Yeremia 43:1 - BAIBLO ALOO NGMAMI KLƆUKLƆU Ɔ

¹ I bɔ ma a níhi tsuo nɛ Yawɛ, a Mawu ɔ tsɔ mi ke ma ba de mɛ ɔ.

Yeremia 43:1 ပူးပေါင်းရင်းမြစ်များ

Yeremia 26:8

Benɛ i de nɔ́ tsuaa nɔ́ nɛ Yawɛ fa mi ke ma de ɔ gbe nya a, osɔfo ɔmɛ, gbali ɔmɛ, kɛ ma a tsuo nu mi. Nɛ a de ke, “Ja o gbo!

Yeremia 51:63

Seraya, ke o kane womi nɛ ɔ gbe nya a, o fi tɛ kɛ wo he, nɛ o ya sake kɛ fɔ Yufrate pa a mi,

Yeremia 42:22

Lɔ ɔ he ɔ, jehanɛ lɛɛ nyɛ ná nɛ nyɛɛ le klɛdɛɛ kaa he nɛ nyɛ suɔ kaa nyɛ ma ya hi ɔ, nyɛ ma ya gbo ngɛ lejɛ ɔ. Ke nyɛ ya nɔɛ ta a, lɛɛ mi mi hwɔ, loo gbenɔ hiɔ maa gbe nyɛ ngɛ lejɛ ɔ.”

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Ni Tsumi 5:20

“Nyɛɛ ya sɔlemi we ɔ nɛ nyɛ ya jaje kikɛmɛ a si himi he nɛ ɔ mi munyu ɔmɛ tsuo ngɔ tsɔɔ ma a.”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Yeremia 26:2

Yawɛ de mi ke, “Yaa nɛ o ya da si ngɛ kue ɔ mi ngɛ Yawɛ we ɔ. Nihi nɛ jeɔ Yuda ma amɛ tsuo a mi kɛ baa lejɛ ɔ nɛ a ba jaa mi ɔ, de mɛ níhi tsuo nɛ i fa mo ke o fiɛ ha mɛ ɔ. Ko si ekoeko.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Yeremia 1:7

Se Yawɛ de mi ke, “Ko de ke niheyo kɛkɛ ji mo. Nihi tsuo a ngɔ nɛ ma tsɔ mo ɔ, yaa; nɛ nɔ́ tsuaa nɔ́ nɛ ma fa mo ke o de ɔ, de.

Samuel I, 8:10

Samuel ya bɔ ma a nɛ bi ke a ha mɛ matsɛ ɔ nɔ́ tsuaa nɔ́ nɛ Yawɛ de lɛ ɔ.

Mose II, 24:3

Mose ba nɛ e ba bɔ ma a nɔ́ tsuaa nɔ́ nɛ Yawɛ de lɛ ɔ, kɛ mlaa amɛ tsuo nɛ e wo ɔ. Ma a tsuo nya sɔ nɛ a de ke, “Nɔ́ tsuaa nɔ́ nɛ Yawɛ de wɔ ke waa pee ɔ, wa maa pee.”

Mose I, 19:14

Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Yeremia 5:12

Yawɛ ma mi bi ɔmɛ sisi mɛ nitsɛmɛ a he, nɛ a de ke, “Yawɛ loo! Mɛni e ma nyɛ maa pee? Haomi ko haomi ko be wa nɔ bae fɛɛ! Ta, loo hwɔ hu be bae.”

Yeremia 42:21

Lɔ ɔ ji nɔ́ nɛ i de nyɛ mwɔnɛ ɔ nɛ. Se níhi tsuo nɛ Yawɛ, wa Mawu ɔ tsɔ mi ke ma ba de nyɛ ɔ, nyɛ bui tue fɛɛ.