Yeremia 48:14 - BAIBLO ALOO NGMAMI KLƆUKLƆU Ɔ

¹⁴ “Moab bi! Mɛni he je nyɛ deɔ ke, ‘Wɔɔ lɛɛ ta buli katsɛmɛ nɛ he biɛ ji wɔ ɔ?’

Yeremia 48:14 ပူးပေါင်းရင်းမြစ်များ

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

Yesaya 10:13

Asiria matsɛ ɔ ngɛ fĩae nɛ e ngɛ dee ke, “Imi nitsɛ lɛ i tsu ní nɛ ɔmɛ tsuo. Ye he wa, i le ní, nɛ i to ga saminya. I ye zugba a tsuo nɔ, nɛ i gbɛ ma amɛ a huzu ɔmɛ tsuo ngɛ je ma amɛ a kpɛti; nɛ níhi nɛ a bua nya ngɔ to ɔ, i ngɔ. I ngɔ ye he wami nɛ i kɛ ye ma a mi bi ɔmɛ a nɔ.

Zefania 2:10

Tue gblami nɛ Moab bi ɔmɛ kɛ Amon bi ɔmɛ ma na ji nɛ ɔ nɛ; ejakaa a wo a he nɔ, nɛ a bɔ Yawɛ Tabohiatsɛ ɔ ma a ahlua.

Ezekiel 30:6

Nyɔmtsɛ Yawɛ ke, “Mahi nɛ piɛɔ Egipt he kɛ je Migdol ngɛ omleyi je kɛ ya su Aswan ngɛ leneyi je ɔ, a mi bi tsuo a hɛ mi ma kpata ngɛ ta a mi. Tabo ɔ nɛ Egipt kɛ fĩaa a hɛ mi ma kpata kulaa. Imi, Nyɔmtsɛ Yawɛ lɛ i de.

Yeremia 49:16

O he nɔ womi ɔ sisi mo. Nɔ ko nɔ ko pa yi mo gbeye hu kaa bɔ nɛ o susuu ɔ. O hi he ji tɛ sa amɛ a kpɛ, ngɛ yo ɔmɛ a yi mi. E ngɛ mi kaa o hi he ngɛ hiɔwe lokoo kaa kɔle hi he mohu, se kɛ̃ Yawɛ ma je mo kɛ je lejɛ ɔ, nɛ e maa ba mo si. Yawɛ lɛ de.”

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

La 11:1

I ba sa we ngɛ Yawɛ ngɔ. Mɛni he je lɛ nyɛ deɔ mi ke, “Tee kaa lohwe pɛlitsɛ kɛ ya yo ɔmɛ a nɔ.