Yeremia 49:8 - BAIBLO ALOO NGMAMI KLƆUKLƆU Ɔ

⁸ Nyɛ Dedan bi, nyɛ plɛ nɛ nyɛɛ tu fo! Nyɛ ya laa nyɛ he ngɛ muɔhi a mi. Ma kpata Esau nina a hɛ mi, ejakaa be ɔ nɛ ma kɛ gbla a tue ɔ, be ɔ su.

Yeremia 49:8 ပူးပေါင်းရင်းမြစ်များ

Yeremia 46:21

Ta buli nɛ Egipt bɔ mɛ apaa a, mɛ po a ngɛ kaa na bimɛ kɛkɛ. A nyɛ we nɛ a da si ngɛ ta a nya; mɛ tsuo a tu fo kɛ je ta a nya. A haomi be ɔ su, a hɛ mi kpatami be ɔ su.

Yeremia 49:30

“Nyɛ Hazor bi, imi Yawɛ, i ngɛ nyɛ dee ke, nyɛɛ tu fo kɛ ya tsitsaa lokoo, nɛ nyɛ ya laa nyɛ he ngɛ muɔhi a mi. Babilonia matsɛ, Nebukadnezar so nyɛ yi nɔ. Bɔ nɛ e de ji nɛ ɔ nɛ:

Yesaya 21:13

Sɛ gbi nɛ kɔɔ Arabia he ji nɛ ɔ nɛ. Nyɛ Dedan blɔ hiali a kuu nɛ nyɛ ba pueɔ si ngɛ Arabia nga kplanaa a nɔ,

Kpojemi 6:15

Kɛkɛ nɛ je nɛ ɔ mi matsɛmɛ ɔmɛ, nɔ yeli ɔmɛ, asafoatsɛmɛ ɔmɛ, niatsɛmɛ, nihi nɛ hɛɛ biɛ, odehehi, nyɔguɛhi, kɛ nɔ tsuaa nɔ ya laa a he ngɛ tɛ puɔhi a mi, kɛ tɛ sahi a sisi ngɛ yo ɔmɛ a nɔ.

Yeremia 50:27

Nyɛɛ gbe a ta buli ɔmɛ tsuo! Nyɛ kpata a hɛ mi pɛsɛpɛsɛ! Babilonia bi ɔmɛ a yi fi wawɛɛ nitsɛ. A tue gblami be ɔ su!”

Yeremia 49:32

“Nyɛɛ ha a we afukpɔngɔ ɔmɛ, kɛ a na amɛ tsuo! Nihi nɛ sɛɛ a yi kasa fa a, ma gbɛ mɛ ngɔ fĩa je ɔ tsuo, nɛ ma ha haomi maa je hehi munomuno kɛ ba na mɛ.

Yeremia 48:44

Ke nɔ ko tu fo kɛ je haomi ɔ nya a, e ma ya nɔ muɔ mi. Nɛ ke e je muɔ ɔ mi ɔ, e ma ya du klama. Ní nɛ ɔmɛ maa ba mi, ejakaa Yawɛ to be nɛ a kɛ ma kpata Moab hɛ mi.

Yeremia 48:28

“Nyɛ Moab bi, nyɛɛ je nyɛ ma amɛ a mi! Nyɛɛ ho nɛ nyɛ ya hi tɛ sa amɛ a mi! Nyɛɛ pee nyɛ ní kaa okpohi nɛ a maa tsu ngɛ puɔhi a mi ngɛ kɔ̃ he ɔ.

Yeremia 48:6

A ke, ‘Nyɛɛ tu fo esɔ, kaa nga mi teji yo, nɛ nyɛ kɛ he nyɛ yi wami!’

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yesaya 2:21

Ke Yawɛ ba nɛ e ba mimiɛ je ɔ, nimli maa laa a he ngɛ tɛ puɔhi kɛ muɔhi a mi ngɛ yo ɔmɛ a nɔ kɛ je e abofu nɛ he wa a, kɛ e hɛ mi nyami ɔ nya.

Samuel I, 13:6

A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;

Manyadali 6:2

Midian bi ɔmɛ wa Israel bi ɔmɛ yi mi. Midian bi ɔmɛ a he je ɔ, Israel bi ɔmɛ ya tsua muɔhi, tɛ puɔhi, kɛ laami he kpahi kɛ ha a he ngɛ yo ɔmɛ a nɔ.

Yesaya 34:5

Yawɛ pee e klaate ɔ klaalo ngɛ hiɔwe, konɛ jehanɛ e kɛ gbe Edom bi ɔmɛ nɛ e de ke a ma kpata a hɛ mi ɔ.

Ezekiel 25:13

Lɔ ɔ he ɔ, i ngɛ dee ke ma gbla Edom tue wawɛɛ; ma kpata nimlihi, kɛ lohwehi tsuo a hɛ mi ngɛ lejɛ ɔ. Nihi babauu maa nɔ ngɛ ta mi kɛ maa je Teman kɛ yaa si Dedan tɔɔ. Nɛ Edom zugba a ma ba pee ma doku.

Malaki 1:3

nɛ Esau kɛ e nina lɛɛ i nyɛ mɛ. I kpata Esau yo nɔ zugba a hɛ mi, nɛ i ngɔ e weto ní ɔ kɛ ha nga mi gbehi.”

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”