Yeremia 5:5 - BAIBLO ALOO NGMAMI KLƆUKLƆU Ɔ

⁵ Ma ya nimli ngua amɛ a ngɔ, nɛ i kɛ mɛ ma ya tu munyu. Niinɛ, mɛɛ lɛɛ a le nɔ́ nɛ Yawɛ, a Mawu ɔ ngɛ hlae nɛ a pee.” Se ni nɛ ɔmɛ hu ngɛ kaa nimli gu ɔmɛ kɛ̃; mɛ hu a tsɔ Yawɛ hɛ mi atuã, nɛ a bui lɛ fɛɛ.

Yeremia 5:5 ပူးပေါင်းရင်းမြစ်များ

Kronika II, 36:14

Jehanɛ se hu, Yuda ma nimeli ɔmɛ, osɔfo ɔmɛ, kɛ ma a tsuo pee yayami kɛ si Yawɛ. A ya sɔmɔ je ma amɛ nɛ bɔle mɛ ɔ a mawu ɔmɛ, nɛ a kɛ nɔ́ nɛ ɔ ble Yawɛ we ɔ nɛ lɛ Yawɛ ɔ nitsɛ pee klɔuklɔu ngɛ Yerusalem ɔ.

Mose II, 32:25

Benɛ Mose na kaa Aaron nine kpi ma a he, nɛ ma a ngɛ basabasa pee kɛ ngɛ a hɛ mi si puee ngɛ a he nyɛli ɔmɛ a hɛ mi ɔ,

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

Yeremia 30:14

Nyɛ suɔli ɔmɛ tsuo a hɛ je nyɛ nɔ, a bi we nyɛ si hu. I ba tua nyɛ kaa he nyɛlɔ tuaa nɔ; i gbla nyɛ tue wawɛɛ nitsɛ, ejakaa nyɛ pee yayami nguanguahi babauu.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 8:7

Godohi tete le be nɛ a kɛ kpaleɔ a se kɛ baa we; lahuɛ, otoklii, kɛ aklawa hu le be nɛ a kɛ jeɔ he kake kɛ yaa he kake. Se ye ma, nyɛɛ lɛɛ nyɛ li ye mlaa amɛ.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Ezekiel 11:2

Kɛkɛ nɛ Mawu de mi ke, “Nɔmlɔ adesa, nihi nɛ susuɔ ní yayahi a he, nɛ a woɔ ga yayahi ngɛ ma a mi ɔ, mɛ ji nɛ ɔmɛ nɛ.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Luka 18:24

Yesu hyɛ lɛ too, nɛ e de ke, “Hyɛ bɔ nɛ e wa ha niatsɛmɛ kaa a maa sɛ Mawu matsɛ yemi ɔ mi!

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’