Yeremia 5:3 - BAIBLO ALOO NGMAMI KLƆUKLƆU Ɔ

³ Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Yeremia 5:3 ပူးပေါင်းရင်းမြစ်များ

Mose I, 19:34

E nɔ jena a, Dede ɔ de e senɔ ɔ ke, “Hiɛ nyɔ mi ɔ, i kɛ tsaatsɛ ya hwɔ. Ha nɛ wa ha lɛ dã ekohu nyɔ nɛ ɔ mi, nɛ mo hu o kɛ lɛ ya hwɔ, konɛ wɔ tsuo waa kɛ wa tsɛ nɛ fɔ, bɔ nɛ pee nɛ weku kpa a se ko po.”

Matsɛmɛ I, 13:33

Ní nɛ ɔmɛ kulaa a se ɔ, Matsɛ Yeroboam kpale we kɛ ji e blɔ yayami ɔmɛ a nɔ; se mohu e hlaa nihi kɛ jeɔ ma a mi he tsuaa he, nɛ e woɔ mɛ osɔfohi kɛ haa ní tsumi ngɛ jami he ɔmɛ. Nɔ tsuaa nɔ nɛ suɔ kaa e maa ye osɔfo ɔ, kɛkɛ Yeroboam wo lɛ osɔfo.

Matsɛmɛ II, 1:13

Matsɛ Ahazia tsɔ asafoatsɛ etɛne, kɛ lɛ hu e we bihi nyingmi enuɔ. Benɛ asafoatsɛ etɛne nɛ ɔ ya su yoku ɔ nɔ ɔ, e kpla si ngɛ Eliya hɛ mi nɛ e fa kue ha lɛ ke, “Mawu nɔmlɔ, i kpa mo pɛɛ, ha nɛ i kɛ o tsɔli nyingmi enuɔ nɛ ɔmɛ wa wami he nɔ́ nɛ dɔ mo.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

La 51:8

Ha ma nu lele hwɔmi, kɛ bua jɔmi he. E ngɛ mi kaa a gbla ye tue wawɛɛ lɛɛ, se ha nɛ ma na bua jɔmi ekohu.

La 55:20

Ye he nɔ ya tua e huɛ; somi nɛ e kɛ mi so ɔ, e yi nɔ.

Abɛ Womi 21:29

Yiwutsotsɛ toɔ e hɛ mi liliili kɛ peeɔ yayami; nɔ nɛ peeɔ nɔ́ nɛ da lɛɛ e susuɔ níhi a he saminya.

Abɛ Womi 22:12

Yawɛ haa anɔkuale daa si, nɛ yayami peelɔ munyuhi peeɔ yaka.

Abɛ Womi 23:35

O ma de ke, “A fia mi ní, se i nui he fɛɛ; a fia mi kpa, lɔ ɔ hu i nui he! Mɛni be ye hɛ maa tsɛ? Aa, ma hla dã bɔɔ nɛ ma nu ekohu!”

Abɛ Womi 27:22

Ke a kongo kuasia kaa bɔ nɛ a gbeeɔ blɛfo ngɛ tso mi po, e biɛmi ɔ be tae.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Yesaya 48:4

Israel bi, i le kaa nyɛ kuɛ wa; e ngɛ kpakpataa kaa dade, nɛ nyɛ yi wu tso ngɛ kpɛkpɛtɛɛ kaa akɔblee.

Yesaya 9:13

Israel bi ɔmɛ kpale we kɛ bɛ Yawɛ Tabohiatsɛ ɔ ngɔ. E ngɛ mi kaa e gbla a tue bɔ nɛ sa lɛɛ,

Yeremia 15:7

I ngɔ nɔ́ mi sami nɔ́ kɛ sa nyɛ mi ngɛ ma amɛ tsuo a mi ngɛ zugba a nɔ. I kpata nyɛ, ye ma a hɛ mi; i gbe nyɛ bimɛ ɔmɛ, ejakaa nyɛ kpa we nyɛ ní yayami ɔmɛ peemi.

Yeremia 17:23

Nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu, a pee we. A wa tue, bɔ nɛ pee nɛ a ko nu nɔ́ nɛ i ngɛ mɛ dee ɔ, nɛ a ba kase ní.

Yeremia 19:15

“Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Kaa bɔ nɛ i de to ɔ, i kɛ haomi nɛ nya wa maa ba ma nɛ ɔ, kɛ mahi tsuo nɛ bɔle lɛ ɔ a nɔ. Ma pee nɔ́ nɛ ɔ, ejakaa nyɛ tue wa, nɛ nyɛ nui ye munyu ɔmɛ.’ ”

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Yeremia 3:3

Enɛ ɔmɛ a he je lɛ a tsi hiɔmi nɛmi nya, nɛ gbo hiɔmi po nɛ ɔ nɛ. O ngɛ kaa yo yaholɔ nɛ e zo tɔ ywia pɛ.

