Yeremia 5:23 - BAIBLO ALOO NGMAMI KLƆUKLƆU Ɔ

²³ Se nyɛ kikɛmɛ a ma nɛ ɔ lɛɛ nimli nɛ a tsui kplii, kɛ atuã tsɔli ji nyɛ; nyɛ tsɔ ye hɛ mi atuã, nɛ nyɛ kua mi.

Yeremia 5:23 ပူးပေါင်းရင်းမြစ်များ

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

La 95:10

I ná yi nɔ bi nɛ ɔmɛ a he abofu jeha nyingmi eywiɛ sɔuu. I de ke, ‘Nimli nɛ ɔmɛ je ye se; a kua ye mlaa amɛ a nɔ yemi’

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

Yesaya 31:6

Yawɛ ke, “Israel ma, nyɛ pee yayami kɛ si mi, nɛ nyɛ tsɔ atuã. Se jehanɛ lɛɛ, nyɛɛ kpale kɛ ba ye ngɔ!

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Yeremia 4:17

A ma sá Yerusalem ma a yi kɛ kpe kaa bɔ nɛ buli buɔ zugba he ɔ; ejakaa ma mi bi ɔmɛ tsɔ Yawɛ hɛ mi atuã. Yawɛ lɛ de.

Yeremia 5:5

Ma ya nimli ngua amɛ a ngɔ, nɛ i kɛ mɛ ma ya tu munyu. Niinɛ, mɛɛ lɛɛ a le nɔ́ nɛ Yawɛ, a Mawu ɔ ngɛ hlae nɛ a pee.” Se ni nɛ ɔmɛ hu ngɛ kaa nimli gu ɔmɛ kɛ̃; mɛ hu a tsɔ Yawɛ hɛ mi atuã, nɛ a bui lɛ fɛɛ.

Yeremia 6:28

Mɛ tsuo pɛpɛɛpɛ atuã tsɔli, kɛ yakayaka nimli ji mɛ; a tue wa kaa akɔblee kɛ dade. Daa nɛ ɔ, a ngɛ nihi a sisi nyɛɛe kɛ ngɛ bee.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Hosea 4:8

Nyɛ náá ní babauu kɛ jee yayami nɛ ma a ngɛ pee ɔ mi. Lɔ ɔ he ɔ, nyɛ suɔ kaa ma a nɛ ya nɔ nɛ a hi yayami pee kpamisa.

Zefania 3:1

Musu tloo Yerusalem! Ma nɛ́ wo e he mu! Atuã tsɔli kɛ yiwutsotsɛmɛ a ma.

Mose V, 21:18

“Waa ngɔ lɛ kaa nyumu ko ngɛ binyumu atuã tsɔlɔ nɛ e tue wa, bi nɛ bui e fɔli, nɛ ke a gbla e tue po e bui.

Mose V, 31:27

I le kaa a kuɛ wa, nɛ a tsɔɔ atuã. Be mi nɛ i ngɛ je mi ɔ, a tsɔ Yawɛ hɛ mi atuã, nɛ ke i gbo lɛɛ kɛ e ma ba hi kɛɛ?

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.