Yeremia 44:2 - BAIBLO ALOO NGMAMI KLƆUKLƆU Ɔ

² Yawɛ Tabohiatsɛ, Israel Mawu ɔ ke, “Nyɛ nitsɛmɛ nyɛ na bɔ nɛ i kpata Yerusalem, kɛ Yuda ma kpa amɛ a hɛ mi. Amlɔ nɛ ɔ, ma amɛ pee ma dokuhi nɛ nɔ ko nɔ ko be a mi,

Yeremia 44:2 ပူးပေါင်းရင်းမြစ်များ

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Kɔmɔ Yemi 5:18

ejakaa Zion Yo ɔ nɔ je gu kɛ fɔɔ si, nɛ nga mi gbehi ngɛ ma a mi ní kokoe ɔmɛ a mi kpae.

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 25:11

Zugba nɛ ɔ tsuo hɛ mi ma kpata pɛsɛpɛsɛ, nɛ je ma nɛ ɔmɛ ma sɔmɔ Babilonia matsɛ ɔ jeha nyingmi kpaago.

Yeremia 7:34

Zugba a ma plɛ pee nga kplanaa. Ma ha nɛ nyami, bua jɔmi, kɛ ayɛflo he ní peemi hoo ɔ se maa po ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ.

Yesaya 24:12

A ku gbogbo ɔmɛ dukuduku ngɔ pue si, nɛ ma a tsuo plɛ pee ma doku.

Matsɛmɛ II, 21:13

Bɔ nɛ i gbla Samaria, kɛ Israel matsɛ, Ahab kɛ e we ɔ a tue ɔ, ja nɔuu ma pee Yerusalem. Ma ha nɛ a maa muɔ nimli ɔmɛ tsuo kɛ je Yerusalem, nɛ Yerusalem ma a maa pee falifali kaa kã nɛ a fɔ mi nɛ a plɛ ngɔ bu si.

Yoshua 23:3

Nyɛ na bɔ nɛ Yawɛ, nyɛ Mawu ɔ pee je ma nɛ ɔmɛ tsuo ngɛ nyɛ he. Yawɛ, nyɛ Mawu ɔ ji nɔ nɛ hwu ta ha nyɛ.

Mose V, 29:2

Mose tsɛ Israel ma a tsuo kɛ kpe, nɛ e de mɛ ke, “Nyɛ nitsɛmɛ nyɛ na nɔ́ nɛ Yawɛ pee Egipt matsɛ ɔ, e tsɔli ɔmɛ, kɛ e zugba a tsuo.

Mose III, 26:43

Kekleekle ɔ, ja a je zugba a nɔ, nɛ zugba a jɔɔ e he kulaa. Lɔ ɔ se ɔ, ja a kplɛ, nɛ a gbla a tue saminya kaa a kua ye mlaa amɛ, kɛ ye blɔ nya tomi ɔmɛ.

Mose II, 19:4

“Nyɛ nitsɛmɛ nyɛ na nɔ́ nɛ i pee Egipt bi ɔmɛ, kɛ bɔ nɛ i kɛ he wami je nyɛ kɛ je Egipt kaa nɔ́ nɛ kɔle pɛli nɔ nɛ nyɛ hii si ngɛ, nɛ i ngɔ nyɛ kɛ ba imi nitsɛ ye ngɔ.

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Yeremia 44:23

Haomi mi nɛ nyɛ ngɛ mwɔnɛ nɛ ɔ, nɔ́ nɛ kɛ haomi nɛ ɔ ba ji nyɛ pee yayami kɛ si Yawɛ. Nyɛ sã tsopa kɛ e he via ha mawu kpahi; nyɛ bui Yawɛ gbi tue, nɛ e mlaa amɛ, kɛ e blɔ nya tomi ɔmɛ hu nyɛ yi nɔ.”

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Yeremia 8:3

Ke e ba mi ja, ma yayami nɛ ɔ mi bi nɛ a yi ma na wami ngɛ hehi nɛ ma sake mɛ ngɔ pue ɔ, a maa suɔ kaa a ma gbo mohu pe nɔ́ nɛ a maa hi je mi. Imi, Yawɛ Tabohiatsɛ ɔ lɛ i de.”