Yeremia 5:22 - BAIBLO ALOO NGMAMI KLƆUKLƆU Ɔ

²² Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Yeremia 5:22 ပူးပေါင်းရင်းမြစ်များ

La 104:9

O to huzu ha nyu ɔ nɛ e ko be he, konɛ e ko kpale ba ha je ɔ nɔ hu.

Hiob 26:10

E po huzu ngɛ wo hɛ mi kɛ gba piani kɛ nyɔ a kpɛti.

Abɛ Womi 8:29

Benɛ e fa wo ɔ ke wo nyu ɔ ko be e huzu ɔ he ɔ, i ngɛ lejɛ ɔ. Benɛ e to je ɔ sisi ɔ, jamɛ a be ɔ, i ngɛ lejɛ ɔ.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

Mose V, 28:58

“Ke nyɛ bui Mawu tsɔɔmi ɔmɛ tsuo, nɛ́ nyɛ pee bɔ nɛ a ngma ngɛ womi nɛ ɔ mi, nɛ nyɛ wui Yawɛ, nyɛ Mawu ɔ biɛ nɛ ngɛ nyakpɛ kɛ gbeye ɔ hɛ mi nyami ɔ,

Nahum 1:4

Ke Yawɛ wo gbi ɔ, wo miiɔ nɛ e peeɔ zugba gbigbli, nɛ pahi gbliɔ. Lohwehi a ní yemi he kpakpahi nɛ ngɛ Bashan kɛ Karmel yo ɔmɛ a nɔ ɔ nglaa; nɛ Lebanon mɔmɔ ɔmɛ taa.

Yeremia 10:7

Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

Marko 4:39

Yesu te si, nɛ e nga kɔɔhiɔ ɔ yi, nɛ e de wo ɔ ke, “Ngmɛɛ dii!” Kɔɔhiɔ ɔ jɔɔ fiami, nɛ wo ɔ ngmɛ dii.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Amos 9:6

Yawɛ poɔ e we ngɛ hiɔwe, nɛ e ngɔɔ hiɔwe nɔ́ mluguduu ɔ kɛ haa zugba a hɛ mi. E yɛɔ nyu kɛ jeɔ wo mi nɛ e plɛɔ kɛ pueɔ zugba. Lɛ ji Yawɛ!

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.

La 33:7

E bua wo nyu ɔ nya glekugleku; nɛ e ngɔ nyu babauu ɔ kɛ to ngɛ nito hehi.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

Daniel 6:26

I ngɛ mlaa woe ke nɔ tsuaa nɔ nɛ ye Daniel Mawu ɔ gbeye, nɛ e bu lɛ ngɛ ye matsɛ yemi he ɔ tsuo. “Mawu hɛ kalɔ ji lɛ, nɛ e ngɛ kɛ yaa neneene. E matsɛ yemi ɔ hɛ mi be kpatae kɔkɔɔkɔ, nɛ e he wami ɔ se be poe gblegbleegble.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Mose I, 1:9

Enɛ ɔ se ɔ, Mawu fa ke, “Nyu ɔ nɛ ngɛ hiɔwe ɔ sisi ɔ nɛ bua e he nya ngɛ he kake, konɛ zugba gbigbli nɛ je kpo.” Nɛ e ba mi ja.

Hiob 38:8

Benɛ wo ɔ hia kɛ ma babaaba kaa nɔ́ nɛ zugba a nitsɛ mi mi lɛ e je ɔ, mɛnɔ lɛ nga sinya a kɛ tsi wo ɔ nya?

La 46:3

Ke wo ɔ gli, nɛ oslɔke ɔmɛ ku kɛ ngmlaa hoo, nɛ e ha yo ɔmɛ mimiɛ po, wa be gbeye yee.

Yesaya 64:2

I ná nɛ yo ɔmɛ mimiɛ ngɛ o hɛ mi kaa bɔ nɛ lɛ́ tsɔwi la tsoo nɛ e haa nyu fiaa gudaguda ngɛ la nɔ ɔ. Ke e ba mi ja a, o he nyɛli ɔmɛ maa nu o he, nɛ je ma amɛ a he maa do blibliibli ngɛ o hɛ mi!

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Amos 4:12

“Lɔ ɔ he ɔ, Israel ma, ma gbla nyɛ tue. Nyɛ dla nyɛ he nɛ nyɛɛ kɛ imi, nyɛ Mawu ɔ ba kpe!”

Matsɛmɛ I, 13:28

nɛ e kuɔ teji ɔ kɛ ho. E ya na gbalɔ kaketsɛ ɔ gbogboe ɔ nɛ fɔɔ si ngɛ blɔ ɔ nɔ nɛ teji ɔ kɛ jata a daa si ngɛ he kɛ mwɔɔ. Jata a yi nɔ gbogboe ɔ, nɛ e tsɔtslɔɔ we teji ɔ mi hulɔ.

Hiob 37:24

Enɛ ɔ he je ɔ, nihi tsuo yeɔ lɛ gbeye; ni nɛmɛ nɛ mɛɛ a buɔ a he ní leli ɔ, Mawu lɛɛ e bui mɛ fɛɛ.

Yeremia 31:35

Yawɛ lɛ pee pu, konɛ e tso piani. Lɛ nɛ pee nyɔhiɔ kɛ dodoehi konɛ a kpɛ nyɔ mi. Yawɛ lɛ klɛɔ wo mi, nɛ e haa nɛ oslɔke ɔmɛ gliɔ E biɛ ji Yawɛ Tabohiatsɛ.

Yona 1:16

Nɔ́ nɛ ɔ ha lɛ mi bi ɔmɛ ye Yawɛ gbeye wawɛɛ; lɔ ɔ he ɔ, a sã bɔ ha lɛ, nɛ a wo si kaa a ma sɔmɔ lɛ.