Yeremia 49:4 - BAIBLO ALOO NGMAMI KLƆUKLƆU Ɔ

⁴ Nyɛ nihi nɛ nyɛ je Mawu se, mɛni he je nyɛ ngɛ fĩae? Nyɛ he wami ɔ ta. Mɛni he je nyɛ ngɔ nyɛ hɛ ngɔ fɔ nyɛ sika nɔ, nɛ nyɛ deɔ ke nɔ ko nɔ ko be nyɛe nɛ e ba tua nyɛ ɔ?

Yeremia 49:4 ပူးပေါင်းရင်းမြစ်များ

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Yeremia 21:13

Mo Yerusalem, o maa si piɔpiɔɔpiɔ ngɛ kɔ̃ ɔmɛ a mi kaa tɛ sa ngɛ nga kplanaa nɔ. Se i kɛ mo maa to ní. O deɔ ke nɔ ko be nyɛe ma ba tua mo, nɛ nɔ ko be nyɛe maa sɛ o mɔ ɔmɛ a mi.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Yeremia 48:7

“Moab bi, nyɛ ngɔ nyɛ hɛ ngɔ fɔ nyɛ he wami, kɛ nyɛ juetli nɔ, lɔ ɔ he ɔ, nyɛ hu a ma ba ngɔ nyɛ kɛ ho. Nyɛ mawu ɔ nɛ a tsɛɛ lɛ Kemosh ɔ, a maa ngɔ lɛ kɛ ho ma se ya kɛ e ganɔ ɔmɛ, kɛ e we osɔfo ɔmɛ.

Yeremia 3:14

“Atuã tsɔli! Nyɛɛ kpale kɛ ba ye ngɔ koo; ye ma ji nyɛ. Ma ngɔ nyɛ kɛ ba Zion yo ɔ nɔ ekohu: ma tsuaa ma a, ma ngɔ nɔ kake, nɛ we puɔ nya tsuaa we puɔ nya a, ma ngɔ ni enyɔ.

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

La 52:7

“Hyɛ, nyumu nɛ ɔ ngɔɛ e hɛ kɛ fɔɛ Mawu nɔ kaa e he bulɔ, mohu ɔ, ní babauu nɛ e na a nɔ e ngɔ e hɛ kɛ fɔ, nɛ yi wu tso níhi nɛ e pee ɔ nɛ wo lɛ he wami.”

La 49:6

He nyɛli ɔmɛ ɔ, pi ní nɛ a na a nɔ nɛ a ngɔɔ a hɛ kɛ fɔɔ? Pi ní babauu nɛ a na a nɔ nɛ a fĩaa kɛ fɔɔ lo?

Kpojemi 18:7

Bɔ nɛ e pee ní nguahi, nɛ e fiɛ e yi nɔ ɔ, pii lɛ, nɛ e ye aywilɛho ja nɔuu. Ejakaa e pɔɔ e he demi ke, ‘Manyɛ ji mi, nɛ i hii si ngɛ ye sɛ ɔ nɔ! Pi yalɔyo ji mi; i be aywilɛho yee gblegbleegble!’

Hosea 4:16

Israel ma a tue mi ti kaa bɔ nɛ teji okpɔngɔ tue mi ti ɔ. Kɛ ma pee kɛɛ nɛ ma lɛ mɛ ngɛ nga nɔ kaa bɔ nɛ a lɛɛ to ɔ?

Yeremia 49:16

O he nɔ womi ɔ sisi mo. Nɔ ko nɔ ko pa yi mo gbeye hu kaa bɔ nɛ o susuu ɔ. O hi he ji tɛ sa amɛ a kpɛ, ngɛ yo ɔmɛ a yi mi. E ngɛ mi kaa o hi he ngɛ hiɔwe lokoo kaa kɔle hi he mohu, se kɛ̃ Yawɛ ma je mo kɛ je lejɛ ɔ, nɛ e maa ba mo si. Yawɛ lɛ de.”

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.

Abɛ Womi 10:15

Niatsɛmɛ a ní nɛ a na a buɔ a he; se ohiatsɛmɛ lɛɛ a ohia a kpataa a hɛ mi.

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”