Yeremia 47:3 - BAIBLO ALOO NGMAMI KLƆUKLƆU Ɔ

³ A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Yeremia 47:3 ပူးပေါင်းရင်းမြစ်များ

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

Yeremia 46:9

Nyɛ okpɔngɔhi, nyɛɛ ya nyɛ hɛ mi esɔ. Nyɛ zugba lɛhi, nyɛ sa fo! Nyɛ katsɛmɛ, nyɛɛ je kpo: Sudan kɛ Libia tsɛi hɛɛli, kɛ Lidia kɛ̃ɛ̃ tsɛ̃li nɛ nyɛ nine nya da.’ ”

Yeremia 50:42

A hɛɛ kɛ̃ɛ̃ kɛ akplɔ; a yi mi wa, nɛ mɔbɔ nami ko kulaa be a mi. A he ose, nɛ a hi okpɔngɔhi a nɔ kɛ ma; nɛ lejɛ ɔ tsuo pee hoo kaa wo nɛ ngɛ fiae gudugudu. A mia kɛ ma nɛ a kɛ Babilonia ba hwu ta.

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Ezekiel 23:24

Ta buli kɛ a ta zugba lɛhi babauu, kɛ a tlɔɔkehi kɛ a mi tlomi maa je omleyi je kɛ ba tua mo. A kɛ tsɛ̃i agbohi, tsɛ̃i wawi, kɛ dade pɛɛ ma gba ta kɛ wo o he. Ma ha a maa kojo mo ngɛ mɛ nitsɛmɛ a mlaa nya.

Nahum 2:4

Ta zugba lɛ ɔmɛ ngɛ si poe hliididididi ngɛ gbɛjegbɛ ɔmɛ a nɔ, nɛ a ngɛ fo sae kɛ ngɛ yae kɛ ngɛ bae ngɛ ma kpe he ɔmɛ. A ngɛ kpɛe kaa jatɛ; nɛ a ngɛ gbae kɛ ngɛ yae kɛ ngɛ bae kaa oslabai.

Nahum 2:8

Nineve ma mi bi ɔmɛ bu kɛ je kpo kɛ je ma a mi kɛ fo kaa bɔ nɛ nyu bee yayaaya kɛ jee taku nɛ gba dɔ tlukaa mi ɔ. A nu ngmlaa ke, “Nyɛɛ da si! Nyɛɛ da si!” Se nɔ ko nɔ ko plɛ we nɛ e hyɛ e se.

Kpojemi 9:9

A wo ní komɛ ha mɛ ngɛ a gugue mi kaa dade damahi, nɛ ke a fia a pɛlihi a mi ɔ, e pɛɛ wawɛɛ kaa ta zugba lɛhi fuu nɛ okpɔngɔhi gbla kɛ yaa ta.

Manyadali 5:22

Kɛkɛ nɛ okpɔngɔ ɔmɛ tuu kɛ ba; a si a nane kokloto si.