Yeremia 32:19

O toɔ nile gahi, nɛ o peeɔ ní nguanguahi. O naa níhi tsuo nɛ nimli adesahi peeɔ, nɛ o woɔ mɛ hiɔ bɔ pɛ nɛ sa mɛ.

Yeremia 44:10

Se kɛ ba si mwɔnɛ ligbi nɛ ɔ, nyɛ bɛ nyɛ he si. Nyɛ wui ye hɛ mi nyami, nɛ mlaahi tsuo nɛ i wo nyɛ, kɛ nyɛ nɛmɛ ɔmɛ ɔ, nyɛ yi mlaa amɛ a nɔ.

Yeremia 7:26

Se nɔ ko nɔ ko bui mɛ tue; sɛ gbi ɔ hu nyɛ ngɔɛ. Nyɛ wa tue mohu, nɛ nyɛ ya nɔ pee yayami kulaa pe nyɛ nɛmɛ ɔmɛ.

Yeremia 7:28

De mɛ ke ma nɛ ɔ bui imi Yawɛ, a Mawu ɔ; a tue nɛ i gbla a hu a kase we ní kɛ ji mi. Anɔkuale laa pɛsɛpɛsɛ; munyu ‘anɔkuale’ ɔ po nɔ ko pa wui nɔ ta hu.

Yeremia 8:5

Ye ma! Mɛni he je mɔ lɛ nyɛ je ye se, nɛ nyɛ sume kaa nyɛ maa kpale kɛ ba a? Mɛni he je nyɛɛ kɛ nyɛ he ha sisimi ní hi kikɛ nɛ ɔ, nɛ nyɛ sume kaa nyɛ maa kpale kɛ ba ye ngɔ ɔ?

Ezekiel 2:4

Ma nɛ e mi bi a tue wa, nɛ a bui mi a ngɔ i ngɛ mo tsɔe ɔ nɛ. Yaa de mɛ nɔ́ nɛ imi Nyɔmtsɛ Yawɛ i ngɛ mɛ dee ɔ.

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Daniel 9:13

Tue gblami ɔmɛ nɛ a wo a nɔ ta ngɛ Mose mlaa womi ɔ mi ɔ, lɛ tsuo ba wa nɔ. Se Yawɛ, wa Mawu, wa bɔɛ mɔde kaa wa maa pee o suɔmi nya ní; wa ngmɛɛ we wa yayami ɔmɛ a he, nɛ o we anɔkuale ɔ hu wa nyɛɛ we se.

Mose III, 26:23

“Ke tue gblami nɛ ɔmɛ tsuo a se ɔ, nyɛ bui mi tue, se mohu nyɛ ya nɔ tsɔ atuã kɛ mwɔɔ ɔ,

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Amos 4:6

“Imi lɛ i ha nɛ hwɔ ba nyɛ ma amɛ tsuo a mi ɔ nɛ; se kɛ̃ ɔ, nyɛ kpale we kɛ bɛ ye ngɔ.” Yawɛ lɛ de.

Amos 4:8

Benɛ kuma miɔ nɛ e maa gbe nyɛ ɔ, nihi je ma enyɔ kɛ etɛ a mi kɛ ya ma ko mi, he nɛ a susu kaa a ma na nyu ngɛ nɛ a nu; se nyu ɔ sui mɛ. Loloolo ɔ, nyɛ kpale we kɛ bɛ ye ngɔ.” Yawɛ lɛ de.

Amos 4:9

“I ha nɛ latsa kɛ gɔgɔ kpata nyɛ niba ní ɔmɛ a hɛ mi. Baalɛhi ye nɔ́ tsuaa nɔ́ ngɛ nyɛ ngmɔ ɔmɛ, kɛ nyɛ wai abɔɔ ɔmɛ a mi; ngmɔkɔ tso ɔmɛ, kɛ oliv tso ɔmɛ hu a kpe mɛ tsuo. Loloolo ɔ, nyɛ kpale we kɛ bɛ ye ngɔ.

Zefania 3:7

I de ke, ‘Jehanɛ lɛɛ ye ma mi bi ɔmɛ maa bu mi tue; jehanɛ lɛɛ ke i bɔ mɛ kɔkɔ ɔ, a maa ye gbeye, nɛ e be hiae kaa ma gbla a tue ekohu.’ Se a ya nɔ pee yayami pe kekle ɔ mohu.”

Romabi 2:2

Wa le kaa Mawu buɔ nihi nɛ tsuɔ jamɛ a ní ɔmɛ bɔ nɛ fɔ ɔ le da pɛpɛɛpɛ.

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?