Yeremia 48:6 - BAIBLO ALOO NGMAMI KLƆUKLƆU Ɔ

⁶ A ke, ‘Nyɛɛ tu fo esɔ, kaa nga mi teji yo, nɛ nyɛ kɛ he nyɛ yi wami!’

Yeremia 48:6 ပူးပေါင်းရင်းမြစ်များ

Mose I, 19:17

Lɔ ɔ se ɔ, bɔfo ɔmɛ a ti nɔ kake de ke, “Nyɛɛ tu fo esɔesɔ nɛ nyɛ kɛ he nyɛ yi wami! Nyɛ ko plɛ nyɛ se, nɛ nyɛ ko da si ngɛ kɔ̃ ɔ mi he ko he ko. Nyɛɛ tu fo kɛ ho yoku ɔmɛ a nɔ ya, bɔ nɛ pee nɛ nyɛ hɛ mi ko kpata.”

La 11:1

I ba sa we ngɛ Yawɛ ngɔ. Mɛni he je lɛ nyɛ deɔ mi ke, “Tee kaa lohwe pɛlitsɛ kɛ ya yo ɔmɛ a nɔ.

Yeremia 17:6

E ngɛ kaa tso nɛ ba be yi mi ngɛ nga kplanaa nɔ, tso nɛ ngɛ nga nɔ he nɛ gbli keketee, tso nɛ ngɛ ngo zɔ̃ zugba nɔ, he nɛ nɔ́ ko nɔ ko puɛ́ ngɛ. Nɔmlɔ kaa kikɛ nɛ ɔ be nɔ́ kpakpa ko nae gblegbleegble!

Yeremia 51:6

Nyɛɛ tu fo kɛ je Babilonia nɛ nyɛ kɛ he nyɛ yi wami. Nyɛ ko ha nɛ a gbe nyɛ ngɛ Babilonia bi ɔmɛ a he yayami ɔ he. Amlɔ nɛ ɔ, i ngɛ ye he lue yee ngɛ a nɔ, nɛ i ngɛ a tue gblae bɔ nɛ sa mɛ.

Luka 3:7

Nihi babauu ba Yohane ngɔ, konɛ e sɔle mɛ. Nɛ e de mɛ ke, “Nyɛ sinɔhi a nina, mɛnɔ wo nyɛ ga ke nyɛɛ tu tue gblami nɛ Mawu kɛ ma nyɛ nɔ ɔ nya fo?

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.