Yeremia 44:3 - BAIBLO ALOO NGMAMI KLƆUKLƆU Ɔ

³ ejakaa ma amɛ a mi bi ɔmɛ pee yayami, nɛ a wo ye mi mi la. A sã bɔhi nɛ a kɛ sɔmɔ mawu kpahi nɛ mɛ nitsɛmɛ, loo nyɛ, loo nyɛ nɛmɛ ɔmɛ po li gblee.

Yeremia 44:3 ပူးပေါင်းရင်းမြစ်များ

Mose V, 29:26

A ya sɔmɔ mawu kpahi nɛ a ja we hyɛ, mawuhi nɛ Yawɛ wo mɛ mlaa ke a ko ja kɔkɔɔkɔ ɔ.

Mose V, 32:17

Ma a sã bɔ kɛ ha mumi yayamihi, kɛ mawuhi nɛ a he be se nami, mawuhi nɛ a nɛmɛ po li, mawuhi nɛ Israel sɔmɔ we hyɛ.

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.

Daniel 9:5

“Wa pee yayami; wa tɔ nɛ wa pee yi wu tso níhi. Wa tsɔ o hɛ mi atuã, nɛ wa yi o mlaa amɛ a nɔ.

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Nehemia 9:33

O ye dami sane kaa o gbla wa tue, ejakaa o ye anɔkuale, be nɛ wɔɔ lɛɛ wa pee yayami.

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Kɔmɔ Yemi 1:8

Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.

Yeremia 22:9

Kɛkɛ ɔ, a ma he nɔ ke i ye nyɛ sane nɛ ɔ, ejakaa somi nɛ imi, nyɛ Mawu ɔ, i kɛ nyɛ so ɔ, nyɛ yi nɔ; nyɛ ya nyɛɛ mawu kpahi mohu a se, nɛ nyɛ sɔmɔ mɛ.”

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

Yeremia 7:19

Se anɛ imi ye mi mi la a ngɛ woe ɔ lo? Dɛbi! Mɛ nitsɛmɛ a he lɛ a ngɛ pee; a kɛ ma kpata mɛ nitsɛmɛ a hɛ mi.

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 5:19

Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”

Hebribi 3:16

Mɛnɔmɛ lɛ a nu Mawu gbi, nɛ a tsɔ atuã a? Anɛ pi nihi nɛ Mose kɛ mɛ je Egipt ɔ tsuo lo?

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yeremia 32:30

Kɛ je blema teteete ɔ, yayami sɔuu lɛ Israel bi, kɛ Yuda bi ngɛ pee, nɛ a kɛ ngɛ ye mi mi la woe.

Yeremia 44:23

Haomi mi nɛ nyɛ ngɛ mwɔnɛ nɛ ɔ, nɔ́ nɛ kɛ haomi nɛ ɔ ba ji nyɛ pee yayami kɛ si Yawɛ. Nyɛ sã tsopa kɛ e he via ha mawu kpahi; nyɛ bui Yawɛ gbi tue, nɛ e mlaa amɛ, kɛ e blɔ nya tomi ɔmɛ hu nyɛ yi nɔ.”

Mose V, 29:25

Mɛni he je e mi mi fu wawɛɛ kikɛ nɛ ɔ?’ Heto nɛ a ma na ji, ‘Nɔ́ he je nɛ e ba ja a ji kaa Yawɛ ma a yi somi nɛ a kɛ lɛ, a nɛmɛ a Mawu ɔ so ɔ nɔ. Lɛ ji nɔ nɛ kpaka mɛ kɛ je Egipt ɔ nɛ.

Yeremia 16:10

“Ke o ya de ma nɛ ɔ ní nɛ ɔmɛ tsuo ɔ, a ma bi mo ke mɛni he je lɛ i to ye yi mi kaa ma gbla a tue wawɛɛ kikɛ nɛ ɔ. A ma bi mo ke mɛni tɔmi a tɔ Yawɛ, a Mawu ɔ nɔ, nɛ mɛni yayami po a pee kɛ si lɛ.

Yeremia 29:19

Ní nɛ ɔmɛ maa ba a nɔ, ejakaa sɛ gbi ɔ nɛ i haa mɛ be tsuaa be kɛ guu ye tsɔli gbali ɔmɛ a nɔ ɔ, a bui fɛɛ. A sume kaa a maa nu kɛ a tue po.