Yeremia 5:10 - BAIBLO ALOO NGMAMI KLƆUKLƆU Ɔ

¹⁰ Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Yeremia 5:10 ပူးပေါင်းရင်းမြစ်များ

Kronika II, 12:4

Shishak ngɔ mahi nɛ a fia gbogbo ngɔ wo a he ngɛ Yuda a, nɛ e ba su Yerusalem tɔɔ.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Yeremia 39:8

Babilonia bi ɔmɛ sã matsɛ we ɔ, kɛ ma mi bi ɔmɛ a wehi, nɛ a ku Yerusalem gbogbo ɔmɛ ngɔ pue si.

Yeremia 4:27

(Yawɛ de ke zugba a tsuo hɛ mi ma kpata mohu lɛɛ, se kɛ̃ ɔ, bɔɔ ko maa piɛ nɛ he maa je mi.)

Yeremia 46:28

Ye ma, nyɛ tsui ko po, ejakaa i kɛ nyɛ ngɛ. Je ma amɛ, hehi nɛ i fie nyɛ kɛ ho ɔ, ma kpata mɛ tsuo a hɛ mi; se nyɛɛ lɛɛ i be nyɛ hɛ mi kpatae. Se kɛ̃ ɔ, i be hae nɛ nyɛɛ ye nyɛ he kulaa; ma gbla nyɛ tue bɔ nɛ sa kɛkɛ. Imi, Yawɛ lɛ i de.”

Yeremia 5:11

Israel kɛ Yuda tsuo yi mi anɔkuale. Imi, Yawɛ lɛ i de.”

Yeremia 5:18

Yawɛ ke, “Se jamɛ a be ɔ mi po, i be ye ma a hɛ mi kpatae pɛsɛpɛsɛ.

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Ezekiel 12:16

Se kɛ̃ ɔ, ma ha a ti nihi bɔɔ ko maa piɛ; mɛɛ lɛɛ ta, kɛ hwɔ, kɛ gbenɔ hiɔ be mɛ gbee. Kɛkɛ ɔ, a maa jaje ní hiemi ní ɔmɛ nɛ a pee ngɛ je ma amɛ a mi ɔ, nɛ a ma de ke a tɔ̃. Kɛkɛ ɔ, a maa le kaa imi ji Yawɛ.”

Ezekiel 14:17

“Aloo ke i ha nɛ a hwu ta ngɛ zugba a nɔ tsuo, nɛ a kpata nimlihi, kɛ lohwehi a hɛ mi ngɛ nɔ ɔ,

Hosea 1:9

Kɛkɛ nɛ Yawɛ de Hosea ke, “Wo lɛ biɛ ke, ‘Piyema’, ejakaa pi ye ma ji Israel, nɛ pi a Mawu ji mi.”

Amos 9:8

Imi Nyɔmtsɛ Yawɛ, ye hɛngmɛ ngɛ Israel, ma nɛ peeɔ yayami nɛ ɔ hyɛe. Ma kpata nyɛ hɛ mi pɛsɛpɛsɛ, nɛ ma bɛɛ nyɛ kɛ maa je je ɔ mi. Se kɛ̃ ɔ, i be Yakob nina a tsuo a hɛ mi kpatae. Imi, Yawɛ lɛ i de.

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.