Yeremia 47:2 - BAIBLO ALOO NGMAMI KLƆUKLƆU Ɔ

² Yawɛ ke, “Hyɛ! Nyu babauu je omleyi je kɛ ma kaa pa nɛ hia lalaala. Nyu nɛ ɔ ma ba ha zugba a nɔ tsuo; e maa ha mahi, nimli, kɛ nɔ́ tsuaa nɔ́ nɔ. Ngmlaa maa je nyumuhi po a nya, nɛ nɔ tsuaa nɔ maa wo yana ngɛ zugba a nɔ.

Yeremia 47:2 ပူးပေါင်းရင်းမြစ်များ

Yeremia 46:20

Egipt ngɛ kaa na yo saminyayoo nɛ pwɔlwɛ je omleyi je ba kɔ lɛ.

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Yeremia 1:14

Yawɛ de mi ke, “Niinɛ, amanehlu maa fia kɛ je omleyi je kɛ ba pue zugba nɛ ɔ nɔ bi tsuo a nɔ.

Kpojemi 17:15

Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.

Kpojemi 17:1

Enɛ ɔ se ɔ, bɔfo kpaago ɔmɛ nɛ hɛɛ kplu kpaago ɔmɛ a ti nɔ kake ba de mi ke, “Ba nɛ ma tsɔɔ mo bɔ nɛ Mawu maa gbla ajuama kpanaku ɔ tue ha. Jamɛ a ma kpetekpleenyɛ ɔ nɛ a ma ngɔ fɔ pahi babauu a tue ɔ i ngɛ tsɔɔe ɔ nɛ.

Yakobo 5:1

Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!

1 Korintobi 10:28

Se ke nɔ ko de nyɛ ke, “Niye ní nɛ ɔ, a kɛ sã bɔ ha amaga” a, lɔ ɔ lɛɛ nyɛ ko ye. Pi nyɛ nitsɛmɛ, loo nyɛ he nile he je nɛ i ngɛ nyɛ enɛ ɔ dee, se nɔ kpa a nɛ de nyɛ lo ɔ he sane ɔ, lɛ mohu e he nile he je.

1 Korintobi 10:26

Ejakaa ngmami ɔ ke, “Je ɔ, kɛ e mi níhi tsuo ɔ, Nyɔmtsɛ ɔ nɔ́.”

Nahum 1:8

E kpataa e he nyɛli ɔmɛ a hɛ mi pɛsɛpɛsɛ kaa bɔ nɛ pa nguaa nɛ ngɛ bee kɛ fo kpataa níhi a hɛ mi ɔ; e gbeɔ nihi nɛ tee si woɔ lɛ ɔ.

Daniel 11:22

Nihi nɛ maa te si ngɔ wo lɛ ɔ, e ma kpata a hɛ mi, kɛ Mawu nitsɛ ganɔ nɔkɔtɔma pe kulaa a tsuo.

Yeremia 48:39

Nyɛɛ hyɛ bɔ nɛ a kpata Moab zugba a hɛ mi ha! Nyɛɛ hyɛ bɔ nɛ Moab bi ɔmɛ ngɛ awe nyae ha! Nyɛɛ hyɛ bɔ nɛ a bɔ Moab ahlua ha! Moab plɛ pee muɔ nɔ́, kɛ nɔ́ ko nɛ je mahi tsuo nɛ bɔle lɛ ɔ hiee. Imi, Yawɛ lɛ i de.”

Yeremia 46:13

Benɛ Babilonia matsɛ, Nebukadnezar ma nɛ e ba tua Egipt ɔ, Yawɛ kɛ mi tu munyu. Yawɛ de mi ke,

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Yesaya 22:1

Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

Yesaya 15:8

A nu yana a boboobo ngɛ Moab huzu ɔmɛ tsuo a nɔ. A nu ngɛ Eglaim kɛ Beerelim ma amɛ a mi hulɔ.

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.

La 98:7

Wo, kɛ o mi níhi tsuo, nyɛɛ wo gbi! Je ɔ, kɛ níhi tsuo nɛ ngɛ mi, nyɛ la!

La 96:11

Hiɔwe, kɛ zugba, nyɛ nya! Wo, kɛ o mi níhi tsuo, nyɛɛ wo gbi.

La 50:12

“Ke hwɔ ngɛ mi yee ɔ, i be nyɛ dee, ejakaa ye nɔ́ ji je ɔ kɛ e mi nɔ́ tsuaa nɔ́.

La 24:1

Je ɔ, Yawɛ nɔ́. Zugba a, kɛ e mi ní, kɛ nimli nɛ ngɛ zugba a nɔ ɔ, Yawɛ níhi ji mɛ tsuo.

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Yeremia 46:12

Je ma amɛ nu kaa nyɛ hɛ mi pue si; nɔ tsuaa nɔ nu ngmlaa nɛ nyɛ ngɛ kpae ɔ. Katsɛmɛ ɔmɛ ngɛ a sibi tɛe, nɛ a ngɛ si nɔɔe.

Yeremia 46:24

A bɔ Egipt bi ɔmɛ ahlua; nihi nɛ je omleyi je ɔ ye a nɔ kunimi. Imi, Yawɛ lɛ i de.”