Yeremia 49:5 - BAIBLO ALOO NGMAMI KLƆUKLƆU Ɔ

⁵ Imi Nyɔmtsɛ Yawɛ Tabohiatsɛ ɔ, ma ngɔ haomi kɛ ba nyɛ nɔ. Mahi nɛ bɔle nyɛ ɔ tsuo maa fie nyɛ kɛ fo kpatakpata kɛ je nyɛ zugba a nɔ, nɛ nɔ ko be nɛ ma bua nyɛ nya ekohu.

Yeremia 49:5 ပူးပေါင်းရင်းမြစ်များ

Yeremia 49:29

Nyɛɛ ngɔ a bo tsu ɔmɛ, a to ɔmɛ, a bo tsu ɔmɛ a he bo ɔmɛ, kɛ nɔ́ tsuaa nɔ́ nɛ ngɛ a bo tsu ɔmɛ a mi ɔ kɛ ho. Nyɛɛ ngɔ a we afukpɔngɔ ɔmɛ, nɛ nyɛ he ose kɛ wo ma a ke, ‘A sa nyɛ yi oo! Nyɛ yi ta pɛ!’

Yeremia 46:5

Yawɛ bi ke, “Se mɛni i ngɛ hyɛe ɔ? Sawale nu Egipt tabo ɔ, nɛ a gbee senyasenya kɛ ma. A ye a ta buli kpanaa amɛ a nɔ; a kɛ gbenɔ kɛ kã tu fo kɛ ma kitikiti, nɛ a plɛ we nɛ a hyɛ a se.

Amos 4:3

A maa gbla nyɛ ti nɔ tsuaa nɔ kɛ gu gbogbo puɔ nɛ ngɛ e hɛ mi tɛɛ ɔ mi, nɛ a ma sake nyɛ ngɔ fɔ he.’ ” Yawɛ lɛ de.

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Yesaya 16:3

A de Yuda bi ɔmɛ ke, “Wa ngɛ nyɛ dɛ mi; nyɛɛ wo wɔ ga koo. Wa maa hi nyɛ ngɔ nɛ nyɛɛ baa wa yi kaa bɔ nɛ tso woɔ hɔ kudɔɔ ngɛ e sisi piani katakata a. Pe a fie wɔ, lɔ ɔ he ɔ, nyɛɛ ngɔ wɔ ngɔ to; nyɛ ko tsɔɔ wa se blɔ.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

Matsɛmɛ II, 19:7

Yawɛ ma ha nɛ Asiria matsɛ ɔ maa nu akeake munyu ko, nɛ nɔ́ nɛ ɔ ma ha nɛ e kpale e se kɛ ho lɛ nitsɛ e ma mi ya, nɛ Yawɛ ma ha nɛ a gbe lɛ ngɛ lejɛ ɔ.”

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Yeremia 16:16

Yawɛ ke “Ma tsɔ hɛli babauu kɛ ba nɛ a ba hɛ nimli nɛ ɔmɛ kaa a hɛɛ lo. Lɔ ɔ se ɔ, ma tsɔ de dali babauu kɛ ba nɛ a ba da mɛ kaa a daa lohwe de ngɛ yo tsuaa yo, kɛ yoku tsuaa yoku nɔ, kɛ tɛ puɔ tsuaa tɛ puɔ mi ngɛ tɛ sa amɛ a nɔ.

Kɔmɔ Yemi 4:15

Nihi kpaa ngmlaa kɛ woɔ mɛ, nɛ a deɔ ke, “Nyɛɛ je hiɛ ɔ! Nyɛ nɛ nyɛ ble nyɛ he! Nyɛ ko ta wa he!” Lɔ ɔ he ɔ, a wo lalaalo kɛ kpa ma amɛ tsuo a nɔ, se ma ko ma ko he we mɛ.

Yeremia 6:25

Wa be nyɛe maa je kpo kɛ ya nga a nɔ, loo waa nyɛɛ ngɛ gbɛjegbɛ ɔmɛ a nɔ hu. Ejakaa he nyɛli ɔmɛ hɛɛ klaate, nɛ he tsuaa he pee gbeyegbeye.”