Yeremia 42:21 - BAIBLO ALOO NGMAMI KLƆUKLƆU Ɔ

²¹ Lɔ ɔ ji nɔ́ nɛ i de nyɛ mwɔnɛ ɔ nɛ. Se níhi tsuo nɛ Yawɛ, wa Mawu ɔ tsɔ mi ke ma ba de nyɛ ɔ, nyɛ bui tue fɛɛ.

Yeremia 42:21 ပူးပေါင်းရင်းမြစ်များ

Ezekiel 2:7

A bu mo tue jio, a bui mo tue jio, moo lɛɛ de mɛ nɔ́ tsuaa nɔ́ nɛ ma de mo ke o de mɛ ɔ. Ejakaa tue gboli ji mɛ.

Ni Tsumi 20:20

Nyɛ le hu kaa níhi nɛ a he ngɛ se nami ha nyɛ ɔ, i laa we nyɛ ekoeko nɔ; se mohu i fiɛ, nɛ i tsɔɔ nyɛ ní faii ngɛ ma nɔ, kɛ nyɛ we ɔmɛ a mi tsuo.

Ezekiel 3:17

“Nɔmlɔ adesa, i pee mo bulɔ kɛ ha Israel ma a; lɔ ɔ he ɔ, bu ye nya mi munyu ɔmɛ tue saminya, konɛ o kɛ bɔ mɛ kɔkɔ ha mi.

Mose V, 29:19

Nyɛɛ hyɛ saminya nɛ nyɛ nihi tsuo nɛ nyɛ ngɛ somi munyu nɛ ɔmɛ nue mwɔnɛ ɔ ngɛ hiɛmɛ nɛ ɔ, nyɛ ti nɔ ko kó mlɔɔ e he kaa ke e pee lɛ nitsɛ e tsui wami nya ní ɔ, e maa hi ha lɛ ligbi ko. Ke nɔ ko pee ja a, nyɛ tsuo nyɛ hɛ mi ma kpata, nɔ kpakpa, kɛ nɔ yayami tsuo nɛ slɔɔto ko be mi.

Yeremia 43:1

I bɔ ma a níhi tsuo nɛ Yawɛ, a Mawu ɔ tsɔ mi ke ma ba de mɛ ɔ.

Yeremia 43:4

Lɔ ɔ he ɔ, fami ɔ nɛ Yawɛ fa ke a hi Yuda zugba a nɔ ɔ, nɔ ko nɔ ko bui fɛɛ, Karea bi Yohanan jio, asafoatsɛmɛ ɔmɛ jio, ma a jio.

Mose V, 30:15

“Mwɔnɛ ɔ, i ngɔ kpakpa kɛ yayami ngɔ fɔ nyɛ hɛ mi; nyɛɛ ngɔ wami, aloo gbenɔ.

Mose V, 30:19

Lɔ ɔ he ɔ, i ngɔ wami kɛ gbenɔ kɛ ngɛ nyɛ hɛ mi fɔe; i ngɔ Mawu gbaami kɛ gbiɛmi hu kɛ ngɛ nyɛ hɛ mi fɔe; nɛ i ngɛ hiɔwe kɛ zugba odase tsɛe ngɛ nɔ́ nɛ nyɛ maa hla a he. Nyɛɛ ngɔ wami.

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Yeremia 43:7

A bui Yawɛ munyu ɔ tue, nɛ a je kɛ ho Egipt zugba a nɔ ya, kɛ ya su Tapanhes tɔɔ.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Ezekiel 33:32

A buɔ mo kaa nɔ ko nɛ laa suɔmi la kɛ gbi ngɔngɔɛ, aloo nɔ ko nɛ le saku fiami saminya. A ba buɔ o munyu ɔmɛ tue lɛɛ, se a yi nɔ.