Yeremia 49:23 - BAIBLO ALOO NGMAMI KLƆUKLƆU Ɔ

²³ Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.

Yeremia 49:23 ပူးပေါင်းရင်းမြစ်များ

Yesaya 10:9

Kalno ma a, kɛ Karkemish ma a nɛɛ, mɛni slɔɔto ngɛ a kpɛti? Anɛ Hamat ma a be kaa Arpad ma a lo? Samaria kɛ Damasko ɔ nɛɛ, slɔɔto ko ngɛ a kpɛti lo?

Matsɛmɛ II, 18:34

Jije Hamat kɛ Arpad mawu ɔmɛ ngɛ? Jije Sefarvaim, Hena, kɛ Iva mawu ɔmɛ ngɛ? Anɛ a nyɛ kpɔ Samaria lo?

Yesaya 57:20

Se yiwutsotsɛmɛ lɛɛ a ngɛ kaa wo nɛ gli nɛ e we oslɔke ɔmɛ ngɛ kue; a ngɛ kaa wo nɛ ngɛ mu níhi, kɛ mɔsɔ jee kɛ ngɛ he puee daa nɛ.

Mose I, 14:15

E dla e we bi ɔmɛ kɛ wo kuuhi a mi, nɛ nyɔ mi ɔ, a ya tua a he nyɛli ɔmɛ nɛ a gbe mɛ basabasa. A fie mɛ kɛ je ma a mi kɛ ya si Hoba, ngɛ Damasko omleyi je.

Nahum 2:10

Nineve hɛ mi kpata; nimli ɔmɛ ta ma a mi, nɛ ma a pee ma doku! Sawale nu ni ɔmɛ tsuo; a nabɛni mi ngɛ doe blibliibli; a he wami ta, nɛ a hɛ mi pee mɔbɔmɔbɔ.

Matsɛmɛ II, 19:13

Jije Hamat, Arpad, Sefarvaim, Hena, kɛ Iva matsɛmɛ ɔmɛ ngɛ?”

Mose IV, 13:21

Nyumu ɔmɛ pue nɔ kɛ ho, nɛ a ya slaa zugba a, kɛ je Zin nga a nɔ kɛ ya si Rehob, he nɛ a guu kɛ yaa Hamat ɔ.

Mose I, 15:2

Se Abram he nɔ ke, “Yawɛ Mawu, o gbaami ɔ, mɛni he se ma na, imi nɛ i be bi ɔ? Nɔ pɛ nɛ yeɔ ye ní ji Eliezer nɛ je Damasko ɔ.

2 Korintobi 11:32

Benɛ i ngɛ Damasko ɔ, amlaalo ɔ nɛ ngɛ Matsɛ Areta sisi ɔ ha a huɔ ngɛ Damasko ma a mi, konɛ a nu mi.

Ni Tsumi 27:20

Wa nɛ́ pu kɛ dodoe hɛ mi ligbi babauu. Be nɛ ɔ mi tsuo ɔ, kɔɔhiɔ ɔ ngɛ fiae wawɛɛ nitsɛ. Nyagbe ɔ, wa je wa hɛ fɔ si, ejakaa wa be hɛ nɔ kami kaa wa yi ma na wami.

Ni Tsumi 9:2

nɛ e ya bi nɛ a ha lɛ womi nɛ e kɛ ya Damasko kpe he ɔmɛ, konɛ ke e na Nyɔmtsɛ ɔ se nyɛɛli komɛ ngɛ lejɛ ɔ, nyumuhi jio, yihi jio, e nuu mɛ kɛ ba Yerusalem.

Amos 6:2

Nyɛ deɔ nyɛ ma mi bi ɔmɛ ke, “Nyɛɛ ya nɛ nyɛ ya hyɛ Kalne ma a, Hamat ma nguaa a, kɛ Filisti bi a ma nɛ a tsɛɛ Gat ɔ. Sa a, ma nɛ ɔmɛ kle agboagbo, nɛ a ngɛ he wami hu pe Yuda kɛ Israel nɔ yemi he ɔmɛ. Se amlɔ nɛ ɔ lɛɛ nyɛɛ hyɛ mɛ ha!”

Yesaya 37:13

Hamat matsɛ, Arpad matsɛ, Sefarvaim matsɛ, Hena matsɛ, kɛ Iva matsɛ ɔ, jije a ngɛ?”

