Yeremia 43:3 - BAIBLO ALOO NGMAMI KLƆUKLƆU Ɔ

³ Neria bi Baruk ji nɔ nɛ wo o yi mi nɛ e su mo kɛ wo wa he. E pee enɛ ɔ konɛ e ngɔ wɔ kɛ wo Babilonia bi ɔmɛ a dɛ mi nɛ a gbe wɔ, loo a nuu wɔ kɛ ya Babilonia.”

Yeremia 43:3 ပူးပေါင်းရင်းမြစ်များ

Yeremia 43:6

nyumuhi, yihi, jokuɛwi, kɛ matsɛbiyihi. Imi Yeremia, Neria bi Baruk, kɛ nihi tsuo nɛ tatsɛ Nebuzaradan si ha Gedalia nɛ e ngɛ a nɔ hyɛe ɔ, wɔ hu wa piɛ nihi nɛ a ngɔ kɛ ho ɔ a he.

Yeremia 38:4

Kɛkɛ nɛ ma nimeli ɔmɛ ho nɛ a ya de matsɛ ɔ ke, “Ha nɛ a gbe nyumu nɛ ɔ. Munyuhi nɛ e ngɛ tue ɔ ha nɛ ta buli nɛ piɛ ngɛ ma a mi, kɛ nihi tsuo nɛ ngɛ ma a mi ɔ a kɔni mi ngɛ jɔe. Nyumu nɛ ɔ, ma a si gbeemi e ngɛ hlae, se pi ma a nɔ yami.”

Yeremia 36:26

Kɛkɛ nɛ matsɛ ɔ fa matsɛbinyumu Yerameel, kɛ Seraya, Azriel bi ɔ, kɛ Shelemia, Abdeel bi ɔ ke a nu imi, kɛ ye womi ngmalɔ Baruk ɔ tsuo. Se Yawɛ ngɔ wɔ kɛ laa.

Yeremia 36:10

Kɛkɛ nɛ Baruk kane nɔ́ tsuaa nɔ́ nɛ i de ɔ kɛ ha ma a tsuo kaa bɔ nɛ a ngma ngɛ womi kpo ɔ mi ɔ. E kane womi kpo nɛ ɔ ngɛ Yawɛ we ɔ, ngɛ Gemaria, Shafan bi ɔ tsu ɔ mi. Gemaria nɛ ɔ ji matsɛ pɛdiyo, nɛ e tsu ɔ ngɛ yiti je kue ɔ mi, ngɛ Yawɛ we ɔ agbo he ɔ sinya a nya.

Yeremia 36:4

Kɛkɛ nɛ i tsɛ Baruk, Neria bi ɔ, nɛ munyuhi tsuo nɛ Yawɛ kɛ mi tu ɔ, i tsɛ ha lɛ, nɛ e ngma kɛ wo womi kpo ko mi.

Luka 6:26

“Musu tloo nyɛ, ke nihi tsuo tuɔ nyɛ he munyu kpakpa; ejakaa ja nɔuu a nɛmɛ ɔmɛ pee lakpa gbali ɔmɛ!

La 109:4

I suɔ mɛ, nɛ i faa kue kɛ haa mɛ, se mɛɛ lɛɛ a poɔ ye nya yaka gu.

Yeremia 32:12

I ngɔ womi ɔmɛ kɛ ha Baruk, Maseya bi Neria bi ɔ ngɛ ye tsɛko bi Hanamel, kɛ odase yeli ɔmɛ nɛ ngɔ a nine kɛ wo womi ɔ sisi ɔ, kɛ Yuda bi tsuo nɛ hii si ngɛ kue ɔ mi ɔ a hɛ mi.