Yeremia 49:1 - BAIBLO ALOO NGMAMI KLƆUKLƆU Ɔ

¹ Bɔ nɛ Yawɛ de ngɛ Amon he ji nɛ ɔ nɛ: “Jije Israel nyumu ɔmɛ ngɛ? Anɛ nɔ ko be nɛ ma fa a zugba a he lo? Mɛni he je mɔ nɛ a ngmɛɛ Gad bi ɔmɛ a zugba a he ngɔ ha Milkom jali ɔmɛ nɛ a ba ngɔ zugba a kɛ pee a nɔ́ ɔ?

Yeremia 49:1 ပူးပေါင်းရင်းမြစ်များ

Mose V, 23:3

“Amon no, loo Moab no kó futu Yawɛ ma mi bi ɔmɛ a kpe mi kɔkɔɔkɔ. Yi nɔhi nɛ maa ba ngɛ a se kɛ yaa si nyɔngmane ɔ po be he blɔ.

Yeremia 49:7

Bɔ nɛ Yawɛ Tabohiatsɛ ɔ de ngɛ Edom he ji nɛ ɔ nɛ: “Anɛ Edom bi ɔmɛ a juɛmi ɔ ta lo? Anɛ a ga woli ɔmɛ wui mɛ ga hu lo? Anɛ a nile ɔ se po lo?

Kronika II, 20:1

Pee se ɔ, Moab bi kɛ, Amon bi, kɛ a huɛmɛ nɛ ji Meun bi ɔmɛ ba tua Yuda ma a.

Yeremia 49:28

Kedar wɛtso ɔ, kɛ Hazor nɔ yemi he ɔmɛ nɛ Babilonia matsɛ, Nebukadnezar ba ye a nɔ ɔ, bɔ nɛ Yawɛ de ngɛ a he ji nɛ ɔ nɛ: “Nyɛɛ ya nɛ nyɛ ya tua Kedar, ma a, nɛ nyɛ kpata beleku je wɛtso ɔ hɛ mi!

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.

Yeremia 48:1

Bɔ nɛ Yawɛ Tabohiatsɛ, Israel Mawu ɔ de ngɛ Moab he ji nɛ ɔ nɛ: “Musu tloo Nebo bi ɔmɛ, ejakaa a kpata a ma a hɛ mi! A pue Kiriataim hɛ mi si, nɛ a ngɔ ma a. A ku mɔ ngua a ngɔ pue si, nɛ a bɔ lɛ ahlua.

Yeremia 27:3

Jehanɛ, Yawɛ de mi ke ma tsɔ nɛ a kɛ sɛ gbi ya ha Edom matsɛ, Moab matsɛ, Amon matsɛ, Tiro matsɛ, kɛ Sidon matsɛ. E de mi ke ma ngɔ sɛ gbi nɛ ɔ kɛ gu ma nɛ ɔmɛ a nane mi dali ɔmɛ nɛ ba Yuda matsɛ, Zedekia ngɔ ngɛ Yerusalem ɔ a nine nɔ.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

La 83:7

Gebal bi, Amon bi, Amalek bi, Filistia bi, kɛ Tiro bi.

La 9:6

Wa he nyɛli ɔmɛ a hɛ mi kpata; a ma amɛ hu a hɛ mi kpata, nɛ nɔ́ ko be nɛ a kɛ ma kai mɛ hu.

Nehemia 4:7

Sanbalat, Tobia, Arabia bi ɔmɛ, Amon bi ɔmɛ, kɛ Ashdod bi ɔmɛ nu kaa wa ngɛ Yerusalem gbogbo ɔ fiae mlamlaamla, nɛ wa ngɛ puɔ ɔmɛ tsie. Kɛkɛ nɛ a mi mi fu wawɛɛ nitsɛ.

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Kronika II, 20:23

Amon bi ɔmɛ, kɛ Moab bi ɔmɛ ya tua Edom bi ɔmɛ, nɛ a kpata a hɛ mi. Benɛ a gbe Edom bi ɔmɛ se ɔ, a plɛ ngɔ kpee a he kɛ ya si a kpata a sibi a hɛ mi.

Matsɛmɛ II, 24:2

Yawɛ tsɔ Babilonia, Siria, Moab, kɛ Amon ta buli kɛ ho Yehoyakim ngɔ ya, konɛ a ya kpata Yuda zugba a hɛ mi kaa bɔ nɛ Yawɛ gu e tsɔli gbali ɔmɛ a nɔ de to ke e maa pee ɔ.

Matsɛmɛ II, 10:33

kɛ je Yordan pa a beleku je kɛ ya si Aroer, ngɛ Arnon pa a nya, ngɛ omleyi je tɔɔ. Enɛ ɔ ji Gilead bi, kɛ Bashan bi a zugba a hehi nɛ Gad wɛtso ɔ, Ruben wɛtso ɔ, kɛ Manase nɔ́ fa a hi ɔ nɛ.

Mose V, 2:19

Ke nyɛ ya su Amon bi ɔmɛ nɛ ji Lot nina a a zugba a huzu nya a, nyɛ ko hao mɛ, nɛ nyɛɛ kɛ mɛ ko hwu ta hulɔ; ejakaa i be nyɛ a zugba a ekoeko hae.’ ”

Mose I, 19:38

Kɔkɔ ɔ hu ba fɔ binyumu, nɛ e wo lɛ biɛ ke Benami. Lɛ ji mwɔnɛmwɔnɛ ɔ Amon bi ɔmɛ a nɛ̃.

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Ezekiel 21:25

“Nɛ mo, Israel ganɔ, nɔmlɔ yayami, kɛ yiwutsotsɛ, o nyagbe ji nɛ ɔ nɛ; be nɛ a maa gbla o tue wawɛɛ ɔ su jehanɛ.

Ezekiel 25:1

Yawɛ kɛ mi tu munyu ekohu.