Yeremia 46:2 - BAIBLO ALOO NGMAMI KLƆUKLƆU Ɔ

² e je sisi kɛ je Egipt nɔ. Egipt matsɛ, Neko tabo ɔ nɛ Babilonia matsɛ, Nebukadnezar ye a nɔ ngɛ Karkemish, ngɛ Yufrate pa a nya a, bɔ nɛ Yawɛ de ngɛ a he ji nɛ ɔ nɛ. Sane nɛ ɔ ba ngɛ Yuda matsɛ, Yehoyakim yi nɔ jeha eywiɛne ɔ mi.

Yeremia 46:2 ပူးပေါင်းရင်းမြစ်များ

Matsɛmɛ II, 23:29

Benɛ Yosia ngɛ tsɛ yee ɔ, Egipt matsɛ, Neko hia ta ya je ngmlaa ha Asiria matsɛ ngɛ Yufrate pa a nya. Matsɛ Yosia hia ta nɛ e kɛ Egipt bi ɔmɛ ya bua ngɛ Megido; nɛ e ba mi kaa Matsɛ Neko gbe lɛ ngɛ ta mi ngɛ lejɛ ɔ.

Yeremia 46:14

“Nyɛɛ fiɛ ngɛ Egipt ma amɛ a mi, ngɛ Migdol, Memfis, kɛ Tapanhes ke, ‘Nyɛɛ mia, nɛ nyɛɛ pee klaalo, ejakaa ta ngɛ ní puɛe ngɛ mahi nɛ bɔle nyɛ ɔ a mi kɛ ma!

Yeremia 45:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, Neria bi Baruk ngma munyu ɔ nɛ i de lɛ ke e ngma a. Kɛkɛ nɛ i de lɛ ke,

Yeremia 36:1

Yuda matsɛ, Yehoyakim yi nɔ jeha eywiɛne ɔ mi ɔ, Yawɛ kɛ mi tu munyu nɛ e de ke,

Yeremia 25:19

Ni kpahi tsuo nɛ mɛ hu a sa a nya kplu nɛ ɔ ji nɛ ɔmɛ nɛ: Egipt matsɛ ɔ, kɛ e tsɔli ɔmɛ, kɛ ma nimeli ɔmɛ; Egipt bi tsuo, kɛ nibwɔhi tsuo nɛ ngɛ Egipt ɔ; matsɛmɛ ɔmɛ tsuo nɛ ngɛ Uz zugba a nɔ ɔ; matsɛmɛ ɔmɛ tsuo nɛ ngɛ Filisti ma nɛ ɔmɛ a mi ɔ: Ashkelon, Gaza, Ekron, kɛ Ashdod fa a nɛ piɛ ɔ; nihi tsuo nɛ ngɛ Edom, Moab, kɛ Amon; matsɛmɛ ɔmɛ tsuo nɛ ngɛ Tiro, kɛ Sidon; matsɛmɛ ɔmɛ tsuo nɛ ngɛ zugba amɛ a nɔ ngɛ Mediterenia woɔ se ɔ; Dedan, kɛ Tema, kɛ Buz ma amɛ; nihi tsuo nɛ poɔ huɛ ngɛ a yi mi; Arabia matsɛmɛ ɔmɛ tsuo; futufututsɛmɛ nɛ ngɛ nga kplanaa a nɔ ɔ a matsɛmɛ ɔmɛ tsuo; matsɛmɛ ɔmɛ tsuo nɛ ngɛ Zimri, Elam, kɛ Media; omleyi je matsɛmɛ ɔmɛ tsuo, ni nɛmɛ nɛ a he kɛ, kɛ ni nɛmɛ nɛ a he kɛ we. Je nɛ ɔ mi matsɛ yemi ɔmɛ tsuo pɛpɛɛpɛ sa a nya kplu nɛ ɔ. A se ɔ, nɔ nɛ maa nu kɛ gbe nya ji Babilonia matsɛ ɔ.

Yeremia 25:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, i ná sɛ gbi ko kɛ je Yawɛ ngɔ nɛ kɔɔ Yuda ma a tsuo he. Jamɛ a be ɔ mi ɔ, Babilonia matsɛ, Nebukadnezar hu na jeha kake ngɛ e sɛ ɔ nɔ.

Yesaya 10:9

Kalno ma a, kɛ Karkemish ma a nɛɛ, mɛni slɔɔto ngɛ a kpɛti? Anɛ Hamat ma a be kaa Arpad ma a lo? Samaria kɛ Damasko ɔ nɛɛ, slɔɔto ko ngɛ a kpɛti lo?

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Matsɛmɛ II, 18:21

Ke o ngɛ blɔ hyɛe kaa Egipt ma ba piɛ o he ɔ, o ngɛ kaa nɔ ko nɛ e kɛ gla pee e dɛma tso; gla a maa ku nɛ e maa gbɔ e dɛ mi. Kikɛ nɛ ɔ Egipt matsɛ ɔ ngɛ, nɛ nɔ tsuaa nɔ nɛ ngɔɔ e hɛ ngɔ fɔɔ e nɔ ɔ, nɔ́ nɛ baa e nɔ ji nɛ ɔ nɛ.”

Matsɛmɛ II, 23:33

Egipt matsɛ, Neko wo lɛ tsu ngɛ Ribla, ngɛ Hamat zugba a nɔ, nɛ e tsu tó sika hiɔ kilo akpe etɛ kɛ e nya lafa eywiɛ, kɛ sika tsu kilo nyingmi etɛ kɛ eywiɛ ngɛ Yuda dɛ. Nɔ́ nɛ ɔ ha nɛ Yoahaz matsɛ yemi ɔ se po.

Matsɛmɛ II, 24:7

Jehanɛ Egipt matsɛ ɔ pa nyɛ we nɛ e hia ta kɛ je Egipt hu, ejakaa Babilonia matsɛ ɔ kpɔ zugba amɛ tsuo ngɛ e dɛ, kɛ je Egipt Taku ɔ nya hluu kɛ ya si Yufrate pa a nya.

Yeremia 43:11

Ke Nebukadnezar ba a, e ma ba kpata Egipt zugba a hɛ mi; nihi nɛ i de to kaa gbenɔ hiɔ maa gbe ɔ, gbenɔ hiɔ maa gbe mɛ; nihi nɛ i de to kaa a maa nuu kɛ ho ɔ, a maa nuu mɛ kɛ ho; ni nɛmɛ nɛ i de to kaa a maa nɔ ta a, a maa nɔ ta.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 19:19

Ke jamɛ a be ɔ su ɔ, a maa ma Yawɛ bɔ sami la tɛ ngɛ Egipt zugba a nɔ; nɛ a maa to tɛ titima ko nɛ a gbaa nɔ ha Yawɛ ngɛ Egipt huzu ɔ nya.