Yeremia 48:7 - BAIBLO ALOO NGMAMI KLƆUKLƆU Ɔ

⁷ “Moab bi, nyɛ ngɔ nyɛ hɛ ngɔ fɔ nyɛ he wami, kɛ nyɛ juetli nɔ, lɔ ɔ he ɔ, nyɛ hu a ma ba ngɔ nyɛ kɛ ho. Nyɛ mawu ɔ nɛ a tsɛɛ lɛ Kemosh ɔ, a maa ngɔ lɛ kɛ ho ma se ya kɛ e ganɔ ɔmɛ, kɛ e we osɔfo ɔmɛ.

Yeremia 48:7 ပူးပေါင်းရင်းမြစ်များ

Samuel II, 5:21

Filisti bi ɔmɛ je a wɔ ɔmɛ a he ngɛ lejɛ ɔ, nɛ David kɛ e we bi ɔmɛ ba muɔ kɛ ho.

Matsɛmɛ I, 11:33

I ma pee nɔ́ nɛ ɔ, ejakaa Salomo kua mi, nɛ e ya ja Astarte, Sidon yo mawu ɔ; Kemosh, Moab mawu ɔ; kɛ Milkom, Amon mawu ɔ. Salomo gbo tue; e pee yayami, nɛ e yi ye mlaa amɛ, kɛ blɔ nya tomi ɔmɛ a nɔ kaa bɔ nɛ e tsɛ David pee ɔ.

Matsɛmɛ I, 11:7

Salomo po piɛ ha Kemosh nɛ ji Moab bi ɔmɛ a wɔ yaya a, kɛ Milkom nɛ ji Amon bi ɔmɛ a wɔ yaya a ngɛ yo ɔ nɔ ngɛ Yerusalem beleku je.

La 40:4

A gbaa nɔ nɛ ngɔɔ e hɛ kɛ fɔɔ Yawɛ nɔ, nɔ nɛ ya nyɛɛ we he nɔ woli a se, nɔ nɛ ya piɛ we amaga jali a he kɛ ja we lakpa mawuhi.

La 52:7

“Hyɛ, nyumu nɛ ɔ ngɔɛ e hɛ kɛ fɔɛ Mawu nɔ kaa e he bulɔ, mohu ɔ, ní babauu nɛ e na a nɔ e ngɔ e hɛ kɛ fɔ, nɛ yi wu tso níhi nɛ e pee ɔ nɛ wo lɛ he wami.”

Yeremia 13:25

Yawɛ de to ke nɔ́ nɛ maa ba nyɛ nɔ ji nɛ ɔ nɛ. Bɔ nɛ e to nɛ e maa pee nyɛ ji nɛ ɔ nɛ, ejakaa nyɛ hɛ je e nɔ nɛ nyɛ ngɔ nyɛ hɛ ya fɔ lakpa níhi a nɔ.

Yeremia 43:12

Ma mɛ Egipt mawu ɔmɛ a jami he ɔmɛ a he la, nɛ Babilonia matsɛ ɔ maa sã mawu ɔmɛ; aloo ke e suɔ ɔ, e maa muɔ mɛ kɛ ho. Kaa bɔ nɛ to hyɛlɔ nuɔ ngmo ngɛ e bo mi nɛ e peeɔ lɛ falifali ɔ, ja pɛ Nebukadnezar maa pee Egipt zugba a falifali. Nɛ ke e gbe nya a, e maa je lejɛ ɔ kɛ tue mi jɔmi.

Yeremia 48:13

Jamɛ a be ɔ mi loko Moab bi ɔmɛ a hɛ mi ma pue si kaa bɔ nɛ Israel bi ɔmɛ hu a hɛ mi pue si be ko ɔ. A ma kpa si kaa mamoo a mawu Kemosh ɔ be he wami ko kaa Israel bi ɔmɛ hu a mawu Betel ɔ nɛ a ngɔ a hɛ ngɔ fɔ e nɔ ɔ.

Yeremia 48:46

Moab bi, due! Nyɛ nihi nɛ nyɛ sɔmɔɔ Kemosh ɔ, a kpata nyɛ hɛ mi, nɛ a nuu nyɛ binyumu ɔmɛ, kɛ nyɛ biyi ɔmɛ kɛ je.”

Yeremia 49:3

Nyɛ Heshbon bi, nyɛɛ wo yana, ejakaa a kpata Ai hɛ mi. Raba yihi, nyɛ nya awe! Nyɛ bu kpekpe ya bo, nɛ nyɛɛ ye kɔmɔ. Nyɛɛ hi fo tue kɛ hi bee basaa kɛkɛ. Nyɛ mawu ɔ nɛ a tsɛɛ lɛ Milkom ɔ, a ma ba ngɔ lɛ kɛ ho ma se ya, kɛ e we osɔfo ɔmɛ, kɛ ganɔ ɔmɛ.

Yeremia 49:4

Nyɛ nihi nɛ nyɛ je Mawu se, mɛni he je nyɛ ngɛ fĩae? Nyɛ he wami ɔ ta. Mɛni he je nyɛ ngɔ nyɛ hɛ ngɔ fɔ nyɛ sika nɔ, nɛ nyɛ deɔ ke nɔ ko nɔ ko be nyɛe nɛ e ba tua nyɛ ɔ?

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Hosea 10:13

Yayami nɛ nyɛ du ɔ, e yiblii nɛ nyɛ kpa. Lakpa amɛ nɛ nyɛ ye ɔ, a mi nɔ́ nyɛ ngɛ nae ɔ nɛ. “Nyɛ ngɔ nyɛ hɛ ngɔ fɔ nyɛ ta zugba lɛhi, kɛ nyɛ ta buli babauu ɔ a nɔ.

Mose IV, 21:29

Moab bi, due ha nyɛ! Nyɛ Kemosh jali, nyɛ hɛ mi kpata! Nyɛ mawu ɔ ha nyɛ binyumu ɔmɛ pee ko bɔli; nɛ nyɛ biyi ɔmɛ hu pee Amor matsɛ, Sihon nyɔguɛhi.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Kpojemi 18:7

Bɔ nɛ e pee ní nguahi, nɛ e fiɛ e yi nɔ ɔ, pii lɛ, nɛ e ye aywilɛho ja nɔuu. Ejakaa e pɔɔ e he demi ke, ‘Manyɛ ji mi, nɛ i hii si ngɛ ye sɛ ɔ nɔ! Pi yalɔyo ji mi; i be aywilɛho yee gblegbleegble!’

Manyadali 11:24

Nɔ́ tsuaa nɔ́ nɛ nyɛ mawu Kemosh ɔ ha nyɛ ɔ, nyɛɛ ngɔ. Wɔ hu, nɔ́ tsuaa nɔ́ nɛ Yawɛ, wa Mawu ɔ kpɔ kɛ fɔ si ha wɔ ɔ, wa maa ngɔ.