Yeremia 42:19 - BAIBLO ALOO NGMAMI KLƆUKLƆU Ɔ

¹⁹ I ya nɔ nɛ i de ke, “Nyɛ ni nɛmɛ nɛ nyɛ piɛ ngɛ Yuda a, Yawɛ de nyɛ ke, ‘Nyɛ ko ya Egipt.’ Nyɛ ná nɛ nyɛɛ le kaa i bɔ nyɛ kɔkɔ mwɔnɛ ligbi nɛ ɔ,

Yeremia 42:19 ပူးပေါင်းရင်းမြစ်များ

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

Ezekiel 17:15

Se Yuda matsɛ ɔ tsɔ atuã; e tsɔ nihi kɛ ho Egipt ya, konɛ a ha lɛ okpɔngɔhi, kɛ ta buli nɛ he hiɛ. Anɛ e ma nyɛ maa ye kunimi lo? Anɛ matsɛ nɛ ɔ yi ma na wami lo? Ke e yi somi ɔ nɔ ɔ, anɛ e yi ma na wami lo?”

Ezekiel 3:21

Se ke o bɔ dalɔ ɔ kɔkɔ ke e ko pee yayami, nɛ e bu mo tue, nɛ e pee we nɔ́ nɛ dɛ ɔ, e yi ma na wami, nɛ mo nitsɛ hu a ma he o yi wami.”

Ezekiel 2:5

Ke atuã tsɔli nɛ ɔmɛ bu mo tue jio, a bui mo tue jio, a ma na maa le kɛ̃ kaa gbalɔ ko ngɛ a kpɛti.

Yeremia 38:21

Se ke o kplɛɛ we kaa o maa ya nɛ o ya ha yi ɔ, lɛɛ nɔ́ nɛ Yawɛ je tsɔɔ mi ngɛ nina mi ji nɛ ɔ nɛ.

Kronika II, 24:19

Yawɛ tsɔ gbali kɛ ba a ngɔ, konɛ a ba kpale mɛ kɛ ba lɛ Yawɛ ɔ ngɔ ekohu; se ma a bui mɛ tue.

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Mose IV, 14:3

Mɛni he je Yawɛ kpaka wɔ kɛ yaa zugba nɛ ɔ nɔ, nɛ wa ya gbo ngɛ klaate nya, nɛ a ngɔ wa yihi, kɛ wa bimɛ nyɔguɛ ɔ? Anɛ e be hie mohu kaa waa kpale wa se kɛ ho Egipt ya lo?”

Yesaya 21:12

I he nɔ ke, “Je na ta, se nyɔ maa kpale ba ekohu. Ke o suɔ kaa o ma ba bi si ekohu ɔ, kpale kɛ ba nɛ o ba bi.”