ mumi ɔ tuɔ munyu kɛ guu ye nɔ, nɛ e sɛ gbi ɔ ngɛ ye nya he.

Matsɛmɛ II, 17:24

Asiria matsɛ ɔ ya ngɔ nihi kɛ je Babilon, Kut, Ava, Hamat, kɛ Sefarvaim kɛ ba wo Samaria ma amɛ a mi ngɛ Israel bi ɔmɛ a nane mi. Mɛ hu a ngɔ Samaria ngɔ pee a nɔ, nɛ a hi ma amɛ a mi.

Hiob 1:17

E nya na we nɛ e nɔ si nɛ tsɔlɔ kpa ba nɛ e ba de ke, “Kaldea ní hali a kuu etɛ ba tua wɔ. A gbe o tsɔli ɔmɛ tsuo, nɛ a ngɔ afukpɔngɔ ɔmɛ kɛ je. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Yesaya 23:13

Tsa pi Asiria bi nɛ pee ní nɛ ɔmɛ; Babilonia bi mohu nɛ ha lohwe dikali ba tua Tiro ma a; mɛ nɛ a fia kpoku kɛ wo Tiro ma a he, nɛ a ku mɔ nguangua amɛ kɛ pee lɛ ma doku.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Daniel 1:1

Yuda matsɛ, Yehoyakim yi nɔ jeha nɛ ji etɛ ɔ mi ɔ, Babilonia matsɛ, Nebukadnezar ba tua Yerusalem, nɛ e sá ma a yi.

Ni Tsumi 7:4

Lɔ ɔ he ɔ, Abraham je Kaldea bi ɔmɛ a zugba a nɔ, nɛ e ya hi Haran. Benɛ e tsɛ gbo se ɔ, Mawu ha nɛ e je lejɛ ɔ kɛ ba zugba nɛ nyɛ ngɛ nɔ mwɔnɛ ɔ nɔ.

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”