Yeremia 48:20 - BAIBLO ALOO NGMAMI KLƆUKLƆU Ɔ

²⁰ A ma he nɔ ke, ‘A bɔ Moab ahlua; a kpata Moab hɛ mi. Nyɛɛ wo yana nɛ nyɛ nya awe! Nyɛɛ fiɛ ngɛ Arnon pa a nya ke a kpata Moab hɛ mi!’

Yeremia 48:20 ပူးပေါင်းရင်းမြစ်များ

Yesaya 16:2

Moab bi yi ɔmɛ ya pue si ngɛ Arnon pa a pomi he ɔmɛ kaa lohwe pɛlitsɛmɛ nɛ a fie mɛ kɛ je a tsuhi a mi.

Yesaya 15:8

A nu yana a boboobo ngɛ Moab huzu ɔmɛ tsuo a nɔ. A nu ngɛ Eglaim kɛ Beerelim ma amɛ a mi hulɔ.

Manyadali 11:18

Pee se ɔ, Israel bi ɔmɛ nyɛɛ kɛ gu nga a nɔ, nɛ a ya lɔgɔ Edom zugba a, kɛ Moab zugba a, hluu kɛ ya pa si ngɛ Moab zugba a beleku je. A to si ngɛ Arnon pa a se, se a pui mi kɛ yɛ Moab zugba a nɔ; ejakaa Arnon pa a ji Moab huzu ɔ nɛ.

Yoshua 13:9

A zugba a fɔ si kɛ je Aroer, ngɛ Arnon kɔ̃ ɔ nya, kɛ be ma nɛ ngɛ jamɛ a kɔ̃ ɔ mi ɔ he, kɛ muɔ zugba kpataa a nɛ ngɛ Medeba kɛ Dibon a kpɛti ɔ.

Mose V, 2:36

Kɛ je Aroer nɛ ngɛ Arnon kɔ̃ ɔ nya kɛ ya su Gilead ɔ, ma ko ma ko be nɛ wa nyɛ we lɛ; Yawɛ, wa Mawu ɔ ngɔ mɛ tsuo wo wa dɛ.