Yeremia 42:16 - BAIBLO ALOO NGMAMI KLƆUKLƆU Ɔ

¹⁶ lɛɛ ta a nɛ nyɛ ngɛ gbeye yee ɔ ma ba na nyɛ ngɛ lejɛ ɔ; mi mi hwɔ nɛ nyɛ tsui ngɛ poe ngɛ he ɔ, lɔ ɔ hu maa nyɛɛ nyɛ se, nɛ Egipt zugba a nɔ nɔuu nyɛ ma gbo ngɛ.

Yeremia 42:16 ပူးပေါင်းရင်းမြစ်များ

Ezekiel 11:8

Nyɛ ngɛ klaate gbeye yee; se klaate nɔuu a kɛ ma ba tua nyɛ.

Yeremia 44:27

Ma hyɛ, nɛ nɔ́ ko nɔ́ ko be hie ha nyɛ. Nyɛ Israel bi tsuo nɛ nyɛ ngɛ Egipt zugba a nɔ ɔ, nyɛ tsuo nyɛ hɛ mi ma kpata, nɛ nɔ kake ngmelu po he be mi jee. Nyɛ ti ni komɛ ma gbo ngɛ ta mi, nɛ hwɔ maa gbe ni komɛ.

Yohane 11:48

Ke wa ngmɛ lɛ blɔ nɛ e ya nɔ ngɛ ní nɛ ɔmɛ pee ɔ, ma a tsuo ma he lɛ maa ye. Kɛkɛ ɔ, Roma bi ɔmɛ maa ba ba kpata wa sɔlemi we ɔ, kɛ wa ma a tsuo hɛ mi.”

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Yeremia 42:13

“Se nyɛ nihi nɛ nyɛ piɛ ngɛ Yuda a, nyɛ ko de ke nyɛ be Yawɛ, nyɛ Mawu ɔ tue bue; nyɛ ko de ke nyɛ be zugba nɛ ɔ nɔ hie. Nyɛ ko de ke, ‘Dɛbi, wa yaa nɛ wa ya hi Egipt zugba a nɔ; ta ba be wɔ nae ngɛ lejɛ ɔ; wa be ta titimati ko hu he nue, nɛ hwɔ be wɔ yee hulɔ.’ Ke nyɛ de ja a, lɛɛ bɔ nɛ Yawɛ Tabohiatsɛ, Israel Mawu ɔ ngɛ dee ji nɛ ɔ nɛ: ‘Ke nyɛ pee nyɛ yi mi kaa nyɛ ma ya hi Egipt ɔ,

Abɛ Womi 13:21

Haomi nyɛɛɔ yayami peeli a se. Se nihi nɛ peeɔ nɔ́ nɛ da lɛɛ a ma na hiɔwo kpakpa.

Mose V, 28:45

“Haomi nɛ ɔmɛ tsuo maa ba nyɛ nɔ, nɛ e ma tsa nɔ jã kɛ̃ kɛ yaa su be nɛ nyɛ hɛ mi ma kpata pɛsɛpɛsɛ; ejakaa nyɛ bui Yawɛ, nyɛ Mawu ɔ gbi tue, nɛ nyɛ yi e mlaa amɛ tsuo nɛ i wo nyɛ ɔ a nɔ.

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Mose V, 28:15

“Se ke nyɛ bui Yawɛ, nyɛ Mawu ɔ gbi tue, nɛ nyɛ yi e fami ɔmɛ, kɛ e mlaa amɛ tsuo nɛ i ngɛ nyɛ woe mwɔnɛ ɔ a nɔ pɛpɛɛpɛ ɔ, gbiɛmi nɛ ɔmɛ tsuo maa ba nyɛ nɔ.

Yeremia 27:8

“Se ke je ma ko, aloo nɔ yemi ko kua ke mɛɛ lɛɛ a be kikɛmɛ a Babilonia matsɛ, Nebukadnezar nɛ ɔ sɔmɔe ɔ, ma ngɔ ta, hwɔ, kɛ gbenɔ hiɔ kɛ gbla a tue hluu kɛ yaa si be nɛ ma ha nɛ Nebukadnezar ma kpata a hɛ mi pɛsɛpɛsɛ.