Yeremia 5:15 - BAIBLO ALOO NGMAMI KLƆUKLƆU Ɔ

¹⁵ Nyɛ Israel bi, Yawɛ ha nɛ je ma ko je tsitsaa kɛ ma nɛ e ba tua nyɛ. Blema ma ji ma nɛ ɔ nɛ, nɛ ma mi bi ɔmɛ a he wa wawɛɛ nitsɛ. Nimli nɛ ɔmɛ a gbi ɔ, nyɛ li; ke a tu munyu hu nyɛ be sisi nue.

Yeremia 5:15 ပူးပေါင်းရင်းမြစ်များ

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Yeremia 4:16

A ma nɛ a ba ha nɛ je ma amɛ nɛ a le, nɛ Yerusalem hu nɛ e nu kaa he nyɛli komɛ je ma se tsitsaa kɛ ma nɛ a ba sá ma a yi. He nyɛli nɛ ɔmɛ ma he ose kɛ wo Yuda ma amɛ a he.

Yesaya 33:19

Ma nɛ peeɔ nya puu, nɛ a tuɔ munyu nɛ nɔ ko nɔ ko nui sisi ɔ, nyɛ be mɛ nae hu.

Yesaya 28:11

Ke nyɛ be mi tue bue ɔ, lɛɛ Mawu maa gu nibwɔhi nɛ tuɔ ma se gbi nɛ nyɛ nui kulaa nɔ kɛ tsɔɔ nyɛ ní.

Yesaya 5:26

Yawɛ pee okadi ko kɛ tsɛ ma ko kɛ je ma se lokoo. E kpa bɛ kɛ tsɛ mɛ kɛ je je ɔ nyagbe he ɔmɛ. O nɛ mɛ nɛ a ma kɛ fo esɔesɔ.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 1:15

I ngɛ je ma amɛ tsuo nɛ ngɛ omleyi je ɔ kpee kɛ ma Yerusalem. Matsɛ tsuaa matsɛ kɛ e sɛ ma ba ma Yerusalem agbo ɔmɛ a nya, kɛ gbogbo ɔmɛ a he kɛ kpe. A maa pee ja nɔuu ngɛ Yuda ma kpa amɛ hu a mi.

1 Korintobi 14:21

A ngma ngɛ Mose mlaa a mi ke, “Ma gu nihi nɛ tuɔ gbi slɔɔtohi a nɔ, Nɛ ma tu munyu kɛ tsɔɔ ye ma a; Nyɔmtsɛ ɔ lɛ de. Ma tu munyu kɛ gu nibwɔhi a nɔ, se kɛ̃ ye ma a be mi tue bue.”

Ezekiel 18:31

Yayamihi tsuo nɛ nyɛ pee kɛ si mi ɔ, nyɛ sake mɛ ngɔ pue he. Nyɛ tsake, nɛ́ nyɛ na juɛmi he, kɛ tsui he. Israel ma, mɛni he je nyɛ ngɛ hlae nɛ nyɛ hɛ mi nɛ kpata a?

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Yeremia 5:11

Israel kɛ Yuda tsuo yi mi anɔkuale. Imi, Yawɛ lɛ i de.”

Yeremia 2:26

Yawɛ ke, “Kaa bɔ nɛ ke a nu julɔ nɛ a pueɔ e hɛ mi si ɔ, ja nɔuu lɛ a ma pue nyɛ Israel ma a tsuo, nyɛ matsɛmɛ ɔmɛ, ganɔ ɔmɛ, nyɛ we osɔfo ɔmɛ, kɛ gbali ɔmɛ nyɛ hɛ mi si.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yesaya 29:3

Mawu ma ba tua ma a, nɛ e ma sa ma a yi; a maa fia kpoku gojogojoohi kɛ wo e he ka.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Daniel 7:7

Benɛ i ngɛ lɛ hyɛe ɔ, lohwe eywiɛne ba hia si. Lohwe nɛ ɔ he ngɛ gbeye kɛ nyakpɛ, nɛ e ngɛ he wami saminya. E kɛ e dade lungu vamvam ɔmɛ tsɔtslɔɔ lohwehi a mi kpɔ nya kpɔ nya nɛ e yeɔ. Ní nɛmɛ nɛ piɛ ɔ lɛɛ e naa a nɔ. Slo lɛ ngɛ lohwe ɔmɛ nɛ nyɛɛ e hɛ mi ɔ a he; lohwe nɛ ɔ lɛɛ e ngɛ koli nyɔngma.

Mose I, 11:7

Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

La 81:5

Mawu wo Israel bi ɔmɛ mlaa nɛ ɔ, benɛ e ya puɛ ní ngɛ Egipt zugba a nɔ ɔ. I nu nɛ nɔ ko nɛ i li lɛ ngɛ dee ke,

Yesaya 39:3

Kɛkɛ nɛ gbalɔ Yesaya ba Matsɛ Hezekia ngɔ, nɛ e ba bi lɛ ke, “Nyumu ɔmɛ nɛ ba o ngɔ ɔ, jije a je, nɛ mɛni a ba de mo?” Hezekia he nɔ ke, “A je Babilonia zugba a nɔ, ngɛ tsitsaa lokoo.”

Daniel 1:4

nihi nɛ a he ngɛ fɛu, nɛ a le ní hulɔ, nihi nɛ a je blɔ tsɔse mɛ, nihi nɛ a ní tsɔɔmi yi, nɛ jehanɛ hu, kpa ko be a he. Nihewi nɛ ɔmɛ nɛ a hi kikɛmɛ a su nɛ ɔmɛ, konɛ a nyɛ nɛ a sɔmɔ ngɛ matsɛ we ɔ. Ashpenaz maa tsɔɔ mɛ Babilonia gbi ɔ kanemi kɛ e ngmami.

Amos 6:14

Se Yawɛ Tabohiatsɛ Mawu ɔ nitsɛ ke, “Israel bi, ma ha nɛ je ma ko ma ba tua nyɛ zugba a, nɛ a maa hao nyɛ. A maa ngɔ nyɛ zugba a kɛ maa je Hamat yo kpɛ blɔ ɔ he, ngɛ omleyi je, kɛ ma ya ta Ngo wo ɔ he, ngɛ leneyi je.”

Habakuk 3:16

I nu sane nɛ ɔmɛ tsuo, nɛ ye he do blibliibli; fɔ̃ ha ye nya bɔni domi. Ye nɔmlɔ tso ɔ pee sikplikpii, nɛ ye nane mi jɔ ngɛ ye sisi. Ma mlɛ dii kɛ yaa su be nɛ Mawu maa gbla nihi nɛ ba tua wɔ ɔ a tue.