Yeremia 41:9 - BAIBLO ALOO NGMAMI KLƆUKLƆU Ɔ

⁹ Vu ɔ nɛ Ishmael sake nihi tsuo nɛ e gbe ɔ a gbogboe ɔmɛ kɛ wo mi ɔ, jamɛ a vu ɔ, Matsɛ Asa lɛ tsua. Matsɛ ɔ tsua vu nɛ ɔ be mi nɛ Israel matsɛ, Baasha ba tua lɛ ɔ. Vu nɛ ɔ mi lɛ Netania bi Ishmael sake ni gbogboe ɔmɛ kɛ wo tɔ ɔ nɛ.

Yeremia 41:9 ပူးပေါင်းရင်းမြစ်များ

Samuel II, 17:9

Hyɛ, nɔmlɔ nɛ ɔ po, ke o li peemi, be nɛ ɔ mi e ya laa ngɛ tɛ puɔ ko mi, aloo ngɛ he kpa ko. Ke e ba mi kaa mɛɛ a tua wɔ kekle, nɛ wa we bi ɔmɛ ekomɛ nɔ ngɛ ta a mi, nɛ nihi nu he ɔ, a ma de ke, ‘A kpata Absalom we bi ɔmɛ a hɛ mi.’

Samuel I, 13:6

A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;

Manyadali 6:2

Midian bi ɔmɛ wa Israel bi ɔmɛ yi mi. Midian bi ɔmɛ a he je ɔ, Israel bi ɔmɛ ya tsua muɔhi, tɛ puɔhi, kɛ laami he kpahi kɛ ha a he ngɛ yo ɔmɛ a nɔ.

Hebribi 11:38

Je ɔ sɛ́ nimli nɛ ɔmɛ! A wo lalaalo ngɛ nga kplanaa nɔ, kɛ yohi a nɔ. A hi tɛ puɔhi, kɛ muɔhi a mi.

Samuel I, 24:3

Benɛ Saul su to tsu komɛ a he ngɛ blɔ ɔ nɔ ɔ, e gba ya sɛ tɛ puɔ ko mi, nɛ e ya nane nɔ ngɛ lejɛ ɔ. David kɛ e we bi ɔmɛ hu laa a he ngɛ jamɛ a tɛ puɔ ɔ nɔuu mi ngɛ se blɔ.

Samuel I, 14:22

Jehanɛ hu, Israel bi tsuo nɛ ya laa a he ngɛ Efraim yo ɔmɛ a nɔ ɔ, benɛ a nu kaa Filisti bi ɔmɛ ngɛ fo tue ɔ, mɛ hu a ba piɛ a nyɛmimɛ ɔmɛ a he nɛ a kɛ nyɛɛ Filisti bi ɔmɛ a se

Samuel I, 14:11

Lɔ ɔ he ɔ, mɛ ni enyɔ ɔmɛ a ya je a he kpo ngɔ tsɔɔ Filisti bi ɔmɛ. Filisti bi ɔmɛ de ke, “Nyɛɛ hyɛ! Hebri bi komɛ hia kpo kɛ je muɔ ɔmɛ nɛ a ya laa a he ngɛ mi ɔ a mi kɛ ma.”

Yesaya 14:19

se moo lɛɛ o be yɔkɔ ɔ eko kulaa; a sake o gbogboe ɔ ngɔ fɔ he, konɛ e sa. Nihi nɛ nɔ ngɛ ta mi ɔ, a gbogboe ɔmɛ ha o nɔ; a sake o kɛ mɛ tsuo kɛ pue tɛ muɔ ko mi kaa gbogboe nɛ a naa nɔ.