Yeremia 45:1 - BAIBLO ALOO NGMAMI KLƆUKLƆU Ɔ

¹ Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, Neria bi Baruk ngma munyu ɔ nɛ i de lɛ ke e ngma a. Kɛkɛ nɛ i de lɛ ke,

Yeremia 45:1 ပူးပေါင်းရင်းမြစ်များ

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Kronika II, 36:5

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E pee yayami kɛ si Yawɛ, e Mawu ɔ.

Yeremia 25:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, i ná sɛ gbi ko kɛ je Yawɛ ngɔ nɛ kɔɔ Yuda ma a tsuo he. Jamɛ a be ɔ mi ɔ, Babilonia matsɛ, Nebukadnezar hu na jeha kake ngɛ e sɛ ɔ nɔ.

Yeremia 26:1

Benɛ Yuda matsɛ, Yehoyakim, Yosia bi ɔ bɔni matsɛ yemi ɔ, e kɛ we kulaa nɛ Yawɛ ha mi sɛ gbi nɛ ɔ.

Yeremia 32:12

I ngɔ womi ɔmɛ kɛ ha Baruk, Maseya bi Neria bi ɔ ngɛ ye tsɛko bi Hanamel, kɛ odase yeli ɔmɛ nɛ ngɔ a nine kɛ wo womi ɔ sisi ɔ, kɛ Yuda bi tsuo nɛ hii si ngɛ kue ɔ mi ɔ a hɛ mi.

Yeremia 32:16

Benɛ i ngɔ zugba a he womi ɔ kɛ ha Baruk, Neria bi ɔ se ɔ, i fa kue ha Yawɛ ke,

Yeremia 36:1

Yuda matsɛ, Yehoyakim yi nɔ jeha eywiɛne ɔ mi ɔ, Yawɛ kɛ mi tu munyu nɛ e de ke,

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Yeremia 36:26

Kɛkɛ nɛ matsɛ ɔ fa matsɛbinyumu Yerameel, kɛ Seraya, Azriel bi ɔ, kɛ Shelemia, Abdeel bi ɔ ke a nu imi, kɛ ye womi ngmalɔ Baruk ɔ tsuo. Se Yawɛ ngɔ wɔ kɛ laa.

Yeremia 36:32

Kɛkɛ nɛ i kɛ̃ womi kpo kpa kɛ ha Baruk, womi ngmalɔ ɔ, nɛ e ngma munyuhi tsuo nɛ i tsɛ kɛ ha lɛ ɔ kɛ wo mi. Lɔ ɔmɛ ji munyuhi tsuo nɛ a ngma kɛ wo kekle womi kpo ɔ nɛ Yuda matsɛ, Yehoyakim sã a mi, kɛ munyu kpahi babauu nɛ piɛ he.

Yeremia 36:4

Kɛkɛ nɛ i tsɛ Baruk, Neria bi ɔ, nɛ munyuhi tsuo nɛ Yawɛ kɛ mi tu ɔ, i tsɛ ha lɛ, nɛ e ngma kɛ wo womi kpo ko mi.

Yeremia 45:2

Yawɛ, Israel Mawu ɔ ke, “Baruk,

Yeremia 46:2

e je sisi kɛ je Egipt nɔ. Egipt matsɛ, Neko tabo ɔ nɛ Babilonia matsɛ, Nebukadnezar ye a nɔ ngɛ Karkemish, ngɛ Yufrate pa a nya a, bɔ nɛ Yawɛ de ngɛ a he ji nɛ ɔ nɛ. Sane nɛ ɔ ba ngɛ Yuda matsɛ, Yehoyakim yi nɔ jeha eywiɛne ɔ mi.

Yeremia 51:59

Matsɛ Zedekia tsɔli ɔmɛ a kpɛti nɔkɔtɔma kake ji Neria bi Seraya, Maseya bibi ɔ. Yuda matsɛ, Zedekia yi nɔ jeha eywiɛne ɔ, benɛ lɛ Zedekia a yaa Babilonia a, Seraya kɛ lɛ ya. I ngɔ sɛ gbi kɛ ha Seraya kɛ ho.

Daniel 1:1

Yuda matsɛ, Yehoyakim yi nɔ jeha nɛ ji etɛ ɔ mi ɔ, Babilonia matsɛ, Nebukadnezar ba tua Yerusalem, nɛ e sá ma a yi.