Yesaya 13:7

Nɔ tsuaa nɔ he mi maa po, nɛ sawale maa nu lɛ.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Kronika II, 16:2

Enɛ ɔ he je ɔ, Matsɛ Asa ya muɔ sika hiɔ, kɛ sika tsu kɛ je Yawɛ we ɔ nito he ɔ, kɛ matsɛ we ɔ nito he ɔ. E tsɔ e tsɔli ɔmɛ ekomɛ Damasko nɛ a kɛ ní ɔmɛ ya ha Siria matsɛ, Benhadad. Sɛ gbi nɛ piɛ he ji nɛ ɔ nɛ:

Matsɛmɛ II, 17:24

Asiria matsɛ ɔ ya ngɔ nihi kɛ je Babilon, Kut, Ava, Hamat, kɛ Sefarvaim kɛ ba wo Samaria ma amɛ a mi ngɛ Israel bi ɔmɛ a nane mi. Mɛ hu a ngɔ Samaria ngɔ pee a nɔ, nɛ a hi ma amɛ a mi.

Matsɛmɛ I, 11:24

nɛ e ba pee ojo fiali a nyatsɛ. Benɛ David ye Hadadezer nɔ kunimi, nɛ e kpata Zoba hɛ mi ɔ, Rezon kɛ e we bi ɔmɛ tu fo kɛ ho Damasko ya nɛ a ya hi lejɛ ɔ; nɛ e we bi ɔmɛ wo lɛ Siria matsɛ ngɛ lejɛ ɔ.

Samuel II, 17:10

Ke e ba mi ja a, nɔmlɔ nɛ lɛɛ e tsui wa kaa jata po sawale maa nu lɛ, ejakaa Israel tsuo le kaa o tsɛ ɔ, tatsɛ nguaa ji lɛ, nɛ e we bi ɔmɛ hu katsɛmɛ ji mɛ.

Samuel II, 8:9

Benɛ Hamat matsɛ, Toi nu kaa David ye Hadadezer tabo ɔ tsuo nɔ ɔ,

Yoshua 14:8

Ye nyɛmimɛ ɔmɛ nɛ kɛ mi ya a ha ma a tsui po; se imi lɛɛ i bu Yawɛ, ye Mawu ɔ tue kɛ pi si.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Mose V, 20:8

“Jehanɛ asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ sawale nu lɛ, nɛ e ngɛ gbeye yee lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, e ma ha fɔ̃ maa sɛ e nyɛmimɛ ɔmɛ a mi.’

Mose II, 15:15

Edom matsɛmɛ ɔmɛ a he mi jɔ̃; sawale nu Moab nimeli ɔmɛ; Kanaan bi ɔmɛ tsuo a kã a laa.

Matsɛmɛ II, 5:12

Damasko pahi, Abana kɛ Farpar a, anɛ a hí pi pa amɛ tsuo ngɛ Israel lo? Anɛ i ko du we ngɛ lɔ ɔmɛ a mi nɛ ye he nɛ tsɔ lo?”

Yesaya 7:8

Mɛni he je? Ejakaa Siria he wɛ pi Damasko nɛ ji e matsɛ ma a, nɛ Damasko he wɛ pi Rezin. Israel lɛɛ hiɛmɛ nɛ ɔ jeha nyingmi ekpa kɛ enuɔ ɔ, a ma kpata e hɛ mi butuu, bɔ nɛ e be nyɛe maa da si kaa ma hu.

Yesaya 36:19

Jije Hamat, kɛ Arpad mawu ɔmɛ ngɛ? Nɛ jije Sefarvaim mawu ɔmɛ ngɛ. Anɛ a nyɛ kpɔ Samaria kɛ je ye dɛ mi lo?

Yeremia 39:5

Se Babilonia tabo ɔ nyɛɛ a se, nɛ a ya nu Zedekia ngɛ Yeriko nga a nɔ. A ngɔ lɛ kɛ ba ha Matsɛ Nebukadnezar ngɛ Ribla, ngɛ Hamat zugba a nɔ. Nɛ lejɛ ɔ Nebukadnezar kojo lɛ nɛ e bu lɛ fɔ ngɛ.

Ezekiel 27:18

Nihi je Damasko ba he o guɛ ní, kɛ o nine nya níhi nɛ o pee. Ni nɛ ɔmɛ ngɔɔ wai nɛ a na kɛ je Helbon, kɛ kuutu nɛ je Sahar kɛ woɔ ní nɛ ɔmɛ a he hiɔ. A ngɔɔ dade níhi, kɛ tsopa kɛ e he via kɛ ba tsakee o guɛ ní.