Yeremia 47:4 - BAIBLO ALOO NGMAMI KLƆUKLƆU Ɔ

⁴ Be ɔ su nɛ a ma kpata Filisti bi ɔmɛ, kɛ a huɛmɛ ɔmɛ tsuo nɛ piɛ ɔ, Tiro, kɛ Sidon a hɛ mi. Imi, Yawɛ nitsɛ ma kpata Filisti bi ɔmɛ, ni nɛmɛ tsuo nɛ je Kreta wo ɔ nya kɛ ba a a hɛ mi.

Yeremia 47:4 ပူးပေါင်းရင်းမြစ်များ

Amos 9:7

Yawɛ ke, “Israel ma, nyɛ ngɛ kaa Sudan bi ɔmɛ nɔuu ha mi; i susuɔ nyɛɛ kɛ mɛ tsuo nyɛ he fiee. Anɛ pi imi nɛ i je Filisti bi ɔmɛ kɛ je Kreta lo? Anɛ pi imi nɛ i je Siria bi ɔmɛ kɛ je Kir kaa bɔ nɛ i kpaka nyɛ, Israel bi ɔmɛ hu kɛ je Egipt zugba a nɔ ɔ lo?

Yesaya 20:6

Ke jamɛ a be ɔ su ɔ, nihi nɛ ngɛ Filistia wo ɔ nya a ma de ke, ‘Nihi nɛ wa ngɔ wa hɛ kɛ fɔ a nɔ kaa a ma je wɔ kɛ je Asiria matsɛ ɔ dɛ mi ɔ, hyɛ nɔ́ nɛ ba! Wɔɔ lɛɛ kɛ wa maa pee kɛɛ nɛ wa yi ma na wami?’ ”

Mose V, 2:23

Nihi nɛ je pa kpɔ Kreta nɔ ɔ, hi Mediterenia wo nya zugba a nɔ be ko. Mɛ lɛ a gbe Avim bi ɔmɛ nɛ hi lejɛ ɔ sa a, nɛ a ngɔ a zugba a tsuo nɛ ngɛ leneyi je ɔ kɛ ya su Gaza tɔɔ.)

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Ezekiel 21:29

Ninahi nɛ nyɛ na a tsuo, lakpa sɔuu; gbamihi nɛ nyɛ ngɛ gbae ɔ hu jã kɛ̃. Nyɛ yiwutsotsɛmɛ nɛ yayami pɛ nyɛ peeɔ, nyɛ be ɔ su ta; be nɛ a maa gbla nyɛ tue ɔ ma oo! A kɛ klaate ma kpata nyɛ hɛ mi pɛsɛpɛsɛ.’

Ezekiel 21:25

“Nɛ mo, Israel ganɔ, nɔmlɔ yayami, kɛ yiwutsotsɛ, o nyagbe ji nɛ ɔ nɛ; be nɛ a maa gbla o tue wawɛɛ ɔ su jehanɛ.

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.

Yeremia 46:10

Nyɔmtsɛ Yawɛ Tabohiatsɛ ɔ ligbi ɔ ji nɛ ɔ nɛ; mwɔnɛ ligbi nɛ ɔ, Yawɛ maa ye e he lue; mwɔnɛ ligbi nɛ ɔ, e maa gbla e he nyɛli ɔmɛ a tue. Yawɛ klaate ɔ maa pee kaa nɔ ko nɛ ye ní nɛ e tɔ, aloo nɔ ko nɛ nu muɔ nɛ e de kaa dã. Nyɔmtsɛ Yawɛ Tabohiatsɛ ɔ ngɔ e he nyɛli ɔmɛ kɛ ngɛ bɔ sãe ngɛ omleyi je, ngɛ Yufrate pa a tue.

La 37:13

Se Yawɛ lɛɛ e muɔɔ yayami peeli, ejakaa e le kaa e be kɛe nɛ a ma kpata a hɛ mi.

Luka 21:22

Ejakaa lue yemi ligbi ɔmɛ ji nɛ ɔmɛ nɛ; konɛ níhi tsuo nɛ ngmami ɔmɛ de ɔ nɛ ba mi.

Ezekiel 30:8

Ke i mɛ Egipt he la, nɛ i kpata e he piɛli ɔmɛ a hɛ mi ɔ, kɛkɛ a maa le kaa imi ji Yawɛ.

Ezekiel 25:16

Lɔ ɔ he ɔ, i ngɛ dee ke, i kɛ Filisti bi ɔmɛ maa to ní; ma tua mɛ, nɛ ma kpata a hɛ mi pɛsɛpɛsɛ; Keret bi ɔmɛ, kɛ nihi tsuo nɛ ngɛ wo nya ma amɛ a mi ɔ be a he yee.

Yesaya 31:8

A kɛ ta ma kpata Asiria hɛ mi; se pi nɔmlɔ adesa he wami nya. Asiria bi ɔmɛ maa tu fo ngɛ ta nya, nɛ a nihewi ɔmɛ ma plɛ pee nihi nɛ a nyɛɔ a nɔ kɛ tsuɔ ní tsumi nɛ nya wa.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Hiob 9:13

Mawu mi mi fumi se pui. E he nyɛli ɔmɛ nɛ te si wo lɛ ɔ, e kpata a hɛ mi. Mɛ lɛ a ya piɛ wo mi lohwe ngua a nɛ a tsɛɛ lɛ Rahab ɔ he ɔ nɛ.

Kronika I, 1:12

Patrus bi, Kaslu bi, kɛ Kret bi (ni nɛmɛ a mi nɛ Filisti bi ɔmɛ je ɔ).

Yoshua 22:30

Benɛ osɔfo Finehas, kɛ ma nimeli ɔmɛ, nɛ ji wɛtsoyi nyɔngma amɛ nɛ piɛ e he ɔ nu munyuhi nɛ Ruben bi ɔmɛ, Gad bi ɔmɛ, kɛ Manase wɛtso fa a tu ɔ, a bua jɔ a he saminya.

Mose I, 10:15

Kanaan bitɛte ji Sidon, kɛ e senɔ nyumu Het.

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.