Yeremia 48:13 - BAIBLO ALOO NGMAMI KLƆUKLƆU Ɔ

¹³ Jamɛ a be ɔ mi loko Moab bi ɔmɛ a hɛ mi ma pue si kaa bɔ nɛ Israel bi ɔmɛ hu a hɛ mi pue si be ko ɔ. A ma kpa si kaa mamoo a mawu Kemosh ɔ be he wami ko kaa Israel bi ɔmɛ hu a mawu Betel ɔ nɛ a ngɔ a hɛ ngɔ fɔ e nɔ ɔ.

Yeremia 48:13 ပူးပေါင်းရင်းမြစ်များ

Yeremia 48:39

Nyɛɛ hyɛ bɔ nɛ a kpata Moab zugba a hɛ mi ha! Nyɛɛ hyɛ bɔ nɛ Moab bi ɔmɛ ngɛ awe nyae ha! Nyɛɛ hyɛ bɔ nɛ a bɔ Moab ahlua ha! Moab plɛ pee muɔ nɔ́, kɛ nɔ́ ko nɛ je mahi tsuo nɛ bɔle lɛ ɔ hiee. Imi, Yawɛ lɛ i de.”

Yesaya 45:16

Amaga puɛli a hɛ mi ma pue si; zo maa gbe mɛ tsuo kpɔtɔɔ.

Manyadali 11:24

Nɔ́ tsuaa nɔ́ nɛ nyɛ mawu Kemosh ɔ ha nyɛ ɔ, nyɛɛ ngɔ. Wɔ hu, nɔ́ tsuaa nɔ́ nɛ Yawɛ, wa Mawu ɔ kpɔ kɛ fɔ si ha wɔ ɔ, wa maa ngɔ.

Yeremia 48:46

Moab bi, due! Nyɛ nihi nɛ nyɛ sɔmɔɔ Kemosh ɔ, a kpata nyɛ hɛ mi, nɛ a nuu nyɛ binyumu ɔmɛ, kɛ nyɛ biyi ɔmɛ kɛ je.”

Yeremia 48:7

“Moab bi, nyɛ ngɔ nyɛ hɛ ngɔ fɔ nyɛ he wami, kɛ nyɛ juetli nɔ, lɔ ɔ he ɔ, nyɛ hu a ma ba ngɔ nyɛ kɛ ho. Nyɛ mawu ɔ nɛ a tsɛɛ lɛ Kemosh ɔ, a maa ngɔ lɛ kɛ ho ma se ya kɛ e ganɔ ɔmɛ, kɛ e we osɔfo ɔmɛ.

Yesaya 45:20

Yawɛ ke, “Nyɛ je ma amɛ tsuo, nyɛ nihi nɛ nyɛ yi na wami ɔ, nyɛ bua nyɛ he nya kɛ ba! Nyɛ nihi nɛ hɛɛɔ tso amagahi kɛ hii nyɛɛe, nɛ nyɛ hii sɔlee ha mawuhi nɛ be yi wami nyɛe ma he, nyɛ li nɔ́ ko nɔ́ ko fɛɛ!

Yesaya 16:12

Moab bi ɔmɛ ngɛ dengme gboe kɛ ngɛ a jami he ɔmɛ yae ngɛ yo ɔmɛ a nɔ; a ngɛ a gba tsu ɔmɛ a mi yae ya ngɛ kue fae, se lɛ tsuo maa pee yaka.

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Matsɛmɛ I, 11:7

Salomo po piɛ ha Kemosh nɛ ji Moab bi ɔmɛ a wɔ yaya a, kɛ Milkom nɛ ji Amon bi ɔmɛ a wɔ yaya a ngɛ yo ɔ nɔ ngɛ Yerusalem beleku je.

Matsɛmɛ I, 11:33

I ma pee nɔ́ nɛ ɔ, ejakaa Salomo kua mi, nɛ e ya ja Astarte, Sidon yo mawu ɔ; Kemosh, Moab mawu ɔ; kɛ Milkom, Amon mawu ɔ. Salomo gbo tue; e pee yayami, nɛ e yi ye mlaa amɛ, kɛ blɔ nya tomi ɔmɛ a nɔ kaa bɔ nɛ e tsɛ David pee ɔ.

Yeremia 48:12

“Lɔ ɔ he ɔ, jehanɛ be ma nɛ ma tsɔ he nyɛli kɛ ba nɛ a ba kpata Moab hɛ mi pɛsɛpɛsɛ. Kaa bɔ nɛ nɔ́ puɛli ma plɛ wai ngɔ pue si nɛ a maa ywia wai tɔ ɔ wɔtsɔwɔtsɔ ɔ, kikɛ nɛ ɔ he nyɛli ɔmɛ maa pee Moab ɔ nɛ.

Kronika II, 25:15

Nɔ́ nɛ ɔ ha nɛ Yawɛ mi mi fu Amazia, nɛ e tsɔ gbalɔ ko kɛ ba e ngɔ. Gbalɔ ɔ ba bi lɛ ke, “Ma se mawuhi nɛ a nyɛ we nɛ a je mɛ nitsɛmɛ a ma mi bi kɛ je o dɛ mi ɔ, mɛni he je o ngɛ mɛ jae?”