Yeremia 43:11 - BAIBLO ALOO NGMAMI KLƆUKLƆU Ɔ

¹¹ Ke Nebukadnezar ba a, e ma ba kpata Egipt zugba a hɛ mi; nihi nɛ i de to kaa gbenɔ hiɔ maa gbe ɔ, gbenɔ hiɔ maa gbe mɛ; nihi nɛ i de to kaa a maa nuu kɛ ho ɔ, a maa nuu mɛ kɛ ho; ni nɛmɛ nɛ i de to kaa a maa nɔ ta a, a maa nɔ ta.

Yeremia 43:11 ပူးပေါင်းရင်းမြစ်များ

Yeremia 44:13

Ma ngɔ ta, hwɔ, kɛ gbenɔ hiɔ kɛ gbla nihi nɛ ngɛ Egipt ɔ a tue kaa bɔ nɛ i gbla Yerusalem tue ɔ.

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Zakaria 11:9

Kɛkɛ nɛ i de to kuu ɔ ke, “Jehanɛ, i be nyɛ nɔ hyɛe hu. Nyɛ ti ni nɛmɛ nɛ ma gbo ɔ, a gbo. Ni nɛmɛ nɛ a hɛ mi ma kpata a, a hɛ mi nɛ kpata. Ni nɛmɛ nɛ maa piɛ ɔ, a tsɔtslɔɔ a sibi a mi.”

Yeremia 25:19

Ni kpahi tsuo nɛ mɛ hu a sa a nya kplu nɛ ɔ ji nɛ ɔmɛ nɛ: Egipt matsɛ ɔ, kɛ e tsɔli ɔmɛ, kɛ ma nimeli ɔmɛ; Egipt bi tsuo, kɛ nibwɔhi tsuo nɛ ngɛ Egipt ɔ; matsɛmɛ ɔmɛ tsuo nɛ ngɛ Uz zugba a nɔ ɔ; matsɛmɛ ɔmɛ tsuo nɛ ngɛ Filisti ma nɛ ɔmɛ a mi ɔ: Ashkelon, Gaza, Ekron, kɛ Ashdod fa a nɛ piɛ ɔ; nihi tsuo nɛ ngɛ Edom, Moab, kɛ Amon; matsɛmɛ ɔmɛ tsuo nɛ ngɛ Tiro, kɛ Sidon; matsɛmɛ ɔmɛ tsuo nɛ ngɛ zugba amɛ a nɔ ngɛ Mediterenia woɔ se ɔ; Dedan, kɛ Tema, kɛ Buz ma amɛ; nihi tsuo nɛ poɔ huɛ ngɛ a yi mi; Arabia matsɛmɛ ɔmɛ tsuo; futufututsɛmɛ nɛ ngɛ nga kplanaa a nɔ ɔ a matsɛmɛ ɔmɛ tsuo; matsɛmɛ ɔmɛ tsuo nɛ ngɛ Zimri, Elam, kɛ Media; omleyi je matsɛmɛ ɔmɛ tsuo, ni nɛmɛ nɛ a he kɛ, kɛ ni nɛmɛ nɛ a he kɛ we. Je nɛ ɔ mi matsɛ yemi ɔmɛ tsuo pɛpɛɛpɛ sa a nya kplu nɛ ɔ. A se ɔ, nɔ nɛ maa nu kɛ gbe nya ji Babilonia matsɛ ɔ.

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Hiob 20:29

Enɛ ɔ ji yayami peelɔ blɔ fa mi nɔ́; gbosi ní nɛ Mawu to kɛ ha yayami peelɔ ji nɛ ɔ nɛ.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Yeremia 25:15

Yawɛ, Israel Mawu ɔ de mi ke, “O nɛ wai kplu nɛ ye mi mi la hyi lɛ tɔ. Ngɔɔ kɛ ya ha je mahi tsuo nɛ ma tsɔ mo a ngɔ ɔ nɛ a nu.

Yeremia 42:22

Lɔ ɔ he ɔ, jehanɛ lɛɛ nyɛ ná nɛ nyɛɛ le klɛdɛɛ kaa he nɛ nyɛ suɔ kaa nyɛ ma ya hi ɔ, nyɛ ma ya gbo ngɛ lejɛ ɔ. Ke nyɛ ya nɔɛ ta a, lɛɛ mi mi hwɔ, loo gbenɔ hiɔ maa gbe nyɛ ngɛ lejɛ ɔ.”

Ezekiel 29:11

Nane ko nane ko be zugba a nɔ nyɛɛe hu, nɔmlɔ nɔ́ jio, lohwe nɔ́ jio. Lejɛ ɔ maa fɔ si gu jeha nyingmi eywiɛ sɔuu.

Yeremia 44:12

Yuda bi nɛ piɛ, nɛ a to a yi mi kaa a maa ya Egipt nɛ a ya hi lejɛ ɔ, ma hyɛ nɛ a kpata mɛ tsuo a hɛ mi. Mɛ tsuo a ma gbo ngɛ Egipt zugba a nɔ, nimli wawi, kɛ nimli nguahi tsuo. Ni komɛ ma gbo ngɛ ta mi, nɛ hwɔ maa gbe ni komɛ. Nihi maa hie mɛ; a maa bɔ mɛ ahlua, nɛ a kɛ a biɛ maa gbiɛ nɔ.