Yeremia 43:10 - BAIBLO ALOO NGMAMI KLƆUKLƆU Ɔ

¹⁰ De mɛ ke imi Yawɛ Tabohiatsɛ, Israel Mawu ɔ, i yaa ngɔ Babilonia matsɛ Nebukadnezar, ye tsɔlɔ ɔ kɛ ba hiɛ ɔ. E maa ngɔ e matsɛ sɛ ɔ ba ma tɛ nɛ nyɛ pu ɔ nɔ, nɛ e kɛ e we akatabai ɔ maa ma lejɛ ɔ.

Yeremia 43:10 ပူးပေါင်းရင်းမြစ်များ

Yeremia 1:15

I ngɛ je ma amɛ tsuo nɛ ngɛ omleyi je ɔ kpee kɛ ma Yerusalem. Matsɛ tsuaa matsɛ kɛ e sɛ ma ba ma Yerusalem agbo ɔmɛ a nya, kɛ gbogbo ɔmɛ a he kɛ kpe. A maa pee ja nɔuu ngɛ Yuda ma kpa amɛ hu a mi.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.

La 27:5

Haomi be mi ɔ, e maa ngɔ mi kɛ laa ngɛ laami he ɔ, ngɛ e we ɔ; e maa ngɔ mi kɛ da tɛ sa nɔ.

La 18:11

E ngɔ diblii kɛ ha e he kaa bo, nɛ bɔku kpii kɛ e mi nyu gbagbaagba ha e yi nɔ.

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Matsɛmɛ I, 20:16

Piani ɔ, a hia ta. Jamɛ a be ɔ, Benhadad, kɛ matsɛmɛ nyingmi etɛ kɛ enyɔ kpa amɛ nu dã nɛ a tɔ kpɔtɔɔ ngɛ a bo tsu ɔmɛ a mi.

Matsɛmɛ I, 20:12

Benhadad kɛ matsɛmɛ kpa amɛ nɛ piɛ e he ɔ ngɛ dã nue ngɛ a bo tsu ɔmɛ a mi benɛ a ngɔ Ahab sɛ gbi nɛ ɔ ya ha lɛ ɔ. E fa e tsɔli ɔmɛ ke, “Nyɛ gba ngɔ wo ma a he!” Nɛ a pee ja.

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ:

Yeremia 43:9

“Yaa hla tɛ agboagbo komɛ nɛ o pu ngɛ zu mi ngɛ he nɛ a ka tɛ ngɛ, ngɛ Egipt matsɛ ɔ we ɔ hɛ mi ɔ. Ke o ngɛ nɔ́ nɛ ɔ pee ɔ, ha nɛ Israel bi ɔmɛ nɛ a na mo.

Yeremia 46:13

Benɛ Babilonia matsɛ, Nebukadnezar ma nɛ e ba tua Egipt ɔ, Yawɛ kɛ mi tu munyu. Yawɛ de mi ke,

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Yeremia 49:38

Ma kpata a matsɛmɛ ɔmɛ, kɛ ma nimeli ɔmɛ a hɛ mi, nɛ ma to imi nitsɛ ye matsɛ yemi sisi ngɛ lejɛ ɔ.