Yeremia 48:42 - BAIBLO ALOO NGMAMI KLƆUKLƆU Ɔ

⁴² A ma kpata Moab hɛ mi pɛsɛpɛsɛ, nɛ e be ma pee hu; ejakaa e te si kɛ si mi.

Yeremia 48:42 ပူးပေါင်းရင်းမြစ်များ

Yeremia 48:2

Moab hɛ mi nyami ɔ ta. He nyɛli ɔmɛ ngɔ Heshbon, nɛ a to kaa a ma kpata Moab zugba a hɛ mi. Madmen ma a hu, a ma ya tua lɛ, nɛ a ma kpata ma a hɛ mi.

Yesaya 37:23

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ o wo o nya nɔ ngɛ ɔ? Mɛnɔ o bui ɔ? Pi imi, Israel Mawu klɔuklɔu ɔ lo?

Yesaya 7:8

Mɛni he je? Ejakaa Siria he wɛ pi Damasko nɛ ji e matsɛ ma a, nɛ Damasko he wɛ pi Rezin. Israel lɛɛ hiɛmɛ nɛ ɔ jeha nyingmi ekpa kɛ enuɔ ɔ, a ma kpata e hɛ mi butuu, bɔ nɛ e be nyɛe maa da si kaa ma hu.

Kpojemi 13:6

E bɔni musu bɔmi munyuhi tumi kɛ si Mawu, Mawu biɛ ɔ, Mawu hi he ɔ, kɛ nihi tsuo nɛ ngɛ hiɔwe ɔ.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Yesaya 16:14

Nɛ jehanɛ lɛɛ Yawɛ ke, “Hiɛmɛ nɛ ɔ jeha etɛ pɛpɛɛpɛ ɔ, ní nɛ ɔmɛ nɛ Moab ná, kɛ ma a mi nimli babauu ɔ tsuo hɛ mi ma kpata, nɛ nihi nɛ a yi ma na wami be nɔ́ ko nɔ́ ko sue; pohu a ma gbɔjɔ.”

Ezekiel 35:13

Pupuupu nɛ o pee, nɛ o tu musu bɔmi munyuhi babauu kɛ si mi ɔ, i nu lɛ tsuo.”