Yeremia 48:26 - BAIBLO ALOO NGMAMI KLƆUKLƆU Ɔ

²⁶ Bɔ nɛ Yawɛ de ji nɛ ɔ nɛ: “Nyɛ ha nɛ Moab nɛ pee kaa nɔ ko nɛ tɔ dã, ejakaa e te si kɛ si mi. Moab ma kokloo si ngɛ lɛ nitsɛ e vie mi, nɛ nihi maa muɔ lɛ.

Yeremia 48:26 ပူးပေါင်းရင်းမြစ်များ

Yeremia 51:39

Ke a he mi akɔnɔ te si ɔ, ma tsɛ mɛ ní yemi; ma ha mɛ dã nɛ a nu nɛ a de. Kɛkɛ ɔ, a maa sɛ mahe vii mi, nɛ a be si tee hu.

Yeremia 48:42

A ma kpata Moab hɛ mi pɛsɛpɛsɛ, nɛ e be ma pee hu; ejakaa e te si kɛ si mi.

Yesaya 29:9

Nyɛɛ ya nɔ nɛ nyɛɛ hi biɛe, nɛ nyɛɛ pee nyɛ he nihi nɛ li nɔ́! Nyɛɛ pee nyɛ he hɛ yuyuili! Nyɛɛ pee nyɛ he dã tɔli, be mi nɛ nyɛ nui wai ko! Nyɛ tataa si kaa dã tɔli, be mi nɛ nyɛ nui dã nɛ nya wa ko!

Yesaya 19:14

Yawɛ ha a juɛmi tsaka, nɛ a woɔ ga yaya. Lɔ ɔ he ɔ, yayami sɔuu Egipt ngɛ pee. Ma a mi bi ɔmɛ ngɛ si tataae kaa dã tɔlɔ ko nɛ ngɛ si nɔe ngɛ lɛ nitsɛ e vie mi.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Kɔmɔ Yemi 4:21

Nyɛ Edom bi nɛ ngɛ Uz zugba a nɔ, nyɛ nya, nɛ nyɛ bua nɛ jɔ nyɛ he bɔ nɛ nyɛ ma nyɛ. Se mohu nyɛ na nɛ nyɛɛ le kaa nyɛ hu a maa gbla nyɛ tue. Nyɛ maa hɛɛ nyɛ he gu, nɛ nyɛ maa hi nyɛɛe kɛ zo kaa nihi nɛ tɔ dã.

Yeremia 51:7

Babilonia ngɛ kaa sika tsu kplu ko ngɛ ye dɛ mi nɛ ha je ɔ tsuo tɔ dã. Je ma amɛ tsuo nu wai ngɛ kplu nɛ ɔ mi, nɛ a fo godo.

Yeremia 48:39

Nyɛɛ hyɛ bɔ nɛ a kpata Moab zugba a hɛ mi ha! Nyɛɛ hyɛ bɔ nɛ Moab bi ɔmɛ ngɛ awe nyae ha! Nyɛɛ hyɛ bɔ nɛ a bɔ Moab ahlua ha! Moab plɛ pee muɔ nɔ́, kɛ nɔ́ ko nɛ je mahi tsuo nɛ bɔle lɛ ɔ hiee. Imi, Yawɛ lɛ i de.”

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Habakuk 2:16

Jehanɛ lɛɛ o be ɔ su nee! A be o hɛ mi nyami woe hu, se mohu a ma pue o hɛ mi si. Mo nitsɛ o maa tɔ dã, nɛ o maa tataa si. Yawɛ ma ha nɛ mo nitsɛ o yayami nɛ o pee ɔ maa gbla o tue; a be o hɛ mi nyami woe; o hɛ mi si mohu a ma pue.

Nahum 3:11

Nineve, mo hu o maa pee kaa nɔ nɛ tɔ dã! O ma hla kaa o maa je o he nyɛli ɔmɛ a dɛ mi.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Kɔmɔ Yemi 3:15

E ha nɛ i na amanehlu nɛ nya wa. Ye we amanehlu ɔ ngɛ kaa agba ngɛ ye nya mi.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Yeremia 51:57

Ma ha nɛ a ma nimeli ɔmɛ, ní leli ɔmɛ, amlaalo ɔmɛ, ma ní tsuli ɔmɛ, kɛ ta buli ɔmɛ maa tɔ dã. Ke a hwɔ si ɔ, a be si tee hu. Imi, matsɛ ɔ lɛ i de. Ye biɛ ji Yawɛ Tabohiatsɛ.

Yesaya 63:6

I kɛ mi mi la naa je ma amɛ a nɔ basabasa, nɛ i gbɛ mɛ ngɔ fĩa. I tsɛ̃ a muɔ ngɔ pue zugba.”

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

La 75:8

Yawɛ hɛɛ kplu ko ngɛ e dɛ mi, nɛ dã kpakpa nɛ nya wa hyi lɛ tɔ. E maa po dã nɛ ɔ ha nimli yayamihi tsuo, nɛ a maa hi nue hluu kɛ yaa si dã a sisi tɔɔ.

La 60:3

O ha o ma a na amanehlu nɛ nya wa; wa ngɛ didaae kaa nihi nɛ de dã.

La 59:8

Se mo Yawɛ, o ngɛ mɛ muɔe; o ngɛ je ma amɛ tsuo a he fɛu yee.

La 2:4

Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

Mose II, 9:17

Akɛnɛ o ngɛ o he nɔ woe ngɛ ye ma a nɔ kɛ mwɔɔ, nɛ o ngmɛɛ we a he nɛ a ya he je ɔ,

Yesaya 28:8

Okplɔɔhi nɛ a hii a he ɔ tsuo peeɔ kpɔtɔɔ kɛ vie sɔuu; he ko he ko be nɛ tsɔ.

Daniel 8:10

E he wami ɔ ba pue nɔ; e kɛ hiɔwe tabo nɛ ji dodoe ɔmɛ nitsɛnitsɛ hwu ta, nɛ e hɛ ekomɛ ngɔ pue zugba, nɛ e naa a nɔ.

Hiob 15:25

Nɔmlɔ nɛ teɔ si kɛ siɔ Ope ɔ, nɛ hiaa kɔ̃ kɛ woɔ Mawu he ɔ, nɔ́ nɛ maa ba e nɔ ji nɛ ɔ nɛ.

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.