Yeremia 43:6 - BAIBLO ALOO NGMAMI KLƆUKLƆU Ɔ

⁶ nyumuhi, yihi, jokuɛwi, kɛ matsɛbiyihi. Imi Yeremia, Neria bi Baruk, kɛ nihi tsuo nɛ tatsɛ Nebuzaradan si ha Gedalia nɛ e ngɛ a nɔ hyɛe ɔ, wɔ hu wa piɛ nihi nɛ a ngɔ kɛ ho ɔ a he.

Yeremia 43:6 ပူးပေါင်းရင်းမြစ်များ

Yeremia 38:22

I na nɛ a ngɔ yi ɔmɛ tsuo nɛ piɛ ngɛ Yuda matsɛ we ɔ mi ɔ kɛ yaa Babilonia matsɛ ɔ ma nimeli ɔmɛ a ngɔ. Benɛ a yaa a, nɔ́ nɛ a ngɛ dee ji nɛ ɔ nɛ: ‘Matsɛ ɔ huɛmɛ kpakpa amɛ sisi lɛ nɛ a ye e nɔ. Se amlɔ nɛ ɔ nɛ e nane pu mɔsɔ lɛɛ e huɛmɛ ɔmɛ je e he?’ ”

Yeremia 39:10

Se Nebuzaradan, tatsɛ ɔ si ohiatsɛmɛ komɛ nɛ weto ní be a dɛ ngɛ Yuda zugba a nɔ, nɛ e ha mɛ wai ngmɔhi kɛ zugba.

Yeremia 40:11

Israel bi tsuo nɛ ngɛ Moab, Amon, Edom kɛ zugba kpa amɛ a nɔ ɔ ba nu kaa Babilonia matsɛ ɔ si Israel bi komɛ ngɛ Yuda, nɛ e ngɔ Shafan bi Ahikam bi Gedalia ngɔ to a nya kaa amlaalo.

Yeremia 40:7

Se Yuda asafoatsɛmɛ ɔmɛ, kɛ ta buli ɔmɛ ekomɛ lɛɛ a yɛ nɛ a ya ngɔ a he kɛ ha lolo. A nu kaa Babilonia matsɛ ɔ wo Gedalia amlaalo ngɛ zugba a nɔ, nɛ e ngɔ nihi tsuo nɛ a kɛ mɛ yɛ Babilonia lolo, nɛ ji zugba a nɔ ohiatsɛmɛ ɔmɛ ngɔ wo e dɛ mi.

Yeremia 41:10

Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.

Yeremia 43:3

Neria bi Baruk ji nɔ nɛ wo o yi mi nɛ e su mo kɛ wo wa he. E pee enɛ ɔ konɛ e ngɔ wɔ kɛ wo Babilonia bi ɔmɛ a dɛ mi nɛ a gbe wɔ, loo a nuu wɔ kɛ ya Babilonia.”

Yeremia 45:1

Yuda matsɛ, Yehoyakim, Yosia bi ɔ yi nɔ jeha nɛ ji eywiɛ ɔ mi ɔ, Neria bi Baruk ngma munyu ɔ nɛ i de lɛ ke e ngma a. Kɛkɛ nɛ i de lɛ ke,

Yeremia 52:10

Nebukadnezar gbe Zedekia binyumu ɔmɛ ngɛ Zedekia hɛ mi ngɛ Ribla. E gbe Yuda ma nimeli ɔmɛ tsuo hulɔ.

Kɔmɔ Yemi 3:1

Ke a ke Mawu gbla nɔ ko tue ɔ, imi lɛɛ i le nɔ́ nɛ ji.

Yohane 21:18

I ngɛ mo dee anɔkuale mi ke o nihe mi ɔ, mo nitsɛ o miaa, nɛ o yaa he tsuaa he nɛ o suɔ. Se ke o ba bwɔ ɔ, o ma wo o nine nɔ, nɛ nɔ kpa maa mia mo; nɛ e kɛ mo maa ya he nɛ o sume kaa o maa ya.”