Yeremia 5:26 - BAIBLO ALOO NGMAMI KLƆUKLƆU Ɔ

²⁶ “Yiwutsotsɛmɛ ngɛ ye ma mi bi ɔmɛ a kpɛti. A woɔ ka kaa bɔ nɛ nihi nɛ tsɔɔ lohwe pɛlitsɛmɛ klama peeɔ ɔ. Se mɛɛ lɛɛ ke a tsɔ klama a, nimli lɛ a duɔ.

Yeremia 5:26 ပူးပေါင်းရင်းမြစ်များ

Abɛ Womi 1:11

Ke a de mo ke, “Ha nɛ waa ho nɛ wa ya hla nɔ ko waa gbe! Ha wa ya wo nɔ ko nɛ pee we nɔ́ ko ka, nɛ waa gbe lɛ yaka gu!

Yeremia 18:22

Ha nɛ ta nɛ ba tua mɛ tlukaa, nɛ bubuubui nɛ pɛ ngɛ a we ɔmɛ a mi. A tsua muɔ ngɔ fɔ si ha mi nɛ ma nɔ mi, nɛ a tsɔ mi klama nɛ ma du.

La 64:5

A peeɔ yi wu tso ní nɛ ɔmɛ ngɛ laami mi; a tsɔɔ klamahi babauu; a woɔ a sibi he wami, nɛ a deɔ ke, “Mɛnɔ maa na wɔ?”

Luka 5:10

Simon huɛmɛ, Yakobo, kɛ Yohane, Zebedeo bimɛ ɔmɛ hu a he mi po ja nɔuu. Jehanɛ Yesu de Simon ke, “Koo ye gbeye! Kɛ je mwɔnɛ ɔ kɛ yaa a, o maa hɛ nimli ha mi kaa bɔ nɛ a hɛɛ lo.”

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Yeremia 9:8

A lilɛ ngɛ kaa kɛ̃ɛ̃ mi bi nɛ gbeɔ nɔ; lakpa pɛ a yeɔ. Nɔ kɛ e nyɛmi tuɔ munyu ngɛ he jɔmi mi, se a tsui mi be ja; klama mohu lɛ a hii a sibi tsɔe.

Yeremia 18:20

Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

Mika 6:10

Nyɛ yayami ɔmɛ ba hiɛ tsɔ! Sisimi blɔ nɔ nɛ nyɛ guɔ kɛ naa ní ɔ, anɛ nyɛ be kpae lo? Yayami peeli a wehi a mi hyi tɔ kɛ june nɛ a kpɔ ngɛ nihi a dɛ. A kɛ sɛni tɛ nɛ sui ngmɛɔ níhi. I nyɛ nɔ́ nɛ ɔ.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.