Yeremia 48:36 - BAIBLO ALOO NGMAMI KLƆUKLƆU Ɔ

³⁶ “Lɔ ɔ he ɔ, kaa bɔ nɛ a kpaa ya la mɔbɔmɔbɔ ngɛ bɛ mi ɔ, ja nɛ i ngɛ tsui yee ha Moab, kɛ Kir Heres ma mi bi ɔmɛ, ejakaa a ní nɛ a na a tsuo hɛ mi kpata.

Yeremia 48:36 ပူးပေါင်းရင်းမြစ်များ

Matsɛmɛ II, 3:25

nɛ a kpata a ma amɛ a hɛ mi. Zugba kpakpa amɛ lɛɛ nɔ tsuaa nɔ fɔ tɛ kɛ pue a nɔ, kɛ ya si tɛ ɔmɛ ha zugba amɛ a nɔ A tsi nyu vu ɔmɛ tsuo, nɛ a poo tso kpakpa amɛ hulɔ. Kir Heres nɛ ji ma ngua a pɛ nɛ a si; se amlami tɛ fiali ɔmɛ ya sa jamɛ a ma a po yi nɛ a tua lɛ.

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Abɛ Womi 13:22

Nɔmlɔ kpakpa siɔ gbosi ní kɛ haa e bibimɛ. Se yayami peeli a ní ɔ, dali lɛ a bua nya ha.

Abɛ Womi 18:11

Niatsɛmɛ susuɔ kaa ke a na ní ɔ, e haa mɛ bua jɔmi, kaa bɔ nɛ ke a fia gbogbo kɛ wo ma he nɛ ma mi bi ɔmɛ naa he jɔmi ɔ.

Yesaya 15:5

Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

Yesaya 15:7

Lɔ ɔ he ɔ, ni ɔmɛ ngɔ a weto ní tsuo kɛ tu fo kɛ gu Pamploo kɔ̃ ɔ mi kɛ ho kɔ̃ ɔ se ya.

Yesaya 16:11

I ngɛ ya foe kɛ ngɛ kɔmɔ yee ha Moab; nɛ ye tsui ngɛ yee ngɛ Kir Heres he.

Yesaya 63:15

Yawɛ, moo hyɛ wɔ kɛ je hiɔwe ngɛ o hi he klɔuklɔu he nɛ hɛ mi nyami bɔle mo ngɛ ɔ. O hɛdɔ, kɛ o he wami kpetekpleenyɛ ɔ, jije e ngɛ? O tsui mi sami, kɛ suɔmi babauu ɔ hu a se po.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Yeremia 48:31

Lɔ ɔ he ɔ, ma fo ya ha nihi tsuo nɛ ngɛ Moab zugba a nɔ ɔ, nɛ ma ye kɔmɔ ha Kir Heres bi ɔmɛ.