Yeremia 46:9 - BAIBLO ALOO NGMAMI KLƆUKLƆU Ɔ

⁹ Nyɛ okpɔngɔhi, nyɛɛ ya nyɛ hɛ mi esɔ. Nyɛ zugba lɛhi, nyɛ sa fo! Nyɛ katsɛmɛ, nyɛɛ je kpo: Sudan kɛ Libia tsɛi hɛɛli, kɛ Lidia kɛ̃ɛ̃ tsɛ̃li nɛ nyɛ nine nya da.’ ”

Yeremia 46:9 ပူးပေါင်းရင်းမြစ်များ

Ezekiel 27:10

“Ta buli nɛ je Persia, Lidia, kɛ Libia hu ba piɛ o ta buli ɔmɛ a he. A kɛ a tsɛ̃i ɔmɛ, kɛ dade pɛɛ ɔmɛ ha nɛ o ye kunimi.

Yesaya 66:19

Jamɛ a be ɔ loko a maa le kaa imi lɛ i ngɛ a tue gblae. “Se ma he a ti ni komɛ a yi wami, nɛ ma tsɔ mɛ kɛ maa ya je ma amɛ a ngɔ, kɛ zugbahi a nɔ ngɛ tsitsaa lokoo, he nɛ a nui ye we agbo jemi, kɛ ye he wami kpetekpleenyɛ ɔ he ngɛ lolo. Ma tsɔ mɛ Spania, Libia, Lidia he nɛ kɛ̃ɛ̃ tsɛ̃li kpakpahi ngɛ ɔ, Tubal, kɛ Hela. A ma ya fiɛ ngɛ je ma nɛ ɔmɛ a mi ke Mawu kpetekpleenyɛ ji mi.

Nahum 3:9

Tebes nɛ yeɔ Sudan kɛ Egipt tsuo a nɔ; nɛ e he wa kaa nɔ́ ko. Put kɛ Libia piɛ e huɛmɛ ɔmɛ a he kɛ hwu ta a!

1 Korintobi 1:8

Mawu nitsɛ maa hɛɛ nyɛ kɛ maa ya nyagbe, konɛ ligbi ɔ nɛ wa Nyɔmtsɛ Yesu Kristo maa ba a, piami ko piami ko kó hi nyɛ he.

Ni Tsumi 2:10

ni komɛ je Frigia, kɛ Pamfilia; nɛ ni komɛ hu je Egipt, kɛ Libia kpokpa amɛ a nɔ ngɛ Kirene kasa nya. Wa ti ni komɛ je Roma.

Yeremia 47:3

A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Yeremia 30:5

“Wa nu gbi ko nɛ ngɛ pɛe, sawale kɛ gbeye, se pi tue mi jɔmi.

Kronika I, 1:11

Egipt nina ji Lidia bi, Anam bi, Lehab bi, Naftu bi,

Mose I, 10:13

Egipt bi a nina ji Lidia, Anam, Lehab, Naftu,

Mose I, 10:6

Ham bimɛ ji Kush, Egipt, Libia, kɛ Kanaan bi.

Yeremia 51:11

Yawɛ ha nɛ Media matsɛmɛ ɔmɛ a mumi te si, konɛ a ya kpata Babilonia hɛ mi. Bɔ nɛ e to nɛ e maa ye e he lue, nɛ e maa gbla Babilonia tue ngɛ lɛ Yawɛ, e we ɔ nɛ a ble ɔ he ji nɛ ɔ nɛ. Tatsɛmɛ ɔmɛ nɛ nyɛɛ ta a hɛ mi ɔ fa ke, “Nyɛɛ duɔ nyɛ kɛ̃ɛ̃ mi bi ɔmɛ a nya! Nyɛ wo nyɛ tsɛ̃i ɔmɛ a nɔ!

Ezekiel 30:4

A maa hwu ta ngɛ Egipt; nɛ Sudan maa hao wawɛɛ. A maa gbe nihi babauu ngɛ Egipt; a maa muɔ e juetli kɛ je; nɛ ma a maa pee ma doku posoposo.

Ezekiel 30:5

“Gbaa ke ta buli nɛ a bɔ mɛ apaa kɛ je Sudan, Lidia, Libia, Arabia, kɛ Kub ɔ, a ma kpata mɛ tsuo a hɛ mi, nɛ imi nitsɛ ye ni ɔmɛ ekomɛ hu maa nɔ ngɛ ta a mi.”