Yeremia 48:41 - BAIBLO ALOO NGMAMI KLƆUKLƆU Ɔ

⁴¹ A maa ngɔ ma amɛ, kɛ mɔ ɔmɛ. Jamɛ a ligbi ɔ, sawale maa nu Moab ta buli ɔmɛ kaa yo nɛ nu kɔɔmi.

Yeremia 48:41 ပူးပေါင်းရင်းမြစ်များ

Yesaya 21:3

Nɔ́ nɛ i na, kɛ nɔ́ nɛ i nu nɛ ɔ wo ye he gbeye wawɛɛ nitsɛ, nɛ ye he mi hia mi kaa yo nɛ nu kɔɔmi.

Yesaya 13:8

A maa ye gbeye; nɛ a he mi maa hia mɛ kaa yo nɛ nu kɔɔmi. Gbeye ma ha a maa hi a sibi a hɛ mi hyɛe gaa kɛkɛ, nɛ a hɛ mi maa tsu paa kɛ zo kpɔtɔɔ.

Yeremia 49:22

He nyɛlɔ ɔ ma ba tua Bozra tlukaa kaa kɔle nɛ gbɛ e pɛlihi a mi kɛ ma. Jamɛ a ligbi ɔ, Edom ta buli ɔmɛ maa nu sawale kaa yo nɛ nu kɔɔmi.”

Yeremia 30:6

Nyɛ bi nɛ nyɛɛ hyɛ! Anɛ nyumu ko nu kɔɔmi nɛ e fɔ hyɛ lo? Mɛni he je mɔ lɛ i na nɛ nyumuhi tsuo nu a mlɛ mi kaa yo nɛ nu kɔɔmi ɔ? Mɛni he je nyɛ tsuo nyɛ hɛ mi pee kaa la zu la zu kikɛ nɛ ɔ?

Yeremia 6:24

Yerusalem bi ɔmɛ ke, “Wa nu a he, nɛ wa nine mi je wu! Wa tsui po, nɛ wa pee kaa yo nɛ nu kɔɔmi nɛ e miɔ nɛ e ma fɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Yeremia 51:30

Babilonia ta buli ɔmɛ kpa ta hwumi, nɛ a hii si ngɛ a mɔ ɔmɛ a mi. A kɔni mi jɔ̃, nɛ a pee kaa yihi. Babilonia agbo ɔmɛ ku kɛ pueɔ si, nɛ we ɔmɛ sã.

Yeremia 50:43

Benɛ Babilonia matsɛ ɔ nu sane nɛ ba a, e nine mi je wu. E tsui po wawɛɛ nitsɛ, nɛ e kpatu pee kaa yo nɛ nu kɔɔmi.

Yeremia 49:24

Damasko ma mi bi ɔmɛ a he wami ta, nɛ a kɛ sawale tu fo kɛ je. A ngɛ haomi, kɛ he hiami mi kaa yo nɛ nu kɔɔmi.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yeremia 4:9

Yawɛ ke, “Jamɛ a ligbi ɔ, sawale maa nu matsɛmɛ ɔmɛ, kɛ ganɔ ɔmɛ tsuo; osɔfo ɔmɛ a he mi ma jɔ̃, nɛ gbali ɔmɛ a hɛ mi maa pee mɛ yaa.”

Yeremia 48:24

Keriot, kɛ Bozra. A gbla mahi tsuo nɛ ngɛ Moab zugba a nɔ ɔ a tue, mahi nɛ ngɛ se lokoo, kɛ ní nɛmɛ nɛ a he kɛ we.

Yeremia 50:37

Ta ma ba na okpɔngɔ ɔmɛ, kɛ zugba lɛ ɔmɛ; ta ma ba na ma se ta buli tsuo nɛ ngɛ Babilonia a; a he wami maa ta, nɛ a maa pee kaa yihi pɛ! A maa ha a juetli tsuo!

Amos 2:2

Ma mɛ Moab zugba a, kɛ Keriot mɔ ɔmɛ a he la. Be mi nɛ ta a pee hoo, nɛ ta buli he ose, nɛ titimatihi ngɛ pɛe ɔ, Moab ma mi bi ɔmɛ ma gbo ngɔ pue si.