Yeremia 5:8 - BAIBLO ALOO NGMAMI KLƆUKLƆU Ɔ

⁸ A ngɛ kaa okpɔngɔ kuhi nɛ plɔke saminya nɛ a he mi ngɛ mɛ ngɔɔe, nɛ a he mi abua ngɛ nɔ́ dee ha mɛ; nɔ tsuaa nɔ hɛ dɔ ngɛ e nyɛmi e yo se.

Yeremia 5:8 ပူးပေါင်းရင်းမြစ်များ

Mose I, 39:9

I ngɛ he wami ngɛ we nɛ ɔ mi kaa bɔ nɛ lɛ hu e ngɛ ɔ. Nɔ́ ko nɔ́ ko be nɛ ye nyɔmtsɛ ɔ je we he gbi ha mi, kaa ja mo pɛ; ejakaa moo lɛɛ e yo ji mo. Mɛni he je mɔ nɛ ma tsu yi wu tso ní kaa kikɛ nɛ ɔ, nɛ ma pee yayami kɛ si Mawu?”

Hiob 31:9

Ke ye nyɛmi ko e yo he pee mi akɔnɔ hyɛ, nɛ i ya wo lɛ ka ngɛ ye nyɛmi nɛ ɔ sinya se ɔ,

Mose II, 20:14

“Ko puɛ gba.

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Abɛ Womi 6:29

Nɔ nɛ kɛ e nyɛmi e yo ya hwɔɔ si ɔ, e sane ɔ ngɛ kaa kikɛ nɛ ɔ nɔuu. Nɔ tsuaa nɔ nɛ tsuɔ kikɛmɛ a ní nɛ ɔ, e be e he yee ligbi ko ligbi ko.

Yeremia 13:27

Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Yeremia 50:11

Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Ezekiel 22:11

Ni komɛ kɛ mɛ nitsɛmɛ a nyɛmimɛ a yihi hwɔɔ si; ni komɛ kɛ a nganyɛmɛ, nɛ ni komɛ hu kɛ a tsɛmɛ a biyihi hwɔɔ nɛ́ zo pee we mɛ.

Mose V, 5:18

“ ‘Ko puɛ gba.

Mose V, 5:21

“ ‘O hɛ ko kɔ̃ o nyɛmi e yo nɔ; o hɛ ko kɔ̃ o nyɛmi e we, aloo e zugba, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.’