Yeremia 49:10 - BAIBLO ALOO NGMAMI KLƆUKLƆU Ɔ

¹⁰ Se imi lɛɛ i kpakpaa Esau nina a he ní, nɛ i pee mɛ pasaa. A laami he ɔmɛ hu i je mɛ kpo, nɛ a be he ko nɛ a laa a he ngɛ hu. A kpata Edom bi ɔmɛ tsuo a hɛ mi; a ti nɔ kake ngmelu po píɛ.

Yeremia 49:10 ပူးပေါင်းရင်းမြစ်များ

Yesaya 17:14

Gbɔkuɛ nya si ɔ, a woɔ wa he gbeye, se benɛ mɔtu ke e suu ɔ, a be. Ni nɛmɛ nɛ ba fiaa wɔ ojo, nɛ a kpakpaa wa he ní kɛ yaa a, bɔ nɛ a nyagbe maa ba ji nɛ ɔ nɛ.

Romabi 9:13

Ngmami ɔ deɔ ke, “I je suɔmi kpo kɛ tsɔɔ Yakob, se Esau lɛɛ i nyɛ lɛ.”

Obadia 1:9

Sawale maa nu Teman ta hwuli kpanaa amɛ, nɛ a maa gbe Edom ta bulɔ tsuaa ta bulɔ.” Mawu lɛ de.

Amos 9:3

Ke a ya laa a he ngɛ Karmel yo ɔ yi mi tete po, ma ya hla mɛ ngɛ lejɛ ɔ nɛ ma nu mɛ. Nɛ ke a ya laa a he ngɛ wo ɔ sisi tɔɔ po, ma fa wo mi sinɔ ɔ nɛ e ma ya kɔɔ mɛ ngɛ lejɛ ɔ.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Yesaya 45:3

Ma je juetli kpo ha mo kɛ je diblii mi, kɛ je hehi nɛ a ngɔ mɛ ngɔ laa ngɛ ɔ, konɛ o na nɛ o le kaa imi Yawɛ, Israel Mawu ɔ, i le mo, nɛ i kɛ o biɛ tsɛɔ mo.

La 37:28

ejakaa Yawɛ suɔ nɔ́ nɛ da; nihi nɛ yeɔ lɛ anɔkuale ɔ, e kua we mɛ. Yawɛ maa bu dali a he daa; se yayami peeli a nina lɛɛ a hɛ mi ma kpata.

Yeremia 13:26

Yawɛ nitsɛ ma kpa nyɛ he bo, nɛ nyɛ we ahlua maa je kpo.

Kɔmɔ Yemi 4:22

A wo Zion he yayami ɔmɛ a he hiɔ ta, lɔ ɔ he ɔ, Yawɛ be hae nɛ a ye wɔ nyɔguɛ ngɛ ma se hu. Se mo Edom lɛɛ Yawɛ maa gbla o tue; e ma ha o he yayami ɔmɛ maa je kpo paa nɛ a na.

Obadia 1:6

Esau nina, a ha o june.