Yeremia 5:28 - BAIBLO ALOO NGMAMI KLƆUKLƆU Ɔ

²⁸ A plɔke, nɛ a pee tɔfutɔfu, nɛ a yi mi wa kaa nɔ́ ko. A ha we awusahi a blɔ fa mi níhi nɛ sa, nɛ dɛgutsɛmɛ hu a yi dami sane ha we mɛ.

Yeremia 5:28 ပူးပေါင်းရင်းမြစ်များ

Zakaria 7:10

Yalɔyihi, awusahi, nibwɔhi, kɛ nihi nɛ e fi mɛ ɔ, nyɛ ko wa mɛ yi mi. Jehanɛ hu, nyɛ ko to nyɛ sibi a he ga yaya.’

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

La 73:12

Hyɛ, bɔ nɛ yayami peeli ngɛ ji nɛ ɔ nɛ. Mɛɛ lɛɛ daa nɛ ɔ, a ngɛ he jɔmi mi, nɛ a ngɛ ní nae kɛ ngɛ he bɔe.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

1 Korintobi 5:1

A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

Amos 4:1

Amos ya nɔ nɛ e de ke, “Nyɛ Samaria yihi nɛ nyɛ plɔke pee tɔfutɔfu kaa Bashan nahi nɛ a je blɔ lɛ mɛ, nyɛɛ bu tue! Nyɛ nɛ nyɛ waa ohiatsɛmɛ yi mi, nɛ nyɛ sisiɔ dɛgutsɛmɛ, nɛ nyɛ nyɛɔ nyɛ hunomɛ a nɔ ke a ha nyɛ dã nɛ nyɛɛ nu!

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Yeremia 2:33

Nyɛɛ hyɛ bɔ nɛ nyɛ toɔ ga kɛ hlaa yo! Yi yaholi kpanakuhi po maa kase ní kɛ je nyɛ ngɔ.

La 119:70

Mɛɛ lɛɛ a nui nɔ́ ko nɔ́ ko sisi, se imi lɛɛ i naa o mlaa a he bua jɔmi.

La 72:4

Matsɛ ɔ nɛ ye ohiatsɛmɛ a sane ha mɛ. E piɛ dɛgutsɛmɛ a he, se yiwutsotsɛmɛ lɛɛ e kɛ mɛ nɛ to ní.

Hiob 12:6

Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Yeremia 22:3

‘Imi Yawɛ, i wo nyɛ mlaa ke nyɛɛ ye dami sane, nɛ nyɛɛ pee nɔ́ nɛ da. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Nyɛ ko wa nibwɔhi, awusahi, kɛ yalɔyihi yi mi; nɛ nyɛ ko pue nɔ nɛ pee we nɔ́ ko ɔ muɔ si ngɛ he klɔuklɔu nɛ ɔ.

La 73:4

A he ko he ko yi mɛ ɔ, a ngɛ he wami; a ngɛ kpakpataa.

Abɛ Womi 15:25

Yawɛ kuɔɔ he woli a wehi, se e haa yalɔyo e buna maa si kpɛii.