Yeremia 47:7 - BAIBLO ALOO NGMAMI KLƆUKLƆU Ɔ

⁷ Se kɛ klaate ɔ maa jɔɔ e he kɛɛ, be mi nɛ i ha lɛ ní tsumi ke e tsu ɔ? I fa klaate ɔ ke e ya tua Ashkelon bi ɔmɛ, kɛ ni nɛmɛ nɛ ngɛ wo ɔ nya a.”

Yeremia 47:7 ပူးပေါင်းရင်းမြစ်များ

Mika 6:9

E hi kaa a ye Yawɛ gbeye. Yawɛ ngɛ Yerusalem dee ke, “Nyɛ nihi nɛ nyɛ ba bua nyɛ he nya ngɛ ma a mi, nyɛɛ bu tue!

Ezekiel 14:17

“Aloo ke i ha nɛ a hwu ta ngɛ zugba a nɔ tsuo, nɛ a kpata nimlihi, kɛ lohwehi a hɛ mi ngɛ nɔ ɔ,

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Ezekiel 25:16

Lɔ ɔ he ɔ, i ngɛ dee ke, i kɛ Filisti bi ɔmɛ maa to ní; ma tua mɛ, nɛ ma kpata a hɛ mi pɛsɛpɛsɛ; Keret bi ɔmɛ, kɛ nihi tsuo nɛ ngɛ wo nya ma amɛ a mi ɔ be a he yee.

Yesaya 37:26

“Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yesaya 13:3

Yawɛ tsɛ e ta buli katsɛmɛ ɔmɛ, kɛ e ni klɔuklɔu ɔmɛ, konɛ a gbla ni nɛmɛ nɛ ngɛ a he nɔ woe kɛ ngɛ e mi mi la woe ɔ a tue.

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”

Yeremia 48:10

Nihi nɛ tsuɔ ní ha Yawɛ kɛ yi si fiami ɔ, a gbiɛ mɛ. Ni nɛmɛ nɛ sume kaa a maa ngɔ klaate kɛ pue muɔ si kaa bɔ nɛ Yawɛ fa mɛ ɔ, a gbiɛ mɛ!

Ezekiel 21:30

“Nyɛ ke, ‘Kpale klaate ɔ se kɛ wo e kpo ɔ mi! Dɛbi! He nɛ a bɔ nyɛ ade ngɛ, zugba nɔ he nɛ a fɔ nyɛ ngɛ ɔ, lejɛ ɔ ma gbla nyɛ tue ngɛ.

Ezekiel 21:9

“Nɔmlɔ adesa, gbaa nɛ o de ma a ke, bɔ nɛ imi Nyɔmtsɛ ɔ, i ngɛ dee ji nɛ ɔ nɛ: Klaate oo klaate! A duɔ klaate ko nya; a sa he, nɛ e ngɛ kpɛe nylamnylam.

Ezekiel 21:14

“Lɔ ɔ he ɔ, nɔmlɔ adesa, gbaa nɛ o fia o dɛ mi. Fɔ̃ klaate ɔ si etɛ. Klaate nɛ gbeɔ nɔ ji nɛ ɔ nɛ. Klaate nɛ kpataa nɔ hɛ mi lɛ ngɛ e he poe kɛ ngɛ ma a bɔlee ɔ nɛ.