Yeremia 47:6 - BAIBLO ALOO NGMAMI KLƆUKLƆU Ɔ

⁶ Ngmlaa je nyɛ nya nɛ nyɛ bi ke, ‘Yawɛ klaate, mɛni be o ma kpa ní tsumi? Yaa sɛ o kpo ɔ mi, nɛ o jɔɔ o he, nɛ o pee dii!’

Yeremia 47:6 ပူးပေါင်းရင်းမြစ်များ

Yeremia 12:12

Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.

Yohane 18:11

Yesu de Petro ke, “Ngɔɔ o klaate ɔ kɛ wo e kpo ɔ mi. Amanehlu kplu nɛ Tsaatsɛ to kaa ma nu ɔ, ma ko nu lo?”

Ezekiel 21:30

“Nyɛ ke, ‘Kpale klaate ɔ se kɛ wo e kpo ɔ mi! Dɛbi! He nɛ a bɔ nyɛ ade ngɛ, zugba nɔ he nɛ a fɔ nyɛ ngɛ ɔ, lejɛ ɔ ma gbla nyɛ tue ngɛ.

Ezekiel 14:17

“Aloo ke i ha nɛ a hwu ta ngɛ zugba a nɔ tsuo, nɛ a kpata nimlihi, kɛ lohwehi a hɛ mi ngɛ nɔ ɔ,

Yeremia 25:27

Jehanɛ, Yawɛ de mi ke, “De ma a ke imi Yawɛ Tabohiatsɛ, Israel Mawu ɔ, i ngɛ mɛ fae ke nɔ tsuaa nɔ nɛ nu nɔ́ nɛ ngɛ kplu ɔ mi ɔ kɛ yaa si e maa tɔ dã, nɛ e maa vie, kɛ yaa si e maa nɔ si nɛ e be nyɛe maa te si hu; ejakaa i tsɔ ta nɛ nya wa wawɛɛ nitsɛ kɛ ma a ngɔ.

Yeremia 15:3

Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yeremia 4:21

Ma hi ta nɛ ɔ hyɛe kɛ yaa si mɛni be? Ma hi titimati nɛ ɔ he nue kɛ yaa si mɛni be?

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

La 17:13

Yawɛ, yaa nɛ o kɛ mɛ ya kpe nɛ o ye a nɔ. Ngɔɔ o klaate ɔ kɛ kpɔ mi kɛ je yiwutsotsɛmɛ a dɛi.

Kronika I, 21:27

Enɛ ɔ se ɔ, Yawɛ fa e bɔfo ɔ ke e ngɔ e klaate ɔ kɛ wo kpo ɔ mi; nɛ e pee ja.

Samuel II, 2:26

Abner kpa ngmlaa kɛ tsɛ Yoab nɛ e de lɛ ke, “Anɛ waa ya nɔ waa hi wa he gbee kɛ mwɔɔ lo? Anɛ o li kaa nyagbenyagbe ɔ, wɔ tsuo wa hɛ mi ma kpata lo? Mɛni be o ngɛ mlɛe loko o fa o we bi ɔmɛ nɛ a jɔɔ mɛ nitsɛmɛ a nyɛmimɛ a se nyɛɛmi lo?”

Manyadali 7:20

Kɛkɛ nɛ kuu etɛ ɔmɛ tsuo kpa titimati ɔmɛ, nɛ mɛ hu a ywia kplu ɔmɛ. Mɛ tsuo a hɛɛ jatɛ ɔmɛ kɛ a muɔ nine, nɛ a kɛ a hiɔ nine hɛɛ titimati ɔmɛ. A kpa titimati ɔmɛ kɛ he ose nɛ a de ke, “Yawɛ kɛ Gideon ta hwumi klaate ɔ ji nɛ ɔ nɛ!”

Yeremia 48:10

Nihi nɛ tsuɔ ní ha Yawɛ kɛ yi si fiami ɔ, a gbiɛ mɛ. Ni nɛmɛ nɛ sume kaa a maa ngɔ klaate kɛ pue muɔ si kaa bɔ nɛ Yawɛ fa mɛ ɔ, a gbiɛ mɛ!

Yeremia 50:35

Yawɛ ke, “Ta ma ba tua Babilonia zugba a! Ta ma ba na Babilonia bi ɔmɛ, ma nimeli ɔmɛ, kɛ ní leli ɔmɛ.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.