Yeremia 48:12 - BAIBLO ALOO NGMAMI KLƆUKLƆU Ɔ

¹² “Lɔ ɔ he ɔ, jehanɛ be ma nɛ ma tsɔ he nyɛli kɛ ba nɛ a ba kpata Moab hɛ mi pɛsɛpɛsɛ. Kaa bɔ nɛ nɔ́ puɛli ma plɛ wai ngɔ pue si nɛ a maa ywia wai tɔ ɔ wɔtsɔwɔtsɔ ɔ, kikɛ nɛ ɔ he nyɛli ɔmɛ maa pee Moab ɔ nɛ.

Yeremia 48:12 ပူးပေါင်းရင်းမြစ်များ

Nahum 2:2

(Yawɛ miɔ nɛ e wo Israel hɛ mi nyami ekohu kaa bɔ nɛ e ngɛ sa loko he nyɛli ɔmɛ ba kpata ngmɔ ɔmɛ a hɛ mi ɔ).

Yeremia 48:38

Ngɛ tsuhi a yi mi, kɛ blɔhi a nɔ ngɛ Moab zugba a nɔ ɔ, nɔ́ nɛ o maa nu kɛkɛ ji kɔmɔ yemi, ejakaa i ha nɛ Moab pee kaa buɛ nɛ ywia wɔtsɔwɔtsɔ nɛ nɔ ko sume hu.

Yesaya 30:14

E maa gbɛ tsɔkɔtsɔkɔ kaa zu buɛ; e maa ywia yayaa, bɔ nɛ a be ngɛyu bɔbɔyoo po nae ngɛ mi nɛ a kɛ je la, loo nɛ a kɛ yɛ nyu ngɛ nɔ́ mi.”

La 2:9

O kɛ dade tso maa gbla a tue. O maa ywia mɛ wɔtsɔwɔtsɔ kaa a ywiaa buɛ?’ ”

Yeremia 48:15

A kpata Moab zugba a, kɛ ma amɛ tsuo a hɛ mi; a gbe Moab nihewi kpakpa amɛ tsuo. Imi matsɛ ɔ, Yawɛ Tabohiatsɛ ɔ, imi lɛ i de.

Yeremia 48:11

Bɔ nɛ Yawɛ de ji nɛ ɔ nɛ: “Moab he mi jɔ lɛ kɛ je sa, nɛ a ngɔɛ lɛ kɛ yɛ ma se hyɛ. Moab ngɛ kaa wai atiati nɛ a si ngɛ tɔ mi kɛ ma si, nɛ a plɛ we kɛ wui tɔ kpa mi. Bɔ nɛ e ngɛ sa a, ja ko e ngɛ; e nya nyu gbo we, nɛ e puɛ we hulɔ.

Yeremia 48:8

He nyɛlɔ ɔ ma kpata mahi tsuo pɛpɛɛpɛ a hɛ mi; ma ko ma ko he be mi jee. A ma kpata kɔ̃ kɛ nga kplanaa tsuo a hɛ mi. Imi, Yawɛ lɛ i de.

Yeremia 25:34

Nyɛ ma nɔ yeli nɛ nyɛ hyɛɛ ye ma a nɔ, nyɛɛ wo yana nɛ nyɛ kpa bubuubui! Nyɛɛ ye kɔmɔ, nɛ nyɛɛ ngɔ nyɛ he kɛ wuwlua si ngɛ la zu mi; ejakaa ligbi ɔ nɛ a maa gbe nyɛ ɔ su. A ma tsɔtslɔɔ nyɛ mi kaa bɔ nɛ a tsɔtslɔɔ agbosu mi.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 19:10

Jehanɛ, Yawɛ de mi ke ma ywia buɛ ɔ ngɛ nyumu ɔmɛ nɛ i kɛ mɛ ngɛ nyɛɛe ɔ a hɛ mi,

Yeremia 14:3

Odehe ɔmɛ tsɔɔ ke a ya yɛ nyu kɛ ba, se ke tsɔli ɔmɛ ya su vu ɔmɛ a he ɔ, a nɛ nyu, nɛ a kpaleɔ buɛ mi gu kɛ baa. Ke a hɛ mi pue si kikɛ nɛ ɔ, a kɛ nɔ́ haa a hɛ mi kɛ tsiɔ zo.

Yesaya 16:2

Moab bi yi ɔmɛ ya pue si ngɛ Arnon pa a pomi he ɔmɛ kaa lohwe pɛlitsɛmɛ nɛ a fie mɛ kɛ je a tsuhi a mi.

Yeremia 48:13

Jamɛ a be ɔ mi loko Moab bi ɔmɛ a hɛ mi ma pue si kaa bɔ nɛ Israel bi ɔmɛ hu a hɛ mi pue si be ko ɔ. A ma kpa si kaa mamoo a mawu Kemosh ɔ be he wami ko kaa Israel bi ɔmɛ hu a mawu Betel ɔ nɛ a ngɔ a hɛ ngɔ fɔ e nɔ ɔ.