Yeremia 5:19 - BAIBLO ALOO NGMAMI KLƆUKLƆU Ɔ

¹⁹ Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”

Yeremia 5:19 ပူးပေါင်းရင်းမြစ်များ

Yeremia 16:13

Enɛ ɔ he je ɔ, ma fie nyɛ kɛ je zugba nɛ ɔ nɔ kɛ ya zugba nɛ nyɛ, loo nyɛ nɛmɛ ɔmɛ po li nɔ. Nyɛ ma ya sɔmɔ mawu kpahi ngɛ lejɛ ɔ nyɔ kɛ pia, nɛ i be nyɛ mɔbɔ nae.’ ”

Yeremia 13:22

Ke o bi o he ke, “Mɛni he je ní nɛ ɔmɛ tsuo ba ye nɔ” ɔ, heto ɔ ji, o he yayami babauu ɔ he je nɛ he nyɛli ba pee mo kikɛ nɛ ɔ kaa yo nɛ nyumu kpa e he bo, nɛ e bɔ lɛ ahlua a nɛ.

Kɔmɔ Yemi 5:8

Nyɔguɛhi lɛ a ngɛ wa nɔ yee; nɛ nɔ ko nɔ ko be nɛ ma kpɔ wɔ kɛ je a dɛ mi.

Yeremia 2:35

nyɛ deɔ ke, ‘Oo, i tsa pee we yayami ko kɛ wui Mawu mi mi la; e mi mi tsa fu we mi pohu.’ Se imi Yawɛ, ma gbla nyɛ tue kɛ̃, ejakaa nyɛ ye lakpa ke nyɛ pee we yayami ko.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yeremia 2:14

“Israel ɔ nɛɛ, nyɔguɛ ji lɛ lo? Anɛ nyɔguɛ si himi mi a fɔ lɛ ngɔ wo lo? Mɛni he je mɔ nɛ e he nyɛli ɔmɛ ngɛ e se nyɛɛe, nɛ a ngɛ lɛ dae kikɛ nɛ ɔ?

Yeremia 5:18

Yawɛ ke, “Se jamɛ a be ɔ mi po, i be ye ma a hɛ mi kpatae pɛsɛpɛsɛ.

Yeremia 5:20

Yawɛ ke, “De Yakob nina nɛ ji Yuda bi ɔmɛ ke,

Yeremia 9:13

Yawɛ he nɔ ke, “Nɔ́ nɛ he je nɛ kikɛmɛ a nɔ́ nɛ ɔ ba ji mlaa nɛ i wo ye ma mi bi ɔmɛ ɔ, a yi nɔ. A bui mi, nɛ nɔ́ nɛ i de mɛ ke a pee ɔ hu, a pee we.

Yeremia 9:12

I bi ke, “Yawɛ, mɛni he je a sã zugba a, nɛ e gbli nɛ e pee kaa nga kplanaa nɔ kikɛ nɛ ɔ, nɛ nɔ ko nɔ ko nyɛɛ we nɔ hu ɔ? Mɛnɔ ji ní lelɔ nɛ e maa nu nɔ́ nɛ ɔ sisi? Mɛnɔ lɛ o ngɔ sɛ gbi nɛ ɔ kɛ ha, nɛ e ma nyɛ maa fiɛ kɛ ha nihi?”

Yeremia 17:4

Zugba a nɛ i ha nyɛ ɔ maa je nyɛ dɛ, nɛ ma ha nɛ nyɛ ma sɔmɔ nyɛ he nyɛli ngɛ zugba nɛ nyɛ li nɔ. Ejakaa ye mi mi nɛ fu ɔ ngɛ kaa la nɛ a slɛ nɛ maa hi tsoe daa.”