Yeremia 48:3 - BAIBLO ALOO NGMAMI KLƆUKLƆU Ɔ

³ Horonaim bi ɔmɛ jé ngmlaa, ejakaa a ngɛ níhi a hɛ mi kpatae basabasa ngɛ lejɛ ɔ.

Yeremia 48:3 ပူးပေါင်းရင်းမြစ်များ

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Yesaya 15:5

Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

Yesaya 15:8

A nu yana a boboobo ngɛ Moab huzu ɔmɛ tsuo a nɔ. A nu ngɛ Eglaim kɛ Beerelim ma amɛ a mi hulɔ.

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Yeremia 20:16

Ha nɛ jamɛ a nyumu ɔ nɛ pee kaa jamɛ a ma amɛ nɛ Yawɛ kpata a hɛ mi nɛ mɔbɔ nami ko be mi ɔ pɛ. Mɔtu ɔ, ha nɛ bubuubui nɛ pɛ kɛ wo lɛ; piani lɛɛ e nu nɛ a he ose ngɛ ta mi,

Yeremia 47:2

Yawɛ ke, “Hyɛ! Nyu babauu je omleyi je kɛ ma kaa pa nɛ hia lalaala. Nyu nɛ ɔ ma ba ha zugba a nɔ tsuo; e maa ha mahi, nimli, kɛ nɔ́ tsuaa nɔ́ nɔ. Ngmlaa maa je nyumuhi po a nya, nɛ nɔ tsuaa nɔ maa wo yana ngɛ zugba a nɔ.

Yeremia 48:34

“Heshbon kɛ Eleale bi ngɛ awe nyae, nɛ a ngɛ ngmlaa a he nue ngɛ Yahaz tɔɔ. Ngmlaa a ngɛ pɛe ngɛ Zoar, Horonaim, kɛ Eglat Shelishiya tɔɔ. Nimrim pa a po gbli.

Yeremia 48:4

“Moab jokuɛ tsɔwitsɔwi ɔmɛ wo yana ke, a kpata Moab ma a hɛ mi.

Yeremia 48:5

Nyɛɛ hyɛ bɔ nɛ a wo yana kɛ yaa, benɛ a ngɛ Luhit yoku ɔ kuɔe ɔ. Nyɛɛ hyɛ mɛ nɛ a ngɛ awe nyae, benɛ a ngɛ kplee kɛ ma Horonaim ɔ.

Yeremia 51:54

Yawɛ ke, “Nyɛɛ bu tue! Ngmlaa nɛ nya wa ngɛ pɛe ngɛ Babilon. A wo yana boboobo ngɛ lejɛ ɔ, ejakaa zugba a hɛ mi kpata!