Yeremia 5:1 - BAIBLO ALOO NGMAMI KLƆUKLƆU Ɔ

¹ Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Yeremia 5:1 ပူးပေါင်းရင်းမြစ်များ

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

La 12:1

Yawɛ, moo piɛ wa he, ejakaa nɔmlɔ kpakpa be hu; anɔkualetsɛmɛ ta zugba a nɔ.

La 14:2

Yawɛ hyɛɛ nimli adesahi ngɛ zugba kɛ jeɔ hiɔwe. E hyɛɛ kaa e maa na nɔ ko nɛ le nɔ́, nɛ hlaa lɛ Mawu ɔ se blɔ lo.

La 14:3

Se mɛ tsuo a laa blɔ; mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ́ nɛ da; dɛbi, nɔ kake ngmelu po be.

La 94:16

Mɛnɔ maa piɛ ye he nɛ waa te si kɛ wo yiwutsotsɛmɛ? Mɛnɔ maa piɛ ye he, nɛ waa kɛ yayami peeli ya to ní?

Abɛ Womi 20:6

Nihi babauu maa tsɔɔ mo bɔ nɛ a mi mi jɔ ha. Se mo hla anɔkualetsɛ kake too ngɛ a kpɛti kaa o maa na lo.

Abɛ Womi 23:23

Anɔkuale yemi, nile, tsɔsemi, kɛ sane se kɔmi a he jua wa saminya; e sa kaa a di se nɛ a ko ngmɛɛ he.

Abɛ Womi 8:3

E ngɛ ngmlaa kpae gegeege ngɛ ma a nya; e ngɛ kpae ngɛ ma a agbo ɔmɛ a nya ke,

Lahi 3:2

I hla lɛ kɛ ya kpa ma a mi ngɛ gbɛjegbɛ ɔmɛ a nɔ, kɛ nane blɔ ɔmɛ a nɔ. I hla ye suɔlɔ ɔ hluu, se i nɛ́ lɛ.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yeremia 2:29

Mɛni he je lɛ nyɛ ngɛ ye nya poe ɔ? Nyɛ tsuo pɛpɛɛpɛ nyɛ tsɔ ye hɛ mi atuã!

Yeremia 44:15

Nyumuhi tsuo nɛ le kaa a yihi sãã tsopa kɛ e he via kɛ haa mawu kpahi, yihi tsuo nɛ daa si ngɛ lejɛ ɔ, kɛ Israel bi nɛ ngɛ Egipt leneyi je ɔ, nimli babauu nɛ ɔmɛ tsuo de mi ke,

Yeremia 8:6

Ke i bu nyɛ ní sɛɛmi he tue keii ɔ, mɛni ji nɔ́ nɛ i nuɔ? Lakpa sɔuu! Nɔ ko nɔ ko tu we anɔkuale. Nyɛ ti nɔ ko nɔ ko he yayami dɔɛ lɛ nɛ e pia e he, nɛ́ e bi e he ke, ‘Ao, mɛni ji nɔ́ nɛ i pee nɛ ɔ?’ Nɔ tsuaa nɔ ngɛ lɛ nitsɛ e blɔ nɔ kɛ bee kaa okpɔngɔ nɛ ngɛ fo tue kitikiti ngɛ ta nga nɔ.

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Ezekiel 22:30

I hla nɔ ko nɛ maa po piɛ kɛ wo a he, loo nɛ e maa tsi puɔ ɔ nɛ ngɛ gbogbo ɔ mi ɔ ha ma a, konɛ ma ko puɛ zugba a, se i nɛ nɔ ko nɔ ko.

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Yoel 2:9

A maa tuu kɛ sɛ ma a mi; a maa ma fo ngɛ gbogbo ɔmɛ a nɔ, nɛ a maa kuɔ kɛ gu saflɛhi a mi, kɛ sɛ wehi a mi kaa juli.

Amos 8:12

Nihi maa wo lalaalo kɛ maa je Mediterenia wo ɔ nya kɛ maa ya Wo Ngua a nya; a ma tsa nɔ kɛ maa je omleyi je kɛ maa ya beleku je kaa a maa nu ye sɛ gbi ko lo. Se a be ye nya mi munyu ko nue.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

Luka 14:21

Tsɔlɔ ɔ kpale e se, nɛ e ya bɔ e nyɔmtsɛ ɔ amaniɛ. Wetsɛ ɔ mi mi fu wawɛɛ, nɛ e de tsɔlɔ ɔ ke, ‘Jee kpo esɔ kɛ ya gbɛjegbɛ ɔmɛ a nɔ, kɛ blohu ɔmɛ a mi ngɛ ma a mi, nɛ o ya ngɔ ohiatsɛmɛ, glɔtsɛmɛ, hɛ yuyuili, kɛ pɔ̃tsɛmɛ kɛ ba hiɛ ɔ.’

2 Tesalonikabi 2:10

E maa gu yi wu tso ga blɔ nɔ kɛ sisi nihi nɛ a hɛ mi ma kpata a. Ee, a hɛ mi ma kpata, ejakaa a sume nɛ a ngɔ anɔkuale ɔ, konɛ a he a yi wami.